Isaya 55:2 - Tshwa Bible

² Hikuyini mu xakelako mali hi ku xava lezi zi nga hiko zakuga ke? Hikuyini mu humesako hakhelo ya nwina hi kota ya lezi zi nga xurisiko ke? Nzi ingiseni, mu taga zo nanziha, mu ti tsakisa hi lezi zi nonileko.

Isaya 55:2 Mawu Ofanana

Tisimu 22:26

A va hlokisilweko va taga va xura, Lava va lavako Jehova va ta mu dumisa; A timbilu ta nwina a ti hanye kala kupinzuka. Isa. 65:13; Mat. 5:5

Tisimu 34:11

Ngonani vanana, mu nzi ingisela; Nzi ta mu gonzisa xichavo xa Jehova.

Tisimu 36:8

Va xuriswa hi malongo ya yindlu ya wena; U va nwisa a mati ya congo wa kuxalala ka wena.

Tisimu 63:5

A muhefemulo wa mina wu to khwatsi wu xure hi mongo ni mafura; A nomu wa mina wu ta ku dumisa hi milomu yi tsakako,

Eksodusi 15:26

Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.

Mavingu 1:33

Kanilezi ni wihi loyi a nzi ingisako i tshama kuruleni, ta rutisa, cima a nga tava ni kuchava makhombo.

Mavingu 7:23

Kala ligalala li tlhava xivinzi xakwe, ukotisa xinyanyani xi tsutsumelako ku wela tlhanwini, a xi nga zi tivi lezaku wu ta lovisa wutomi ga xona.

Mavingu 8:32

Hikwalaho vana vanga, nzi ingiseni! a katekile lava va hlayisako tindlela ta mina.

Mavingu 9:5

Ngonani mu taga zakuga za mina, wanani a vinya legi nzi gi kamileko.

Mutshawuteli 6:2

a munhu loyi Nungungulu a mu nyikileko wukosi, ni titshomba, ni wudzunzo, laha kaku a nga vumali nchumu lexi a mbilu yakwe yi xi navelako, kanilezi Nungungulu a nga mu nyiki ntamu wa ku ziga, kanilezi zi giwa hi wa matiko; lezo a zi nyawuli, i khombo gi bayisako nguvu. Estere 5:11; Tis. 39:6

Isaya 1:19

Loku mu vumela ku ingisa, mu taga lezi zo nanziha za tiko;

Isaya 10:27

A ka xikhati lexo a nzwhalo wa yena wu ta susiwa makatleni ya wena, ni muyoka wakwe wu ta susiwa nhanwini ya wena, hakuva muyoka wu ta tshoveka hi kota ya kutotiwa.

Isaya 25:6

A ka xitsunga lexi Jehova wa tiyimpi i ta mahela matiko wontihe a mubuzo, Mubuzo wa zilo zi nonileko, ni vinya gi hlutilweko, Zakuga za mafura ni mongo, ni vinya go bava gi minyilweko.

Isaya 44:20

Iga khuma, a hambukiswa hi mbilu yi khohlakeleko, lezaku a tsanzeka ku ponisa a muhefemulo wakwe; hambu ni ku wula, aku: Lezi nzi zi khomileko canjeni ga mina a hi wunwa ke?

Isaya 46:6

Va humesa a nzalama mikwameni, va pima a siliva xikalwini; Va vitana a mufuli a kuva a maha nungungulu ha zona, Loyi va ta nga mu khizamela, va mu khozela. Vala. 17:4; Jer. 10:3

Isaya 51:1

Nzi ingiseni nwina lava mu hlotako kululama, Nwina lava mu lavako Jehova. Cuwukani ka ribye legi mu tekilweko ka gona, Ni ka mugodi lowu mu humesilweko ka wona.

Isaya 51:4

Ingisa, wena tiko ga mina, Mu kangatela ndleve, nwina hlengeletano ya mina; Hakuva a nayo wu ta huma ka mina, Nzi maha nongameto wa mina a kuva kuwonekela ka tiko.

Isaya 51:7

Nzi ingiseni, nwina lava mu tivako kululama, Wena tiko u nga ni nayo wa mina mbilwini ya wena; Mu nga chavi ku tseketselwa hi vanhu, Ge hambu ku dzukiswa hi xiruko zabye.

Isaya 62:8

Jehova i hlambanyile hi canja gakwe ga xinene, Hi woko gakwe ga ntamu, aku: Hizinene, nzi nga ta ha nyikela a mavele ya wena a kuva zakuga za valala va wena, A vamatiko va nga tanwa a vinya ga wena, legi wena u gi tireleko.

