Isaya 55:3 - Tshwa Bible

³ Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34

Isaya 55:3 Mawu Ofanana

Genesisi 17:7

Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

2 Samueli 23:5

Xana a yi lezo a yindlu ya mina mahlweni ka Nungungulu ke? Hakuva i mahile xivumelwano xa pinzukelwa na mina, Lexi xi longiselweko khwatsi, xi tiyiswa. Wa kulisa a kuhanyiswa ka mina kontlhe ni kutsaka ka mina kontlhe.

2 Samueli 7:29

Hikwalaho katekisa a yindlu ya nanza ga wena makunu, kasi yi fela ku tshama mahlweni ka wena kala kupinzuka. Hakuva hi wena Hosi Jehova u wulileko lezo; hikwalaho ngha a yindlu ya nanza ga Wena yi katekiswa hi zikatekiso za wena za kala kupinzuka.

2 Kronekele 6:42

Jehova Nungungulu, u nga hoxi a totilweko wa wena; alakanya a wuxinji legi u gi mahileko ka nanza ga wena Davida!

Tisimu 119:112

Nzi koramisile a mbilu ya mina a ku maha milayo ya wena, Ku kala ku chikela magumelweni.

Tisimu 119:175

A muhefemulo wa mina a wu hanye, kasi wa ku dumisa, A zileletelo za wena a zi nzi vune.

Tisimu 78:1

Wena tiko ga mina, ingisa a kugonzisa ka mina; Kangatelani tindleve ka magezu ya nomu wa mina.

Tisimu 89:28

Nzi ta mu hlayisela a wuxinji ga mina kala kupinzuka, A xivumelwano xa mina na yena xi ta tiya.

Tisimu 89:29

Nzi ta maha lixaka lakwe li simamisa kala kupinzuka, Ni xitshamu xakwe xa wuhosi khwatsi hi masiku ya tilo.

Eksodusi 15:26

Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.

Mavingu 4:20

Nwananga, ingisisa timhaka ta mina; emba ndleve ya wena kuwulawuleni ka mina.

Mavingu 7:2

Hlayisa zilayelo za mina, u ta hanya; hlayisa a nayo wa mina kukotisa a nzololwani ya tihlo ga wena.

Isaya 51:4

Ingisa, wena tiko ga mina, Mu kangatela ndleve, nwina hlengeletano ya mina; Hakuva a nayo wu ta huma ka mina, Nzi maha nongameto wa mina a kuva kuwonekela ka tiko.

Isaya 54:10

Hambu loku a zitsunga zi suka, ni miganga yi tsekatseka, Kanilezi a tipswalo ta mina ti nga ta suka ka wena, Ni xivumelwano xa mina xa kurula xi nga ta tsekatseka, Ku wula Jehova loyi a ku mahelako wuxinji. Mat. 24:35

Isaya 54:8

Hi kota ya zanga ya mina nzi lo ku fihlela a nghohe ya mina xikhatanyana, Kanilezi nzi ta ku tsetselela hi tipswalo ta pinzukelwa, Ku wula Jehova a Mutiruli wa wena.

Isaya 61:8

Hakuva mina Jehova nzi ranza lezi zi lulamileko, Nzi venga kuphanga ku mahiwako hi kanu; Nzi ta va nyika hi kutsumbeka a nchachazelo wabye, Nzi ta maha navo a xivumelwano xa pinzukelwa.

Jeremia 30:9

Kanilezi va ta tirela Jehova, Nungungulu wabye, Na Davida, hosi yabye, Loyi nzi to va vuxela yena.

Jeremia 32:40

Nzi ta maha navo a xivumelwano xi nga gumelwiko, lezaku nzi nga ta va fularela, nzi nga tsiki ku va katekisa; nzi veka xichawo xa mina timbilwini tabye, lezaku va nga ha nzi fulareli.

Jeremia 33:26

zonake nzi ta tsika a pswalo wa Jakobe ni wa Davida a nanza ga mina, lezaku nzi nga ha dzuki nzi teka xikari ka vana vakwe loyi a ta nga fumela a lixaka la Abrahama, Isaka na Jakobe, hakuva nzi ta wuyisa a vakhomiwa vabye nzi va hawukela.

