Isaya 49:8 - Tshwa Bible

⁸ Jehova i ngalo: Nzi ku hlamule xikhatini xa tipswalo, Ni sikwini ga kuhanyiswa nzi ku vunetele. Nzi ta ku lonzowota, nzi ku tiyisa kasi wa fela kuva xivumelwano ni tiko, Ku tlhelisela a misava, ni ku avela vanhu a titshomba leti ti onhekileko, 2 Kor. 6:2

Isaya 49:8 Mawu Ofanana

2 Samueli 7:13

Yena i ta akela vito ga mina a yindlu, minawu nzi ta yimisa xitshamu xakwe xa wukosi xa mufumo wakwe kala kupinzuka.

Tisimu 2:8

Kombela ka mina, nzi ta ku nyika a matiko a kuva tshomba ya wena, Ni magemetamusi ya misava ma ta lumba wena.

Tisimu 69:13

Kanilezi a mukombelo wa mina wu tlakukela ka wena, Jehova, Hi xikhati xi nene. Nungungulu, nzi hlamule hi wukulu ga wuxinji ga wena Hi lisine la kuhanyisa ka wena. Isa. 49:8; 2 Kor. 6:2

Tisimu 75:3

Hambu misava yi tsekatseka zinwe ni vontlhe lava va akileko ka yona, Mina nza tiyisa a timhanze ta yona. (Sela.)

Isaya 26:3

Loyi wa mbilu yi tiyileko u ta mu veka kuruleni, U ta mu nyika kurula hakuva i tsumba wena.

Isaya 27:3

Mina Jehova nzi muhlayisi wa xona, Nzi ta xi cheletela mati xontlhe xikhati; Nzi xi rinzela mumu ni wusiku kasi munhu a nga xi gohi.

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Isaya 42:1

Languta a nanza ga mina, legi nzi gi yimelako, A hlawulilweko wa mina loyi muhefemulo wa mina wu xalalako ha yena; Nzi vekile moya wa mina hehla kakwe, I ta humesela kululama ka vamatiko. Mat. 3:17; 17:5

Isaya 42:6

Mina Jehova nzi ku vitanele kululama, Nzi ta ku khoma hi canja ga wena nzi ku hlayisa; Nzi ta ku yimisa a kuva xivumelwano ni tiko, Ni kuwonekela ka vamatiko;

Isaya 44:26

Kanilezi nza tiyisa a mhaka ya nanza ga mina, Nzi tatisa a makungo ya mitsukano ya mina. Hi mina nzi wulako ka Jerusalema, nziku: A vanhu va ta tshama ka wena, Nziku ka miti ya ka Juda; Mu ta aketwa; Nzi ta vuxa a marumbi ya kona.

Isaya 49:19

Hakuva a marumbi ya wena ni ziwula za wena, Ni tiko ga wena gi hahlulweko, Zi nga ta ringana a vaaki va wena, Ni lava va nga ku khadamula va tava kule.

Isaya 51:16

Nzi vekile a timhaka ta mina no nwini wa wena, Nzi ku fihlile nzhutini wa canja ga mina, Kasi ku andlala tilo ni ku aka ziseketelo za misava, Ni ku wula ka Zioni, aku: Wena u tiko ga mina! Deut. 18:18; Jer. 1:9

Isaya 51:3

Hakuva Jehova i ta zwela wusiwana Zioni, I ta zwela wusiwana a marumbi yakwe wontihe; A xiwula xakwe i ta xi maha xi fanana ni Edeni, Ni mapanya yakwe ma ta fanana ni simu ga Jehova. Ku tava kona kutsaka ni migiyo lomo, A zigingi ni magezu ya wucenje. Tis. 102:25; Lu. 21:33

Isaya 54:3

Hakuva u ta nava uya tlhelo ga xinene ni tlhelo ga xibhabha, A pswalo wa wena wu ta ti tekela matiko ya mahedeni; Va vuxa a miti yi tsikilweko.

Isaya 55:6

Hlotani Jehova na a ha kumeka, Mu vitaneni na a ha hi kusuhani!

Isaya 57:13

Loku u rila ngha a xidlemo xa zifananiso za wena xi ku ponisa! Kanilezi a mheho yi ta zi kukuleta zontlhe, A moya wu ta zi yisa kule. Kanilezi loyi a nzi tsumbako i taga tshomba ya tiko, A xitsunga xa mina xa kubasa xi ta mu lumba.

Isaya 58:12

A vanhu va wena va ta tlhela va vuxa marumbi ya kale, Uta aketa a ziseketelo za kaleloko; U ta vitanwa lezaku Muvuxi wa makhurisi ma bhoxilweko Ni Mululamisi wa tindlela lezaku vanhu va aka laha tikweni.

Isaya 58:5

Hi kona kuyila loku ku nzi tsakisako ke? Xana i siku legi munhu a hlokisako muhefemulo wakwe? Kasi hi ku koramisa hloko khwatsi lihlanga, Ni ku etlela laha sakweni ni lomu khumeni, Hi zona u zi vitako aku kuyila, Lezaku i siku gi tsakisako Jehova ke? Zak. 7:5; Mat. 6:16

Isaya 61:2

Ni ku tlhatlhambutela a lembe ga tipswalo ta Jehova, Ni siku ga ku ti photela ka Nungungulu wa hina: A ku chavelela vontlhe lava va rilako; Mat. 5:4; Lu. 6:21

Isaya 61:4

Va ta aketa a marumbi ya kale, Va ta vuxa a tigingisi ta kaleloko, Ni ku aka luswa a miti yi hahlulweko, Yi khungumulweko xikhatini xa kale.

Isaya 65:9

Nzi ta humesa vana hi ka Jakobe, Ni xiga-tshomba xa zitsunga za mina hi ka Juda. A va hlawulilweko va mina va ta fumela tiko, Ni malanza ya mina ma ta aka kona.

Mateu 26:28

hakuva lexi hi nkhata wa mina wa xivumelwano xiswa, lowu wu halatelwako a vanyingi a kutsetselelweni ka zionho. Ekso. 24:8; Jer. 31:31; Rom. 5:15

2 Va le Korinte 6:2

hakuva i ngalo: Nzi ku ingisile a xikhatini xi faneleko, Nzi ku vunile hi siku ga kuhanyiswa. Langutani makunu hi xikhati xi faneleko, makunu hi siku ga kuhanyiswa. Isa. 49:8

Va le Efesusi 1:6

kasi ku dumisa a kungangamela ka tipswalo takwe, leti a nga hi nyika tona hi kota ya Xiranzwa xakwe. Isa. 43:21; Mat. 17:5; Rom. 3:24

Maheberu 12:24

ni ka Jesu a mutlhanganyisi wa xivumelwano xiswa, ni ka nkhata wa kunwatsekela, lowu wu wulako a timhaka ti nene to hunza a wa Abeli. Ekso. 24:8

Maheberu 5:7

A masikwini ya kuhanya kakwe nyameni, Jesu i lo khongela ni ku khongotela hi kurila ka hombe ni mihloti, ka loyi a nga zi kota ku mu hlanguta kufeni; yena i lo zwiwa hilezi a nga hi ni xichawo ka Nungungulu. Tis. 22:1; Mat. 26:37, 39; Mar. 14:33

Maheberu 8:6

Kanilezi makunu Kristu i kumile a wukhozeli ga hombe go hunza ga vona, kota lezi a nga mulamuli wa xivumelwano xa hombe ku hunza lexi xa kale, lexi xi seketelweko hi zitsumhiso za zinene nguvu. 2 Kor. 3:6, 8, 9