Isaya 62:9

Lava va tshovelako va taga na va bonga Jehova; Ni lava va elulako xivina va tanwa vinya lomu tihubyeni ta yindlu ya mina.

Isaya 65:23

Va nga ta ti karatela mahala, Va nga ta beleka vanana kasi ku fela khombyeni, Hakuva va tava lixaka leli li katekisilweko hi Jehova; A vana vabye va ta hanya zinwe navo. 1 Kor. 15:38

Jeremia 12:13

Va byalile mavele, va tshovele mizwa; Va ti karatile mahala. Mu tava ni tingana hi kota ya kutshovela ka nwina, Ni kota ya kuhisa ka khulo ga Jehova. Levi 26:16; Deut. 28:38; Hag. 1:6

Jeremia 17:24

Loku mu nzi ingisa, ku wula Jehova, lezaku mu nga enghenisi a mirwalo tinyangweni ta muti lowu hi siku ga sabado, kanilezi mu basisa a siku ga sabado, mu nga tiri a ntiro ha gona;

Jeremia 2:13

Hakuva a vanhu va mina va mahile a kubiha kumbiri: Va nzi tsikile, mina loyi nzi nga xibuka xa mati ma hanyako, Va ti akela mathangi ma nga ni tifa, Ma nga zi kotiko ku hlayisa mati. Tis. 36:9; Joh. 4:13

Jeremia 31:14

Nzi ta xurisa a vapristi hi mafura, Zonake a tiko ga mina gi ta xura hi wunene ga mina, ku wula Jehova.

Hosea 12:1

Efraime wa risa mheho, a lanzela mheho ya Mutsuwuka-gambo. Wa ha simamisa ku anzisa mawunwa ni lobyiselelo; va maha xivumelwano na Assiria, va rwala a mafura maya Gipite.

Hosea 8:7

Hakuva vona va byala a mheho, va ta tshovela xipupuri. Ni lihlanga linwe la mavele a li kona li yimileko. A livule li nga ta horola a zipfhaki; ni loku li humesa zipfhaki, a vamatiko va ta zi mita. Hag. 1:8; Gal. 6:7

Habakuka 2:13

Kasi a hi Jehova wa tiyimpi a nge ngalo: A matiko ma tirela lezi zi ta nga hiswa hi nzilo, ni mifumo yi ti karatela mahala?

Mateu 15:9

Kanilezi va nzi khozela mahala, Hakuva a zigonzo lezi va zi gonzisako zileletelo za vanhu ntsena. Isa. 29:13; Kol. 2:18-22

Mateu 22:4

Yi lo engeta yi ruma manwani malanza, yiku: Byelani lava va rambilweko, muku: Nzi longisile a zakuga za mina; a tinkavi ta mina ni zifuyo za mina zi nonileko zi tlhabyilwe; zontlhe zi longile. Tanani mubuzweni.

Mateu 5:6

Va katekile lava va nga ni ndlala ya leʼzo lulama ni tora ga zona, hakuva va ta xuriswa. Isa. 55:1

Marku 7:14

I lo engeta a vitana xidlemo, aku ngalo: Nzi zweni nwina nwentlhe, mu pima. Mat. 15:10

Luka 15:23

mu neha a role gi nonileko, mu gi tlhava; hi taga, hi tsaka:

Johani 6:27

Mu nga tireli a zakuga lezi zi mbhelako, kanilezi tirelani a zakuga lezi zi simamisako wutomini ga pinzukelwa, lezi a Nʼwana wa munhu a ta nga mu nyika zona; hakuva hi yena loyi a vekilweko xifungo hi Dadani, loyi a nga Nungungulu. Mat. 3:17; 17:5; Xip. 4:14

Va le Roma 10:17

Lezo a kukholwa kuta hi kuzwa lezi zi kanelwako, kanilezi a kukanela kuta hi mhaka ya Kristu.

Va le Roma 9:31

Kasi vaIsraeli lava va nga ringa ku tatisa nayo wa kululama va wu tsanzekile. Gal. 5:4

Deuteronome 11:13

Loku nwina mu ingisa khwatsi a milayo ya mina leyi nzi mu leletelako inyamutlha, mu ranza Jehova Nungungulu wa nwina, mu mu khozela hi timbilu tontlhe ta nwina, ni mihefemulo yontlhe ya nwina,

Maheberu 13:9

Mu nga pengiswi hi tixaka ti tsalangeneko ta tigonzo leti ti nga tibyiwiko; hakuva zi sasekile loku a mbilu yi tiyiswa hi tipswalo, na ku nga hi zakuga, lezi zi nga vuniko nchumu lava va zi tsumbako. Rom. 14:17; Efe. 4:14