Isaya 49:23 - Tshwa Bible

²³ A tihosi ti tava vawundli va vana va wena, Ni vazinza va tava vaanwisi vabye; Va ta korama lahasi mahlweni ka wena, Va laza a ntshuri wa mikonzo ya wena. Wena u ta zi tiva lezaku nzi mina Jehova, Ni lezaku lava va nzi lavelelako va nga ta wiswa tingana.

Isaya 49:23 Mawu Ofanana

Genesisi 27:29

Ngha vanhu va ku tirela, Ni matiko ma korama mahlweni ka wena; Uva hosi ya vamakabye va wena, Ngha a vanana va nyine wa wena va korama mahlweni ka wena. Ngha va rukiwa lava va ku rukako, Va katekiswa lava va ku katekisako.

Genesisi 43:26

Laha Josefa a nga wa enghenile lomu ndlwini, va lo neha zinyikiwo lezi va nga wa hi nazo, va ti koramisa mahlweni kakwe.

Tisimu 138:4

Tontlhe tihosi ta misava ti ta ku bonga, Jehova, Loku tizwa a timhaka ta nomu wa wena.

Tisimu 25:3

A ku wiswi tingana ni munwe wa lava va ku langutelako; Va ta wiswa tingana lava va kanganyisako handle ka xigelo.

Tisimu 34:22

Jehova wa tirula a mihefemulo ya malanza yakwe; Ku nga ta koneka ni munwe wa lava va chavelako ka yena.

Tisimu 68:31

A tihosana ti tata hi le Gipite, Lokuloku Etiopia i ta tshambuluta a mandla yakwe ka Nungungulu. Isa. 18:7; Miti. 8:26

Tisimu 69:6

Hosi, Jehova wa tiyimpi, lava va ku langutelako, Ngha va nga wiswi tingana hi kota ya mina. Lava va lavako wena Nungungulu wa Israeli, Va nga dzuki va tsanzeka hi kota ya mina.

Eksodusi 6:7

Mina nzi ta mu teka muva vanhu va mina, mina nziva Nungungulu wa nwina, loyi a mu tlhatlhisileko ka mikhinyavezo ya vaGipite;

Isaya 14:1

Hakuva Jehova i ta hawukela Jakobe, a ti langela Israeli, a va akisa tikweni gabye. A valuveli va ta tlhanganyiswa zinwe navo, va namarela ka yindlu ya Jakobe.

Isaya 14:2

A vamatiko va ta va teka, va va yisa kaya kabye; kanilezi a yindlu ya ka Israeli yi ta va fumela lomu tikweni ga ka Jehova, va maha malanza ya xinuna ni ya xisati. Va ta mahiwa tikhumbi hi lava va nga hi tikhumbi tabye, va fumela lava va nga va xanisa.

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Isaya 26:8

Ina, hi ku langutele a ndleleni ya kulamula ka wena, O Jehova; Hi navela a vito ga wena ni xialakanyiso xa wena.

Isaya 29:22

Hikwalaho Jehova loyi a tlhatlhisileko Abrahama, i byela yindlu ya ka Jakobe, aku: Jakobe a nga ta ha wiswa tingana, ni nghohe yakwe cima yi nga ta ha tsanwa.

Isaya 41:20

Kasi vanhu va zi wona, va tiva, Va xiyisisa va pima lezaku i canja ga Nungungulu gi mahileko lezo, Ni lezaku Loyi a Basileko wa ka Israeli i zi vangile.

Isaya 43:10

Nwina mu timboni ta mina, ku wula Jehova; Mu nanza ga mina legi nzi gi hlawuleko, Kasi ma fela ku zi tiva, mu kholwa hi mina, Mu pima lezaku hi mina yena. Hi mahlweni ka mina a ku na nga mahiwa Nungungulu, Ge hambu nzhako ka mina a nga ta kuva kona munwani.

Isaya 45:14

Jehova e ngalo: A bhinzu ga Gipite ni wukwewu ga Etiopia Na Sabea, a vanhu vo zimuka, zi tata ka wena, zi lumba wena; Va ta ku lanza na va bohilwe mangenje; Va ta korama mahlweni ka wena, Va maha mikhongelo ka wena, vaku: Hakunene Nungungulu i ka wena wece, A ku na munwani Nungungulu.

Isaya 45:17

Kanilezi Israeli i hanyisilwe hi Jehova hi kuhanyisa ka pinzukelwa; Mu nga tava ni tingana ni ku kanganyiseka kala kupinzuka.

Isaya 49:7

Jehova a Mutiruli ni Loyi a Basileko wa ka Israeli, E ngalo ka loyi a vanhu va mu kanyisako, loyi tiko gi mu nyenyako, A nanza ga vafumeli: Tihosi ti ta zi wona ti yima, Ni tihosana ti ta khizamela Jehova loyi a tsumbekako, Ni Loyi a Basileko wa ka Israeli, loyi a ku hlawulileko.

