Isaya 50:10 - Tshwa Bible

¹⁰ Himani xikari ka nwina a chavako Jehova, A ingisa a gezu ga nanza gakwe? Loye a fambako munyameni, na a nga hi na kuwonekela, Ngha a tsumba vito ga Jehova, a khegela ka Nungungulu wakwe.

Isaya 50:10 Mawu Ofanana

2 Samueli 22:29

Hakuva wena Jehova u kandiya ya mina, Na Jehova i ta woninga munyama wa mina.

1 Kronekele 5:20

Va lo vunetelwa kulwa navo; a vaHagrate ni vavuni vabye va lo nyikelwa mandleni yabye, hakuva a xikhati va ngalwa va wa rila ka Nungungulu, zonake yena a va ingisa, hakuva va wa tsumba ka yena.

2 Kronekele 20:12

Nungungulu wa hina, u nga ta va lamula ke? Hakuva hina a hi na ntamu wa kulwa ni xidlemo xa hombe nguvu xi tako ku ta hi vukela; a hi zi tivi lezi hi to maha, kanilezi a mahlo ya hina ma cuwukele ka wena.

2 Kronekele 20:20

Hi siku gi gamelako va lo suka ni mixo va loya tlhelo ga xiwula xa le Tekoa; va te na va ha suka, Jehoxafate i lo yima, aku: Hi nga zwani nwina vaJuda na nwina vaaki va Jerusalema! Tsumbani Jehova Nungungulu wa nwina, mu ta tiyiswa; tsumbani vaprofeti vakwe, mu ta humelela!

Joba 13:15

A nga nzi daya, a nzi na ku tsumba zinwani; Kanilezi nzi ta khomisisa hanyela ga mina mahlweni kakwe.

Joba 29:3

A xikhatini lexo a kandiya yakwe yi nga wa woninga hehla ka hloko ya mina, Laha a kuwonekela kakwe ku nga nzi rangela nzi tsemakanya munyama!

Tisimu 111:10

A kuchava Jehova hi masangulo ya wutlhari, Vontlhe va ku gongako va na ni kupimisisa kunene. A kudumisiwa kakwe ku simamisa kala kupinzuka. Joba 28:28; 1 Tim. 4:8

Tisimu 128:1

Va katekile vontlhe lava va chavako Jehova, Va fambako tindleleni takwe.

Tisimu 145:21

A nomu wa mina wu ta tshawutela kudumisa ka Jehova, A zivangwa zontlhe ngha zi khesa a vito gakwe gi basileko kala kupinzuka.

Tisimu 23:4

Ina, hambu nzi tsemakanya a nzhelelo wa nzhuti wa kufa, Nzi nga ta chava za kubiha, hakuva wena u zinwe na mina; A nhonga ya wena ni chetengelo wa wena za nzi miyeta. Isa. 50:10

Tisimu 25:12

Ni wihi munhu loyi a chavako Jehova, I ta mu kangeta a ndlela leyi a faneleko ku hlawula yona.

Tisimu 25:14

Jehova i na ni wuhlengeli ni lava va mu chavako, I ta va tivisa a xivumelwano xakwe.

Tisimu 28:7

Jehova i ntamu wa mina ni xitlhangu xa mina; A mbilu ya mina yi lo tsumba yena, nzi vunekile; Hikwalaho a mbilu ya mina ya tsaka nguvu, Nzi ta mu dumisa hi lisimu la mina.

Tisimu 42:11

Muhefemulo wa mina, Hi yini u xanisekako u karateka lomu nzeni ka mina ke? Tsumba ka Nungungulu, hakuva nza ha ta mu dumisa, Loyi a nga kuhanyisa ka mina ni Nungungulu wa mina.

Tisimu 62:8

Nwina vanhu, tsumbani yena masiku wontihe; Chululani timbilu ta nwina mahlweni kakwe: Nungungulu hi wuchavelo ga hina. (Sela.)

Mutshawuteli 12:13

A hi nga zwani a magumo ya mhaka yontlhe: Chava Nungungulu, u hlayisa zileletelo zakwe; hakuva leyo hi yona fanelo yontlhe ya munhu.

Isaya 10:20

A xikhatini lexo a misalela ya va ka Israeli, Ni lava va ponileko va yindlu ya ka Jakobe, Va nga ta ha khigela ka loyi a va bileko; Kanilezi va ta tsumba Jehova, Loyi a Basileko wa ka Israeli.

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 26:9

A muhefemulo wa mina wu ku xuvile ni wusiku, A moya wu nga nzeni ka mina wu hlotisisa wena; Hakuva loku u tsayisa misava kulamuleni ka wena, A vaaki va yona va gonza kululama.