Jeremia 38:20

Jeremia aku: Va nga ta ku nyikela. Hi nga ingisa a gezu ga Jehova, legi nzi ku byelako gona; u ta tshameka khwatsi u hanya.

Jeremia 50:5

Va ta wutisa ha Zioni, a tinghohe tabye na ti cuwuka kona, vaku: Tanani mu ta boha zinwe na Jehova a xivumelwano xa pinzukelwa lexi xi to kala xi nga rivaliwi.

Ezekieli 16:60

Ahembalokoke, nzi ta alakanya a xivumelwano xa mina lexi nzi nga maha na wena a masikwini ya wuswa ga wena; nzi ta maha na wena a xivumelwano xa pinzukelwa.

Ezekieli 34:24

Mina Jehova nzi tava Nungungulu wa tona, a nanza ga mina Davida i tava hosi xikari ka tona, ku wulile mina Jehova.

Ezekieli 34:25

Nzi ta maha a xivumelwano xa kurula zinwe navo, nzi hetisa a zivanza laha tikweni. Va ta aka hi kurula lomu xiwuleni, va etlela ni lomu makhwatini.

Ezekieli 37:26

Nzi ta maha navo a xivumelwano xa kurula; xi tava xivumelwano xa simasima. Nzi ta va yimisa kona, nzi va anzisa; a yindlu ya mina yo basa yi tava kona xikari kabye kala kupinzuka. 2 Kro. 6:16; Jer. 31:31

Levi 18:5

Hikwalaho mu ta ingisa milayo ya mina ni zileletelo za mina; a munhu loye a zi mahako i ta hanya ha zona: hi mina Jehova. Ezek. 20:11; Rom. 10:5; Gal. 3:12

Amosi 5:4

Hakuva Jehova i ngalo ka yindlu ya ka Israeli: Nzi hloteni, mu ta hanya. Mav. 4:4

Amosi 5:6

Hlotani Jehova, mu ta hanya; kasi a nga weli a yindlu ya Josefa khwatsi i nzilo, na a nga hi kona le Beteli loyi a nga wu timako.

Mateu 11:28

Tanani ka mina, nwina nwentlhe mu tirako ni ku binzwa, nzi ta mu humuta.

Mateu 13:16

Kanilezi ma katekile a mahlo ya nwina, hakuva ma wona; ni tindleve ta nwina, hakuva tazwa.

Mateu 17:5

Na a ha wulawula, a refu go ngangamela gi lo va khubhunyeta; a gezu gi huma refini giku: Loyi hi Nwananga a ranzekako, nzi xaleleko ha yena; mu ingiseni. Deut. 18:15; 2 Ped. 1:17

Johani 10:27

A tiyivu ta mina ta ingisa a gezu ga mina; mina nza ti tiva, ta nzi lanzela.

Johani 6:37

Zontlhe lezi a nzi nyikako Dadani, zi tata ka mina; ni loyi a tako ka mina, cima nzi nga ta mu hlongola. Vesi 45; Xip. 10:28; 2 Tim. 2:19

Johani 7:37

Hi siku go gumesa, legi gi nga siku ga hombe ga mubuzo, Jesu i lo yima, aba hungu, aku: Loku munhu azwa tora, a ate ka mina, a tanwa. Levi 23:36; Isa. 55:1; Kuv. 22:17

Johani 8:47

Loyi a nga wa ka Nungungulu, wazwa a timhaka ta Nungungulu; nwina a mu ti ingisi, hakuva a mu va ka Nungungulu. Xip. 10:26; 1 Joh. 4:6

Mitiro 13:34

Ni wukustumunyu legi gi tiyisako lezaku i mu vuxile hi ka vafileko, kasi a nga tlheli a bola, hi gezu ga Nungungulu legi gi nge ngalo: Nzi ta ku nyika a zikatekiso zi basileko lezi zi tsumbisilweko ka Davida.

Va le Roma 10:5

Hakuva Mosi i tsala lezaku a munhu loyi a mahako a kululama loku ku nga ka nayo i ta hanya ha kona. Levi 18:5

Maheberu 13:20

Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33