Isaya 49:16 - Tshwa Bible

¹⁶ Languta, nzi ku tsalile zipameni za mandla ya mina, A makhurisi ya wena xontlhe xikhati ma le mahlweni ka mina.

Isaya 49:16 Mawu Ofanana

Eksodusi 13:9

Lexi xi tava xikombiso a canjeni ga wena, ni xialakanyiso xikari ka mahlo ya wena. A nayo wa Jehova wu tava nonwini wa wena, hakuva Jehova i ku humesile le Gipite hi canja ga ntamu.

Xizimba xa ka Solomoni 8:6

Nzi nameketa mbilwini ya wena kota xifungo, Khwatsi hi xifungo laha wokweni ga wena; Hakuva a liranzo li nani ntamu wo fanana ni wa kufa; Ni xiluse xi nonoha kukotisa Xeoli; A kuhisa ka xona ku khwatsi kuhisa ka nzilo, I langavi ga Jehova.

Isaya 26:1

A ka siku lego va ta yimbelela lisimu leli tikweni ga ka Juda: Hi na ni muti wa ntamu; I ta yimisa kuhanyisa a kuva khurisi ni lihlavu.

Isaya 54:12

Nzi ta aka makhokhola ya wena hi maribye ya rubi, Ni tinyangwa ta wena hi karbunkele, Ni ligingisi la wena li ta akiwa hi maribye ya lisima.

Isaya 60:18

A tihanyi ti nga ta ha zwiwa lo mu tikweni ga wena, A kuhahlulwa ni kulobyiswa zi nga tava kona tikweni ga wena, Kanilezi u ta vitana a tigingisi ta wena lezaku Kuhanyiswa, Ni tinyangwa ta wena lezaku Kudumisa.

Isaya 62:6

Nzi vekile varinzeli makhurisini ya wena Jerusalema, Cima va nga ta miyela hlikanhi ni wusiku. Nwina lava mu nga vakhumbuxeti va Jehova mu nga dzuki mu humula;

Isaya 62:7

Mu nga mu tsiki a humula Kala a vuxa Jerusalema, a gi maha gi dzunzeka misaveni. Lu. 18:1

Jeremia 17:1

A xionho xa Juda xi tsalilwe hi pena ya xiketse, yi nga ni muzwa wa daimani; xi kehlelwe timbilwini tabye, ni lomu ka timhonzo ta maganzelo ya nwina,

Jeremia 22:24

Khwatsi hi lezi nzi hanyako, ku wula Jehova, loku ku wo khwatsi Koma a nʼwana Jehoiakimu, hosi ya ka Juda, a wa hi phera yi mehelweko canjeni ga mina ga xinene, hambu zi hi tano ngha nzi mu konole kwalaho. Xiz. 8:6; Hag. 2:24

Hagai 2:23

A siku lego, ku wula Jehova wa tiyimpi, nzi ta ku teka wena Zerubabeli, nanza ga mina, nʼwana Xealtieli, ku wula Jehova, nzi ta ku maha kota xifungo; hakuva nzi ku hlawule, ku wula Jehova wa tiyimpi.