Isaya 49:5 - Tshwa Bible

⁵ Makunu Jehova wa wulawula, Loyi a nga nzi wumba rumbyini ga mamani a kuva nanza gakwe, Lezaku nzi wuyiseta Jakobe kakwe, Nzi mu tsombanyisela Israeli; Hakuva nzi dzunzekile mahlweni ka Jehova, Na Nungungulu wa mina i ntamu wa mina.

Isaya 49:5 Mawu Ofanana

Nehemia 8:10

Zonake aku kabye: Ti fambeleni, mu yaga tinyama ti nonileko, munwa kunwa ko nanziha, mu rumela zakuga ka lava va nga ti longiselangiko nchumu, hakuva legi i siku gi basileko ka Hosi ya hina. Mu nga tsanwi, hakuva a litsako la Jehova i ntamu wa nwina.

Isaya 11:12

A matiko yi ta ma yimisela a nghapa, Yi tsombanyisa lava va hlongolweko va ka Israeli, Ni ku tlhanganyisa lava va hangalakileko va ka Juda, Va suka matlhelweni ya mune ya misava. Deut. 30:4; Joh. 10:16

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 25:1

Jehova, u Nungungulu wa mina; Nzi ta ku kulisa, nzi dumisa vito ga wena, Hakuva u mahile zilo zi hlamalisako; A makungo ya kale yo tsumbeka yo tiya.

Isaya 27:12

A ka xikhati lexo Jehova i ta kolela mihanzu, Kusukela nzelelweni wa Congo kala congweni wa Gipite, Zonake nwina mu ta vingeretelwa ha munwe-munwe, nwina vana va ka Israeli.

Isaya 43:4

Hakuva wena wa ranzeka mahlweni ka mina, Ni ku dzunzeka, kambe nzi ku ranzile; Hikwalaho nzi ta ku tirula hi vanhu, Nzi nyikela matiko kasi ku ku hanyisa.

Isaya 44:2

I wula lezi Jehova loyi a ku mahileko, Loyi a nga ku wumba rumbyini ga nyine wa wena, a muvuni wa wena, Aku: U nga chavi nchumu Jakobe, nanza ga mina, Wena Jexuruni loyi nzi ku hlawulileko. Jer. 30:10; 46:27

Isaya 49:1

Ingisani nwina matiko ya le bimbini, Zwanani nwina matiko ya le kule! Jehova i nzi vitanile na nza hi rumbyini ga mamani, I nzi chulile vito na nza hi nzeni ka mamani. Jer. 1:5; Mat. 1:20; Lu. 1:31

Isaya 50:4

Hosi Jehova i nzi nyikile a lirimi la mupizani, Kasi nzi ta zi kota ku tangalisa loyi a kareleko; Gica ni mixo a! vuxa a ndleve ya mina, A yi vuxa lezaku nzi ingisa kota mupizani.

Isaya 52:13

Langutani, a nanza ga mina gi ta humelela, I ta kuliswa, a dzunziwa, a tlakuswa hehla. Miti. 2:33; Fil. 2:9

Isaya 56:8

Hosi Jehova loyi a tsombanyisako a vaIsraeli Lava va nga hi wukhumbini, i ngalo: Nzi ta tsombanyisa vanwani, Nzi va tlhanganyisa ni lava va sinako va tsombanyisilwe.

Jeremia 1:5

Nzi ku tivile na nzi nga se ku ku wumba lomu rumbyini ga mamani wa wena; nzi lo ku hlawula na u nga se ku huma nyimbeni, nzi ku wumbele a kuva muprofeti wa matiko. Isa. 49:1; Gal. 1:15

Zakaria 6:13

Hi yena a ta nga aka a tempeli ya Jehova; i tava ni wuhosi, a tshama hehla ka xitshamu xakwe xa wuhosi a fuma; ni kambe i tava mupristi xitshanwini xakwe. Ku tava kona a makungo ya kurula xikari ka zikhundla lezi zimbiri.

Mateu 11:27

Zilo zontlhe zi nyikilwe ka mina hi Dadani; a ku na munhu loyi a tivako Nʼwana, sine Dadani yece; hambu ni wa ku tiva Dadani, sine Nʼwana yece, ni wihi loyi a Nʼwana a ranzako ku mu wonekelisa ka yena. Lu. 10:22; Joh. 3:35; 1 Kor. 15:27

Mateu 15:24

I lo hlamula, aku: A nzi rumiwangi ka vanwani, sine ka tiyivu ti lahlekileko ta yindlu ya ka Israeli. Xip. 10:5, 6; Rom. 15:8

Mateu 17:5

Na a ha wulawula, a refu go ngangamela gi lo va khubhunyeta; a gezu gi huma refini giku: Loyi hi Nwananga a ranzekako, nzi xaleleko ha yena; mu ingiseni. Deut. 18:15; 2 Ped. 1:17

Mateu 23:37

Jerusalema, Jerusalema, loyi u dayako vaprofeti, ni ku gandla hi maribye lava va rumelweko ka wena! Zikhati zingani nzi nga lava ku wungeletela a vanana va wena, kota a pswele gi wungeletelako a zihukwana za gona lahasi ka tipapa ta gona, kanilezi a mu vumelangi. Deut. 32:11; Tis. 17:8; Lu. 13:34

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Mateu 3:17

Zonake ku lo zwala a gezu gi huma matilweni, giku: Loyi hi Nʼwana wa mina a ranzekako, nzi xaleleko khwatsi ha yena. Tis. 2:7; Mar. 1:11; Lu. 9:35; Joh. 12:28; Efe. 1:6

Luka 19:42

aku: Loku wena u wa zi tivile nyamutlha lezi zi vangako kurula! Kanilezi makunu zi fihlilwe ka wena.

Johani 3:35

A Dadani wa ranza Nʼwana, i vekile zilo zontlhe canjeni gakwe. Mat. 11:27; Lu. 10:22; Maheb. 2:8

Mitiro 10:36

Ma yi tiva a mhaka leyi a nga yi rumela ka vana va Israeli, laha a nga kanela a mahungu yo saseka ya kurula hi Jesu Kristu, loyi a nga Hosi ya vontlhe; Isa. 57:19; Kol. 1:20; Dan. 7:14; Kuv. 17:14

Va le Roma 15:8

Hakuva mina nza mu byela lezaku Kristu i lo maha nanza ga lava va zitshiva, kasi ku kombisa a zinene za Nungungulu, ni ku tiyisa a zitsumhiso lezi va nga tsumbisiwa zona a vakokwani; Mat. 15:24; Joh. 1:11; Miti. 3:25, 26; 2 Kor. 1:20

Va le Galatia 1:15

Kanilezi Nungungulu loyi a nga nzi hlawula na nzi hi rumbyini ga mamani, a nzi vitana hi tipswalo takwe, Isa. 49:1, 5; Jer. 1:5; Miti. 9:15; 13:2

1 Pedro 3:22

loyi a yileko tilweni, a ya tshama reveni ga xinene ga Nungungulu; a tingelosi ni tihosi ni mintamu na zi vekilwe a lahasi kakwe. Tis. 110:1; Rom. 8:28; 1 Kor. 15:24