Isaya 55:12 - Tshwa Bible

¹² Hakuva mu ta huma hi kutsaka, Mu rangelwa hi kurula. A zitsunga ni miganga zi ta tlhava zizimba mahlweni ka nwina, A tisinya tontlhe ta khwati ti ta phakatela mandla.

Isaya 55:12 Mawu Ofanana

Tisimu 105:43

A humesa vanhu vakwe hi kutsaka, Ni vahlawulilweko vakwe hi kuyimbelela.

Tisimu 47:1

Phakatelani mandla, nwina nwentlhe matiko; Kanyulukani ka Nungungulu hi migiyo.

Tisimu 65:12

Ma donela magelweni ya xiwula. Ni zitsunga zi ambexwa litsako. Joba 38:25

Tisimu 65:13

A magelo ma fenengela hi mitlhambi, Ni minzhelelo kambe yi fenengetiwa hi mavele. Zona zi hlalela hi litsako, zi yimbelela.

Tisimu 69:34

Ngha a tilo ni misava zi mu dumisa, A mabimbi ni zontlhe lezi zi makanyako lomo.

Isaya 14:8

A tisinya ta kipres ta ku tseketsela, Ni tisedare ta Lebanoni tiku: Cima ka lezo u nga wisilwe a nga kona a tako ku ta hi tsema.

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 44:23

Yimbelelani nwina matilo, hakuva Jehova i zi tirile! Matshamu ya kueta ya misava, kanyulukani! Tlhavani zizimba nwina zitsunga, Na wena khwati ni tisinya to ntlhe ti nga ka wena; Hakuva Jehova i tlhatlhisile Jakobe, A ti dumisa ha Israeli.

Isaya 48:20

Humani lomu Babuloni, mu chavela kule ni maKaldea, Zi tlhatlhambuteni na mu yimbelela hi kutsaka, Muba hungu kala magemetamusi ya misava, muku: Jehova i tirule nanza gakwe Jakobe! Jer. 50:8; Kuv. 18:4

Isaya 49:13

Tlhavani zizimba nwina matilo! tsaka wena misava, Bhumani nwina zitsunga, hakuva Jehova i tangalisile a vanhu vakwe, I zwele wusiwana a ka vakwe lava va hlokiswako.

Isaya 51:11

Hikwalaho a vatirulweko va Jehova va ta tlhela, Va wuya Zioni hi tisimu ta migiyo; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:20, 22; Kuv. 21:4

Isaya 52:9

Giyani, mu yimbelela khatiginwe, nwina marumbi ya Jerusalema; Hakuva Jehova i chavelele a vanhu vakwe, i tlhatlhisile Jerusalema!

Isaya 54:10

Hambu loku a zitsunga zi suka, ni miganga yi tsekatseka, Kanilezi a tipswalo ta mina ti nga ta suka ka wena, Ni xivumelwano xa mina xa kurula xi nga ta tsekatseka, Ku wula Jehova loyi a ku mahelako wuxinji. Mat. 24:35

Isaya 54:13

Vontlhe a vana va wena va ta maha vapizani va Jehova, A vana va wena va tava ni kurula ka hombe. Joh. 6:45; Rom. 5:1

Jeremia 29:11

Hakuva nza alakanya lezi nzi xuvako ha nwina, ku wula Jehova: maalakanyo ya kurula, na ma nga hi ya khombo, lezaku mu tsumba a masiku ma ha tako.

Jeremia 30:19

Ku ta huma kona a kukhesa ni magezu ya litsako; Nzi ta va anzisa, va nga hunguleki; Nzi ta va kulisa, va nga ta ha kanyiswa.

Jeremia 33:11

ku ta zwala a gezu ga nkulungwani ni ga litsako, a gezu ga muteki ni ga mutekiwa, ni gezu ga lava vange: Khesani Jehova wa tiyimpi, hakuva i nene, hakuva a wuxinji gakwe ga kala kupinzuka; ni magezu ya lava va nehako minyikelo ya kubonga a ndlwini ya Jehova. Hakuva nzi ta wuyisa lava va khomilweko ka legi tiko, va ta kotisa xikhatini xa kale, ku wula Jehova.

Jeremia 33:6

Languta, nzi ta wu bohelela nzi wu chuma, ni ku va holisa; nzi ta va kombisa a wunyingi ga kurula ni zinene.

Ezekieli 17:24

Zonake a tisinya tontlhe ta khwati ti ta zi tiva lezaku mina Jehova nzi tsongahatile a sinya yo tlakuka, nzi tlakusa a sinya ya yitsongwani, nzi womisa a sinya yo nyuka, nzi hlukisa a sinya yi womileko. Mina Jehova nzi zi wulile, nzi tlhela nzi zi maha.

Luka 15:10

Nziku ka nwina: Zinghaho ku kona kutsaka mahlweni ka tingelosi ta Nungungulu, hi kota ya muonhi munwe loyi a hunzulukako,

Va le Roma 15:13

Ngha na Nungungulu wa kutsumba a mu tatisa hi kutsaka kontlhe ni kurula a kukholweni, a ku kasi mu fela ku tala kutsumbeni, ni le ntanwini wa Moya wa ku Basa.

Va le Roma 5:1

Hikwalaho na hi hlayelwe kululama hi kukholwa, hi na ni kurula ni Nungungulu hi Hosi ya hina Jesu Kristu; Isa. 32:17; Joh. 16:33; Efe. 2:14

Va le Roma 5:11

Na ku nga hi lezo ntsena, kanilezi kambe ha tsaka ka Nungungulu hi kota ya Hosi ya hina Jesu Kristu, loyi hi kumileko makunu a kutlhanganyiswa ha yena.

Va le Galatia 5:22

Kanilezi a mihanzu ya Moya hi liranzo, ni kutsaka, ni kurula, ni kutimisela, a wunene, ni kusasa, ni kutsumbeka, Joh. 15:2; 1 Kor. 13:7; Jak. 3:17

Va le Kolosi 1:11

Ngha mu tiyiswa matlhelweni wontihe, khwatsi hi ntamu wakwe wa hombe, a kuva mu hi ni kutiyisela kontlhe ni kutimisela zinwe ni kutsaka, Miti. 5:41