Isaya 51:23 - Tshwa Bible

²³ Kanilezi nzi ta yi veka mandleni ya vaxanisi va wena, Lava va teku ka wena: Korama, hi hunza; Zonake a hlana wa wena u wu maha a kuva misava, U ku khwatsi u ndlela ka vahunzi.

Isaya 51:23 Mawu Ofanana

Tisimu 129:3

A varimi va rimile a hlana wa mina, Va rimile misele yo leha. Isa. 51:23

Tisimu 66:12

U kanzihisile vanhu tihlokweni ta hina, Hi lo hunza xikari ka nzilo, ni xikari ka mati, Kanilezi wena u hi humesile kasi ku hi nyika kutlhatlheka.

Mavingu 11:8

A wa kululama wa tlhatlhiswa zikaratweni zakwe; wa kubiha a enghena wutshanwini gakwe.

Mavingu 21:18

A wa kubiha i tava nzhiho wa a lulamileko; i xigohi xi tava nzhiho ka wa kululama.

Obadia 1:16

Khwatsi hilezi mu nwileko xitsungeni xa mina xi basileko, wontlhe matiko ma ta simamisa ma nwisa zalezo; ma tanwa ma pswonga, ma ku khwatsi hi loku ma wa nga hi kona. Jer. 25:15; 49:12

Mika 7:10

A valala va mina va ta zi wona, vawa tingana, lava va nge ngalo: I kwihi Jehova a Nungungulu wa wena? A mahlo ya mina ma ta tsaka a kuwoneni kabye, hakuva va ta kanzihelelwa khwatsi i nzhope ya lomu tindleleni.

Zakaria 12:2

Langutani, nzi ta maha Jerusalema a kuva gombe gi mahako matiko wontlhe ma gi ranzelekeleko ma dedereka, zive tano ni ka Juda laha Jerusalema gi ta nga vimbezelwa.

Joxua 10:24

Ni laha va nga wa tisile tihosi leto mahlweni ka Joxua, Joxua i lo tsombanyisa vontlhe vavanuna va ka Israeli. Zonake aku ka tinduna ta vanhu va yimpi lava va fambako zinwe na yena: Tshinelani mu ta kanzihela hehla ka tinhamu ta leti tihosi hi mikonzo ya nwina. Va lo tshinela va ta kanzihela hehla ka tinhamu ta tona.

Kuvululelwa 11:2

Kanilezi a hubye leyi yi nga lahandle ka tempeli, yi tsike, u nga yi pimi; hakuva yi nyikelwe a vamatiko; va ta kanzihela a muti wo basa a mune wa makume ya tihweti ni timbiri. Tis. 79:1; Ezek. 40:17; Lu. 21:24

Kuvululelwa 17:18

A wasati loyi u nga mu wona hi muti wa hombe, lowu wu fumako hehla ka tihosi ta misava.