Isaya 51:3 - Tshwa Bible

³ Hakuva Jehova i ta zwela wusiwana Zioni, I ta zwela wusiwana a marumbi yakwe wontihe; A xiwula xakwe i ta xi maha xi fanana ni Edeni, Ni mapanya yakwe ma ta fanana ni simu ga Jehova. Ku tava kona kutsaka ni migiyo lomo, A zigingi ni magezu ya wucenje. Tis. 102:25; Lu. 21:33

Isaya 51:3 Mawu Ofanana

Genesisi 13:10

Loti i lo tlakusa a mahlo yakwe, i lo wona a mikova yontlhe ya Jordani, hakuva yi wa hi ni mati yontlhe (Jehova i wa nga se lovisa Sodoma ni Gomora), na yona yi wa ku khwatsi i simu ga Jehova kotisa a tiko ga le Gipite, kala ku chikela Zoare.

Tisimu 85:8

Nzi tazwa lezi Jehova Nungungulu a to zi wula, Hakuva i ta wulawula kurula ka tiko gakwe ni ka vabasileko vakwe; Kanilezi ngha va nga ha tlheli wupumbyini.

Isaya 12:1

A ka siku lego u taku: O Jehova, nza ku bonga! Hambu lezi u nga nzi zangarele, Kanilezi a zanga ya wena yi bohlile, U tlhela u nzi chavelela.

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Isaya 35:6

A zilema zi ta tlula khwatsi i hlangu, Ni tirimi ta timbeveve ti ta yimbelela; Hakuva a mati ma ta khulunga lomu xiwuleni, Ni micongo yi ta khulungela mapanyeni.

Isaya 41:16

U ta zi checheta, ni mheho yi ta zi kukuleta, A xipupuri xi zi hangalasa; Kanilezi wena u ta tsakela Jehova, U ti kulisa hi Loyi wa ku Basa wa ka Israeli.

Isaya 43:19

Langutani, nzi ta maha a xilo xiswa; Xi sina xi woneka, a mu xi woni ke? Nzi ta bhoxa ndlela lomu xiwuleni, Ni micongo lomu ligwangweni,

Isaya 44:26

Kanilezi nza tiyisa a mhaka ya nanza ga mina, Nzi tatisa a makungo ya mitsukano ya mina. Hi mina nzi wulako ka Jerusalema, nziku: A vanhu va ta tshama ka wena, Nziku ka miti ya ka Juda; Mu ta aketwa; Nzi ta vuxa a marumbi ya kona.

Isaya 49:13

Tlhavani zizimba nwina matilo! tsaka wena misava, Bhumani nwina zitsunga, hakuva Jehova i tangalisile a vanhu vakwe, I zwele wusiwana a ka vakwe lava va hlokiswako.

Isaya 49:19

Hakuva a marumbi ya wena ni ziwula za wena, Ni tiko ga wena gi hahlulweko, Zi nga ta ringana a vaaki va wena, Ni lava va nga ku khadamula va tava kule.

Isaya 49:8

Jehova i ngalo: Nzi ku hlamule xikhatini xa tipswalo, Ni sikwini ga kuhanyiswa nzi ku vunetele. Nzi ta ku lonzowota, nzi ku tiyisa kasi wa fela kuva xivumelwano ni tiko, Ku tlhelisela a misava, ni ku avela vanhu a titshomba leti ti onhekileko, 2 Kor. 6:2

Isaya 51:12

Hi mina wutsumbu nzi mu chavelelako. U mani wena u chavako a vanhu va ta ngafa, Ni vana va vanhu va ta nga hunzuka va fanana ni byanyi;

Isaya 52:9

Giyani, mu yimbelela khatiginwe, nwina marumbi ya Jerusalema; Hakuva Jehova i chavelele a vanhu vakwe, i tlhatlhisile Jerusalema!

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Isaya 65:18

Kanilezi mu ta tsaka mu nengela ka zontlhe lezi nzi ta nga zi vanga, Hakuva Jerusalema nzi ta mu vangela migiyo. Ni vanhu va kona nzi ta va vangela litsako.

Jeremia 31:25

Hakuva nzi mahile a muhefemulo wu kareleko wuku retsevele, ni mihefemulo yontlhe yi xanisekako nzi yi xurisile. Tis. 107:9; Mat. 11:28

Ezekieli 28:13

U wa hi le Edeni, a sinwini ga Nungungulu, u fenengetwa hi maribye ya tsengo, ma nga marubisi, ni topaze, ni daimani, niberile, ni onikisi, ni jasperi, ni safira, ni emeraldi, ni karbunkele, ni nzalama. A ntiro wo maha tingoma ni maxava wu wa hi kona ka wena, a siku lego u nga vangiwa ha gona.

Ezekieli 36:11

Hehla ka nwina nzi ta anzisa a vanhu ni zihari, zi ta anza zi beleka. Mu tava ni vaaki kota kusanguleni, nzi ta maha khwatsi ka nwina ni ku hunza kusanguleni ka nwina; mu ta zi tiva lezaku hi mina Jehova.

Ezekieli 36:35

Va taku: A tiko legi gi nga wa hahlukile, makunu gi fanana ni simu ga Edeni; ni miti leyi yi nga wa hahlulwe yi maha marumbi yi bhiyelwe, yi na ni vanhu.

Joeli 2:3

Va rangelwa hi nzilo wu khadamulako, ni lenzhako kabye ku na ni langavi gi hisako. Le mahlweni kabye a tiko gi fanana ni simu ga Edeni, kanilezi lenzhako kabye ku na ni xiwula; loku va hunza a ku sali nchumu.

1 Pedro 1:8

loyi mu mu ranzako hambu lezi mu nga mu wonangiko; loyi mu kholwako ha yena hambu lezi mu nga mu woniko makunu, mu tsaka nguvu hi kutsaka loku ku nga wulekiko, loku ka hombe; Joh. 20:29; 1 Joh. 4:20