Isaya 55:8 - Tshwa Bible

⁸ Hakuva a maalakanyo ya mina a hi maalakanyo ya nwina, Ge hambu a tindlela ta nwina a hi tindlela ta mina, Ku wula Jehova.

Isaya 55:8 Mawu Ofanana

2 Samueli 7:19

Na kona xi wa hi xilo xitsongwani mahlweni ka wena Hosi Jehova. Kanilezi wena u wulawulile hi yindlu ya nanza ga wena ni ka xikhati xa ha tako. O Hosi Jehova, xana lexo xileletelo xa vanhu ke?

2 Tihosi 5:11

Namani i lo zangara, a suka a famba, na aku: Mina nzi waku i ta huma ata ka mina a ta khongela ka Jehova Nungungulu wakwe, a nzi phuphutela hi canja gakwe, a nzi chuma a hlokonho ya mina.

Joba 35:5

Cuwuka le tilweni, u wonisisa; Languta a marefu lawa ma tlakukileko ku hunza wena.

Tisimu 25:10

Tontlhe tindlela ta Jehova ta wuxinji ni kutsumbeka, A ka lava va hlayisako xivumelwano xakwe ni wukustumunyu gakwe.

Tisimu 33:11

A xikungo xa Jehova xi ta tsonzoma kala kupinzuka; A maalakanyo ya mbilu yakwe ma su tsoma zizukulwaneni zontlhe.

Tisimu 40:5

Jehova, Nungungulu wa mina, yi tele a mitiro yi hlamalisako leyi u yi mahileko, Ni makungo ya wena ha hina. A ku na munwe loyi a fananako na wena, Nzi wa ta ranza ku yi tlhatlhambutela, Kanilezi a yi na ku hlayiwa. Ekso. 15:11

Tisimu 92:5

Jehova, yi kulisile kuyini a mitiro ya wena! Ni maalakanyo ya wena ma etile nguvu. Rom. 11:33

Mavingu 21:8

A ndlela ya munhu a na nga ni nanzu yi gornbonyekile, anilezi loyi a basileko a tindlela takwe ti lulamile.

Mavingu 25:3

A kutlakuka ka tilo, ni kueta ka misava, i timbilu ta tihosi, a zi na ku hloliwa.

Isaya 14:24

Jehova wa tiyimpi i hlambanyile, aku: Hizinene, zi ta maheka khwatsi hilezi nzi zi alakanyileko, Khwatsi hilezi nzi zi xuvileko, zi tava lezo.

Isaya 53:6

Hina hontlhe hi wa hambukile khwatsi hi tiyivu, Munwe ni munwani a famba hi ndlela yakwe; Kanilezi Jehova i mu rwexile a kubiha ka hina hontlhe,

Isaya 58:13

Loku u khoma a nenge wa wena lezaku wu nga onhi a sabado, U nga mahi a ntiro wa wena hi siku ga mina go basa; Loku u wula lezaku a siku ga sabado litsako la wena, Lezaku legi gi basileko ga Jehova gi fanele ku chabyiwa, Loku u gi dzunza hi ku nga fambi tindleleni ta wena wutsumbu, Ni ku nga mahi kuranza ka wena ni ku wulawula timhaka ta hava,

Isaya 65:2

Nzi nawulutile a mandla ya mina siku gontlhe a ka tiko gi hluwukileko, Legi gi fambako hi ndlela leyi yi nga hiko yi nene, Va lanzela maalakanyo yabye wutsumbu.

Isaya 66:18

Hakuva nza yi tiva mitiro yabye ni maalakanyo yabye. A xikhati xata laha nzi ta nga tsombanyisa a matiko wontihe ni tirimi; va tata va ta wona kungangamela ka mina.

Jeremia 3:1

Ve ngalo: Loku a wanuna a hlongola sati wakwe, loye wasati a ti fambela, a ya tekiwa hi munwani wanuna, xana loyi wanuna a nga zi kota ku mu tlhelela kambe ke? A tiko lego gi nga ta swariswa hi ku maha lezo ke? Kanilezi wena loyi u gengileko hi wubhayi ni zigango zo tala, xana u ta tlhelela ka mina, ku wula Jehova. Deut. 24:4

Ezekieli 18:29

A yindlu ya ka Israeli yiku: A ndlela ya Jehova a yi lulamangi. Nwina va yindlu ya ka Israeli, A ti lulamangi a tindlela ta mina ke? a hi leti ta nwina ti nga lulamangiko ke?

Danieli 4:37

Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5

Hosea 14:9

Himani a tlharihileko, a zi kotako ku pima lezi zilo ke? Loyi a khunguhileko i ta zi pima, hakuva a tindlela ta Jehova ti lulamile, lava va lulamileko va ta famba ha tona, kanilezi a vahambunyeti va ta khunguvanyeka ka tona. Deut. 10:12; Isa. 8:14

1 Samueli 16:7

Kanilezi Jehova i te ngalo ka Samueli: U nga cuwuki nghohe yakwe hambu ni xiyimo xakwe, hakuva mina a nzi mu lavi. Jehova a nga cuwuki lezi a vanhu va zi cuwukako; hakuva a vanhu va cuwuka a nghohe, kasike Jehova i cuwuka mbilu. Deut. 10:17; Tis. 7:10; Miti. 10:34