Isaya 5:11 - Tshwa Bible

¹¹ Khombo ka vona lavo va vinzukako ni mixo, va tsutsumela byala, Ni lava va hungatekako laha wusikwini, va hiswa hi vinya,

Isaya 5:11 Mawu Ofanana

2 Samueli 19:35

Inyamutlha nzi na ni 80 wa malembe; xana nza ha ta zi kota ku hambanyisa zo saseka ni zo biha ke? Xana a nanza ga wena gi ta zi kota a kuzwa a kunanziha ka lezi a ta ngaga ni ka lezi a ta nganwa ke? A nanza ga wena gi ta mahela yini a nzhwalo kambe ka hosi ya mina ke?

Mavingu 20:1

A vinya mutseketseli, ni byala gi vanga maguwa; i wihi loyi a dederekako ha zona a nga tlharihangi. Efe. 5:18

Mavingu 23:32

Hi kugumesa gi luma kota nyoka; i khohosa kota mamba.

Isaya 22:13

Kanilezi nwina mu lo maha migiyo ya litsako, mu lo tlhava tikavi ni tiyivu; ku giwa tinyama, ku nwiwa vinya, muku: A hi geni, hinwa, hakuva manziko hi tafa!

Isaya 24:9

Va nga ta tlhava zizimba kunweni ka vinya, A byala gi ta bava ka laʼva gi nwako.

Isaya 28:1

Khombo ka xidlodlo xa matshanza xa zidakwa za le Efraime, Ni ka xitsangi xi wunileko xi nga wubombi gabye, Xi nga le hehla ka nkova wu nonileko wa laʼva hluliwako hi vinya.

Isaya 28:3

A xidlodlo xa matsanza xa zidakwa za ka Efraime Xi ta kanzihelwa hi mikonzo.

Isaya 5:22

Khombo ka vona lava va nga tinhenha kunwani ka vinya, Ni lava va nga ni wurena a ku xanganyeleni ka byala.

Isaya 56:12

Vaku: Ngonani, nzi ta lava vinya, Hi tanwa byala, hi kolwa! Manziko hi ta maha khwatsi hi nyamutlha, Giva siku go saseka ku hunza mpimo! 1 Kor. 15:32

Habakuka 2:15

Khombo a give ka wena loyi u nwisako byala a muakelwane wa wena, u xanganyela a wuxungu ga wena lomo, u mu popisa kasi ku cuwuka a wumbyiri gakwe!

Habakuka 2:5

Tlhatakumbiri, a vinya gi khohlisa, a wamatshanza a nga na ku tshamiseka mutini. I ahlamisa a nomu wakwe khwatsi Xeole, i na ni mahlokoti khwatsi hi lufo, wa ti tsombanyisela wontihe matiko, a ti hlengeletela tixaka tontlhe.

Luka 21:34

Kanilezi ti woneleni, kasi a timbilu ta nwina ti nga binziwi hi limito ni kuphophiwa, ni kukaratekela ka loku kuhanya, a siku lego gi nga dzuka gi mu chikelela hi xitshuketi kota wugungu. Rom. 13:13; 1 Tes. 5:6; 1 Ped. 4:7

Va le Roma 13:13

A hi fambeni hi fanelo, khwatsi hi laha hlikanhini; na ku nga hi wudakwa ni kupopiwa, ni wuoswi, ni manyala, ni kuholovisana, ni wukhuxu. Fil. 4:8; Jak. 3:14

1 Va le Korinte 6:10

ni makhamba, ni zinaveli, ni zidakwa, ni lava va rukatelako, ni vaphangi; a va kunghaho va nga taga a tshomba ya mufumo wa Nungungulu.

Va le Galatia 5:21

a timbilu, a kupopiwa, a wudakwa, ni zilo za kunghahi; nza mu luleka ha zona kota lezi nzi nga mu luleka kuranga, lezaku lava va mahako a zakunghaho va nga taga a tshomba ya mufumo wa Nungungulu. Kuv. 22:15

1 Samueli 25:36

Abigaili i lo chikela ka Nabali a ya mu kuma na a maha mubuzo lomu ndlwini yakwe wo fanana ni mubuzo wa hosi. A mbilu ya Nabali yi wa tangele, na popilwe nguvu; kanilezi a nga mu byelangi nchumu kala gica ni mixo.