Isaya 5:24 - Tshwa Bible

²⁴ Hikwalaho khwatsi hi langavi ga nzilo gi gako tihlanga, Ni ku khwatsi hi loku gi hisa byanyi gi omileko, Zinghaho a mutsu wabye wu ta bola, Ni zitsangi zabye zi ta jujeka kukotisa tsutsungwani; Hakuva va tsikile a nayo wa Jehova wa tiyimpi, Va kanyisa a mhaka ya Wa ku Basa wa ka Israeli.

Isaya 5:24 Mawu Ofanana

2 Tihosi 19:22

Himani u mu rukateleko? Himani u mu tseketseleko? U tlakusele mani a gezu ga wena ni mahlo ya wena le hehla ke? A kulwa ni wa ku Basa wa ka Israeli.

Nehemia 9:26

Ahembaloko, va wa nga ingisi; va lo ti alisa, va hoxa milayo ya wena lenzhako, va daya vaprofeti va wena lava va nga wa kanela kabye lezaku va tlhelela ka wena, va vindlusa a zanga ya wena.

Joba 18:16

A mitsu yakwe yi ta oma lomu hasi; Ni le hehla a maravi yakwe ma ta tsemiwa.

Joba 8:17

A mitsu ya yena yi tsonzelene nhulwini ya maribye, Yi enghena xikari ka maribye.

Tisimu 50:17

Wena loyi u nga ranziko ku layiwa, U hoxako a magezu ya mina lenzhako ka wena.

Eksodusi 15:7

Hi wukulu ga wuhosi ga wena, Wa hangalasa lava va ku vukelako; U humesa a zanga ya wena, Yi va hisa kota byanyi.

Eksodusi 5:12

Zinghaho a vanhu va lo hangalaka ni tiko gontlhe ga Gipite va famba va lava byanyi.

Isaya 1:31

A nhenha yi ta ku khwatsi fufanyi, ni ntiro wa yona wu ta ku khwatsi i hlahle, hi wumbiri gabye va taswa zinwe, a nga kona a ta nga va timela.

Isaya 1:4

Khombo ka wena tiko ga vaonhi, nwina vanhu va teleko hi kugoha, pswalo wa vamahi va kubiha, vana va kuhunguka; mu tsikile Jehova, mu kanyisa a Wakubasa wa ka Israeli, mu tlhelela nzhako.

Isaya 24:6

Hikwalaho a nzhukano yi khadamule misava, Ni vaaki va yona va konekile. Hikwalaho a vaaki va misava va hisiwa, a hi vanyingi va seleko.

Isaya 26:11

Jehova, a canja ga wena gi na ni ntamu, kanilezi a va zi woni, Va ta wona a kupangama ka wena hi vanhu va wena, vava ni tingana; A nzilo wu ta hisa valala va wena.

Isaya 30:12

Hikwalaho a Wa ku Basa wa ka Israeli e ngalo: Kota lezi mu kanyisako a mhaka leyi, mu tsumba kutsimbeketa ni kubiha, mu namarela ka zona,

Isaya 30:9

Lezaku legi i tiko gi hluwukileko, a vanana va mawunwa, a vanana lava va alako ku ingisa milayo ya Jehova. 2 Tih. 17:14; Neh. 9:16

Isaya 47:14

Langutani, va taku khwatsi i byanyi, A nzilo wu ta va hisa; Va nga ta ti ponisa ntanwini wa langavi. A hi makhala yo ti kufumeta ha wona, A hi nzilo wa ku wora.

Isaya 7:9

A zinza ga Efraime hi Samaria, ni hloko ya Samaria hi nʼwana Remalia. Loku mu nga kholwi, cima mu nga ta tiya.

Isaya 8:6

Kota lezi a vanhu lava va alileko a mati ya le Xiloa, lawa ma khulungako khwatsi, va tsakela Rezini ni nʼwana Remalia;

Isaya 9:18

Hakuva a kubiha ka hisa khwatsi i nzilo, Wu khadamula zigetlwani ni mizwa; Wu dzivela makhwati yo khwela, Kasi musi wu tlakukela hehla kukotisa marefu.

Isaya 9:19

Hi kota ya zanga ya Jehova wa tiyimpi a tiko gi swile; Ni vanhu ve khwatsi tihunyi nzilweni; A ku na munhu a tsetselelako nakulobye.

Jeremia 6:19

Ingisa, o misava: Nzi ta neha a khombo hehla ka tiko legi, wu nga mbhanzu wa maalakanyo yabye; hakuva a va ingisangi a timhaka ta mina, va kanyisile a nayo wa mina.

Jeremia 8:9

A titlhari tite koyo tingana, Ta rurumela ni ku khomiwa. Ti kanetile a mhaka ya Jehova, Mbutivi muni ti nga nago ke? Deut. 4:6; Joba 5:13; 1 Kor. 3:19

Ezekieli 15:6

Hikwalaho Hosi Jehova i ngalo: Nzi ta nyikela a vaaki va Jerusalema a ku khwatsi hilezi nzi nga nyikelisa zona a sinya ya vina leyi yi nga hi xikari ka tisinya ta khwati.

