Isaya 53:12 - Tshwa Bible

¹² Hikwalaho nzi ta mu nyika xiavelo xakwe ni vahombe, I ta avana muphango ni laʼva ntamu, Hakuva i nyikele kuhanya kakwe kufeni, A hlayiwa zinwe ni vahambunyeti, Hambu lezo a nga rwala a zionho za vanyingi, A kombelela vahambunyeti. Lu. 22:37; 23:33; Joh. 17:2, 6

Isaya 53:12 Mawu Ofanana

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Joba 30:16

Makunu a muhefemulo wa mina wu halakele nzeni ka mina; A masiku ya hlomulo ma nzi khomile.

Tisimu 2:8

Kombela ka mina, nzi ta ku nyika a matiko a kuva tshomba ya wena, Ni magemetamusi ya misava ma ta lumba wena.

Tisimu 22:14

Nzi halatilwe lahasi kota mati, A marambu, ya mina ma khuyukele; A mbilu ya mina yi fanana ni sera, Yi nyekile nzeni ka mina.

Eksodusi 15:9

A nala ite: Nzi ta tsutsumisa, nzi khoma, nzi phanga. A muhefemulo wa mina wu ta xuriswa ha vona; Nzi ta hlomula a tlhari ga mina, nzi va daya.

Isaya 49:4

Kanilezi mina nzi te ngalo: Nzi tirile mahala, Nzi mbhetile a ntamu wa mina mahala hi lezi zi nga vuniko nchumu; Hambu zi hi tano, Jehova i ta lamula mhaka ya mina, A nchachazelo wa mina wu le ka Nungungulu wa mina.

Isaya 52:13

Langutani, a nanza ga mina gi ta humelela, I ta kuliswa, a dzunziwa, a tlakuswa hehla. Miti. 2:33; Fil. 2:9

Isaya 52:15

Hilezo i ta dzukisa a matiko manyingi; A tihosi ti ta su kaye mahlweni kakwe, Hakuva ti ta wona lezi ti kalako ti nga se ku byeliwa, Ti gonza lezi ti kalako ti nga se ku zizwa.

Isaya 53:6

Hina hontlhe hi wa hambukile khwatsi hi tiyivu, Munwe ni munwani a famba hi ndlela yakwe; Kanilezi Jehova i mu rwexile a kubiha ka hina hontlhe,

Isaya 53:8

I susilwe hi kuxanisiwa ni kulamuliwa, Kanilezi a xikari ka vanhu va ka kabye himani a zi alakanyileko Lezaku i lo susiwa misaveni ya vahanyako, A biwa hi kota ya zionho za tiko ga mina?

Danieli 2:45

Lezi za komba a ribye legi u nga gi wona na gi lemuka laha xitsungeni, gi ta fayetela a xiketse, ni suku, ni wumba, ni siliva, ni nzalama. A Nungungulu wa hombe i tivisile hosi lezi zi ta nga maheka anzhako ka lezi. A noro wu tiyisile, ni tlhamuselo wa wona wu wula zinene.

Mateu 26:42

I lo suka hi khati ga wumbiri, a ya khongela, aku: Dada, a gombe legi loku gi nga zi koti ku hunza, a handle ka kuva nzi ginwa, a kuranza ka wena a ku mahiwe.

Marku 15:27

I lo belelwa zinwe ni vaphangi vambiri; munwe hi reveni gakwe ga xinene, ni munwani reveni gakwe ga xibhabha. Mat. 27:38

Marku 15:28

Hi laha ku nga tatiseka a mutsalo lowu wu nge ngalo: I lo hlayiwa zinwe ni vahambunyeti. Isa. 53:12

Luka 22:37

Hakuva nziku ka nwina: Ku fela ku tatiseka ka mina lezi zi tsalilweko ku ngalo: I hlayelwe zinwe ni vaonhi; hakuva lezi zi kanelweko ha mina za tatiseka makunu. Isa. 53:12; Mar. 15:28

Luka 23:25

I lo tlhatlha loye a nga khotselwe paxweni hi kota ya mubango ni kudaya, loyi va nga mu kombela; kanilezi Jesu i lo mu nyikela kuranzeni kabye.

Mitiro 26:18

a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Va le Roma 8:34

Himani loyi a ta nga va kona ke? Kristu Jesu loyi a ngafa a tlhela a vuka hi ka vafileko, loyi a nga canjeni ga xinene ga Nungungulu, hi yena loyi a hi khongelelako. Maheb. 7:23

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

Va le Filipi 2:17

Hambu loku a nkhata wa mina wu lombelwa muphahlelweni laha ku mahiwako muphahlo wa kukholwa ka nwina, ni lezo kambe nzi ta tsaka na nwina nwentlhe.

Va le Kolosi 2:15

I lo wutla matlhari ya vafumeli va mimoya ni mintamu, a va wisa tingana kubaseni, a giyagiya hi ku va hlula kakwe xihambanweni. Gen. 3:15; Tis. 66:18; Isa. 53:12; Lu. 10:18; Joh. 12:31

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Maheberu 12:2

na hi kari hi cuwuka ka Jesu a muvangi ni mumbhelelisi wa kukholwa ka hina, loyi hi kota ya kutsaka loku a nga vekelwe kona a nga timisela a xihambano, a nga khatali hi tingana ta xona; kanilezi makunu i tshamile hi tlhelo ga xinene ga xitshamu xa wuhosi xa Nungungulu. Tis. 110:1; Lu. 24:26

Maheberu 7:25

Hi kota ya lezo i na ni ntamu wa ku hanyisa hi kumbheleleko vona lava va tshinelako ka Nungungulu ha yena, hakuva wa hanya xontlhe xikhati kasi ku va kombelela.

Maheberu 9:24

Hakuva Kristu a nga enghenangi Wutshanwini go Basabasa gi mahilweko hi mandla, legi gi nga xifananiso ntsena xa legi ga ginene; kanilezi i lo enghena kona tilweni ha koce, kasi ku hi yimela makunu mahlweni ka Nungungulu. Rom. 8:34; 1 Joh. 2:1

Maheberu 9:26

Loku zi wa hi lezo ngha a yimelwe hi ku xaniseka kambe ni kambe kusukela kuvangiweni ka misava; kanilezi makunu i wonekile kanwe kugumeseni ka tintanga, kasi ku fuvisa kuonha hi ku maha muphahlelo hi wutsumbu gakwe. Gal. 4:4; 1 Ped. 3:18

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

1 Johani 2:1

Vana vanga, nza mu tsalela timhaka leti lezaku kasi mu fela ku kala mu nga onhi. Kanilezi loku munhu a onha, hi na ni Muyimeli ka Dadani, a nga Jesu Kristu a lulamileko. 1 Tim. 2:5; Maheb. 9:24

1 Johani 2:12

Nza tsala ka nwina, vanana va tsongwani, hakuva a zionho za nwina zi tsetselelwe hi kota ya vito gakwe. Mat. 4:12; Lu. 24:47