Isaya 50:7

Hakuva Hosi Jehova i ta nzi vunetela, Hikwalaho nzi wa nga wiswangi tingana; Nzi lo maha nghohe ya mina yi fanana ni ribye, Nza zi tiva lezaku nzi nga tawa tingana.

Isaya 52:15

Hilezo i ta dzukisa a matiko manyingi; A tihosi ti ta su kaye mahlweni kakwe, Hakuva ti ta wona lezi ti kalako ti nga se ku byeliwa, Ti gonza lezi ti kalako ti nga se ku zizwa.

Isaya 52:6

Hikwalaho a tiko ga mina gi ta tiva a vito ga mina, hikwalaho va ta tiva hi siku gwalego lezaku hi mina loyi nzinge: Nzi mina yena.

Isaya 60:14

A vana va vaxanisi vawena va tata ka wena va ku koramela, Ni vontlhe lava va nga ku nyenya va ta ku khizamela mikonzweni ya wena, Va ta ku vitana lezaku u Muti wa Jehova, A Zioni wa Loyi a Basileko wa ka Israeli.

Isaya 60:16

U ta anwa a mafi ya matiko, Ina, u ta anwa a mavele ya tihosi; Zonake u ta zi tiva lezaku mina Jehova nzi Muhanyisi wa wena Ni Mutiruli wa wena, a Nyamintamu wa ka Jakobe.

Isaya 60:3

A matiko ma ta famba kuwonekeleni ka wena, Ni tihosi ti ta famba kuhatimeni ka kuvuka ka wena. Lu. 2:32; Kuv. 21:24

Isaya 62:2

A vamatiko va ta wona kululama ka wena, Ni tihosi tontlhe ti ta wona kungangamela ka wena; Wena u ta vitaniwa hi vito giswa, Legi gi ta nga chuliwa hi nomu wa Jehova.

Isaya 64:4

Hakuva kusukela kaleloko a ku na nga zwiwa, A ku na nga ingisiwa hi ndleve, Ge hambu ku woniwa hi mahlo a Nungungulu munwani Loyi a mahako mitiro ya kunghahi ka lava va mu langutelako.

Ezekieli 37:6

Nzi ta vekela misiha ka nwina, nzi milisa a nyama hehla ka nwina, nzi mu fenengeta hi hlonge, nzi enghenisa moya nzeni ka nwina, mu ta hanya; mu ta zi tiva lezaku hi mina Jehova.

Joeli 2:27

Mu ta zi tiva lezaku nzi lomu xikari ka Israeli, ni lezaku hi mina Jehova a Nungungulu wa nwina, ku hava munwani handle ka mina. A tiko ga mina cima gi nga ta kuva ni tingana. Nungungulu i ta chulula a Moya wakwe.

Mika 7:17

Va ta laza a tshuri kukotisa a nyoka; vata huma makhokholeni yabye kota zikokakoka za misava na va rurumela; va tata ka Jehova Nungungulu wa hina hi kudzevetana, va ta ku chava.

Mitsengo 11:12

Xana nzi mina dadani ni mamani wa vanhu lava vontlhe ke? Kutani nzi va pswalile, laha u nga ta ngha uku ka mina: va beleke khwatsi hilezi mupswali a belekako a nwanana loyi a mu anwisako, kala va chikela tikweni legi u tsumbisileko vararu vabye ke?

Mateu 25:16

Loyi a amukeleko a ntlhanu wa titalenta, i lo famba a ya ti bhinzulisa, a bhinzula a tinwani ta ntlhanu.

Va le Roma 10:11

Hakuva a mutsalo wu ngalo: Kani hi wihi a kholwako kakwe a nga tawa tingana. Isa. 28:16; Jer. 17:7

Va le Roma 5:5

A kutsumba a ku wisi tingana, hakuva a liranzo la Nungungulu li chelilwe timbilwini ta hina hi Moya wa ku Basa lowu hi nyikilweko wona. Fil. 1:20; 2 Kor. 1:22; Gal. 4:6; Efe. 1:13

Va le Roma 9:33

khwatsi hi lezi ku tsalilweko, ku ngalo: Langutani, nza veka a ribye ga xikhunguvanyiso le Zioni, A ribye legi gi ta nga va wisa; Loyi a kholwako ka gona a nga tawa tingana. Tis. 118:22; Isa. 8:14; Mat. 21:42

1 Pedro 2:6

Hakuva a mutsalo wu ngalo: Langutani, nza veka le Zioni a ribye ga magumo, legi gi hlawulilweko, gi dzunzekako; Loyi a kholwako ka gona a nga ta wiswa tingana, Isa. 28:16

Kuvululelwa 3:9

Nzi ta ku nyika vanwani va sinagoga ga Satani, lava va hembako va ti wula ku ngalo vaJuda, na va nga hi vona; nzi ta va maha va ku khizamela mikonzweni ya wena, va ta zi tiva lezaku nzi ku ranzile. Isa. 49:23; 60:14