Hosea 11:9

Nzi nga ta humesa a kutshisa ka zanga ya mina, nzi nga ta tlhela nzi lovisa Efraime. Hakuva nzi Nungungulu, a nzi munhu; nzi Loyi wo Basa a nga xikari ka nwina, nzi nga ta enghena mutini hi zanga. Mitse. 23:19; 1 Sam. 15:29

Hosea 5:12

Hikwalaho a ka Efraime nzi ku khwatsi nzi sumba, a ka yindlu ya Juda nzi ku khwatsi nzi kubola ka marambu.

Hosea 9:16

Efraime i bilwe, a mitsu yakwe yi womile, a nga ta ha pswala mihanzu kambe. Ina, hambu loku vo pswala, nzi ta daya a mihanzu yo ranzeka ya tinyimba tabye.

Joeli 2:5

A guwa ga kutlula tlula kabye gi fanana ni ga tikareta ta yimpi ti fambako hehla ka zitsunga, gi fanana ni guwa ga nhova yi hisako byanyi; va fanana ni vanhu va ntamu va hlomileko kulwa.

Amosi 2:4

Jehova i ngalo: Hi kota ya zionho zinharu za Juda, kutani mune wa zona, nzi nga ta susa a xitsayiso, hakuva va alile a nayo wa Jehova, a va hlayisangi a zilayelo zakwe; a vanungungulu vabye va mawunwa va va hambukisile, lava a vararu vabye va nga va lanzela. Vala. 2:11

Amosi 2:9

Kasike hi mina nzi lovisileko a maAmori mahlweni kabye, lava kuleha ka vona ku nga ringana ni kuleha ka tisedare, na va hi ni ntamu wo fanana ni wa mitule; kasike nzi lovisile a mihanzu yabye le hehla ni mitsu yabye lahasi. Deut. 2:33; Jox. 24:8; Vala. 11:23

Nahume 1:10

Hakuva hambu loku va philinganyetene khwatsi i mizwa, vatsakamisilwe hi byala gabye, va ta hiswa kufanana ni byanyi go woma.

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Mateu 3:12

A lihlelo lakwe li le canjeni gakwe, yena i ta swiyelisisa a wuhulelo gakwe, a hlengeletela a mavele yakwe magombeni yakwe, kanilezi a mungu i ta wu hisa hi nzilo wu nga timekiko. Mal. 3:3; Xip. 13:30

Luka 10:16

Loyi a mu ingisako, wa nzi ingisa mina; ni loyi a mu alako, wa nzi ala mina; ni loyi a alako mina, wa ala ni loyi a nzi rumileko, Mat. 10:40; Joh. 5:23; 1 Tes. 4:8

Luka 3:17

A lihlelo lakwe li lomu canjeni gakwe, kasi ku swiyelisisa a nzhimbo wakwe, ni ku hlengeletela a mavele magombeni yakwe; kanilezi a mungu i ta wu hisa hi nzilo wu nga timekiko. Mika 4:12; Mat. 13:30

Luka 7:30

Kanilezi a vaFarisi ni vagonzisi va nayo na va nga bapatizwangi hi yena, va lo nyenya a kungo ga Nungungulu. Miti. 20:27

Johani 12:48

Loyi a nzi alako, a nga amukeliko a timhaka ta mina, i na ni mulamuli loyi a mu lamulako; a mhaka leyi nzi nga yi wulawula, hi yona leyi yi ta nga mu lamula hi siku go gumesa. Deut. 18:19; Mar. 16:16; Lu. 10:16

Mitiro 13:41

Langutani nwina vakanyisi, mu hlamala, mu lova; Hakuva nzi ta tira ntiro masikwini ya nwina, Lowu mu to kala mu nga wu kholwi hambu loku mu byeliwa,

Deuteronome 28:24

Jehova i ta nisela a tiko ga wena a ntsuri ni tsutsungwani, u kala u lova.

1 Va le Tesalonika 4:8

Loyi a alako lezo, a nga ali munhu, kanilezi i ala Nungungulu loyi a mu nyikako Moya wakwe wa ku Basa. Lu. 10:16; 1 Joh. 3:24

1 Samueli 15:23

Hakuva a kuhluwuka ku fanana ni wutumbe, ni xikanikani xi fanana ni ku khozela xifananiso ni terafime. Makunu kota lezi u alileko a gezu ga Jehova, yenawu i ku alile; u nga ha ta kuva hosi kambe.

1 Samueli 15:26

Samueli i te ngalo kakwe: A nzi na ku famba na wena, hakuva u hoxile a gezu ga Jehova, yenawu Jehova i ku hoxile, kasi u nga ha mahi hosi ya va ka Israeli.