Isaya 42:1

Languta a nanza ga mina, legi nzi gi yimelako, A hlawulilweko wa mina loyi muhefemulo wa mina wu xalalako ha yena; Nzi vekile moya wa mina hehla kakwe, I ta humesela kululama ka vamatiko. Mat. 3:17; 17:5

Isaya 50:4

Hosi Jehova i nzi nyikile a lirimi la mupizani, Kasi nzi ta zi kota ku tangalisa loyi a kareleko; Gica ni mixo a! vuxa a ndleve ya mina, A yi vuxa lezaku nzi ingisa kota mupizani.

Isaya 53:11

I ta wona mihanzu ya kuxaniseka ka muhefemulo wakwe, a eneliswa; Hi kutiva kakwe a nanza ga mina gi lulamileko gi ta maha vanyingi va lulama, Hakuva i ta rwala zigoho zabye.

Isaya 59:9

Hi kota ya lezo a nongameto wu le kule na hina, A kululama a ku hi chikeleli; Hi langutela kuwonekela hi ku ma munyama, Hi cuwukela hlikanhi kanilezi hi famba kuphumeni.

Isaya 8:17

Nzi ta rinzela Jehova, loyi a fihlelako a yindlu ya Jakobe a nghohe yakwe, nzi ta mu langutela.

Isaya 9:2

A vanhu lava va nga fambile munyameni va wonile a kuwonekela ka hombe; Lava va akileko tikweni ga nzhuti wa kufa A kuwonekela ku woningile hehla ka vona. Lu. 1:79; Joh. 1:9

Mikosi 3:2

I nzi fambisile a nzi yisa munyameni, Na ku nga hi kuwonekeleni.

Danieli 3:28

Nebukadnezzare i lo wulawula, aku: A khesiwe a Nungungulu wa Xadrake na Mexake na Abed-nego, loyi a rumeleko a ngelosi yakwe a ku ta tlhatlhisa malanza yakwe lawa ma mu tsumbako, lawa ma nga tsanzisa a mhaka ya hosi, va ti nyikela mimiri yabye lezaku va nga ta tirela ni ku khizamela a nungungulu ahandle ka Nungungulu wabye.

Nahume 1:7

Jehova i nene, i khokhola a sikwini ga zikarato; wa va tiva lava va mu tsumbako.

Zefania 3:12

Kanilezi nzi ta siya xikari ka wena a vanhu va xanisekako ni vavumali, va ta tsumba a vito ga Jehova.

Hagai 1:12

Zonake Zerubabeli a nʼwana Xealtieli, na Joxua a nʼwana Jehozadaki, a nga hi mupristi wa hombe, ni misalela yontlhe ya vanhu, va lo ingisa a gezu ga Jehova a Nungungulu wabye, ni timhaka ta muprofeti Hagai, khwatsi hilezi Jehova a Nungungulu wabye a mu rumileko; zonake a vanhu va lo chava Jehova.

Malaki 3:16

Zonake lava va chavako Jehova va wulawula munwe ka munwani, na Jehova i dembile ndleve a ingisela, ku tsaliwa a bhuku ka xialakanyiso mahlweni kakwe, ku tsaliwa lava va chavako Jehova ni lava va alakanyako vito gakwe.

Johani 12:46

Nzi tile nzi hi kuwonekela tikweni, lezaku ni wihi a kholwako ka mina a nga tshami munyameni. Xip. 3:19

Johani 8:12

Zonake Jesu i lo engeta a kanela ka vanhu, aku: Mina nzi kuwonekela ka tiko. Loyi a nzi lanzelako a nga ta ha famba munyameni; kanilezi i tava ni kuwonekela ka wutomi. Xip. 1:5, 9; 9:5; 12:35, 46

Va le Efesusi 5:8

Hakuva a kale mu wa hi munyama, kanilezi makunu mu kuwonekela Hosini; fambani khwatsi hi vanana va kuwonekela,

Maheberu 5:9

na a mbhelelisilwe i lo maha a muvangi wa kuhanyiswa ka pinzukelwa, ka vontlhe lava va mu ingisako;

1 Pedro 5:7

Vekani hehla ka yena kontlhe a kukarateka ka nwina, hakuva wa mu khatalela. Tis. 37:5

1 Samueli 30:6

Davida i wa hi hlomulweni wa hombe nguvu, hakuva vanyingi va wa alakanya ku mu gandla hi maribye, hakuva a timbilu ta vanhu vontlhe ti wa hi hlomulweni, hilezi loyi ni loyi i wa karatekela a vafana vakwe ni vanhanyana vakwe. Kanilezi Davida i lo ti tiyiseta hi Jehova a Nungungulu wakwe.