Isaya 48:17 - Tshwa Bible

¹⁷ Jehova a Mutiruli wa wena, Loyi a Basileko wa ka Israeli, I ngalo: Hi mina Jehova, Nungungulu wa wena, Loyi a ku gonzisako lezi zi ku vunako, Loyi a ku rangelako ndleleni leyi u faneleko ku famba ha yona.

Isaya 48:17 Mawu Ofanana

Genesisi 24:48

Nzi lo khizama, nzi korama mahlweni ka Jehova, nzi lo mu bonga Jehova Nungungulu wa nwinyi wa mina Abrahama, loyi a nzi kombileko a ndlela yo lulama kasi nzi ta teka a nhwana wa makabye wa hosi ya mina, kasi a yava sati wa nʼwana wakwe.

1 Tihosi 8:36

va ingise na u hi kwaseyo tilweni, u tsetselela zionho za malanza ya wena ni vanhu va wena, a va ka Israeli, u va gonzisa a ndlela yi nene leyi va faneleko ku famba ha yona, zonake u rumela vula misaveni leyi u nyikileko a vanhu va wena a kuva tshomba yabye.

Joba 36:22

Languta, Nungungulu i tlakukile ntanwini wakwe: Himani a gonzisako ku fanana na yena?

Tisimu 25:12

Ni wihi munhu loyi a chavako Jehova, I ta mu kangeta a ndlela leyi a faneleko ku hlawula yona.

Tisimu 32:8

Nzi ta ku gonzisa nzi ku komba a ndlela leyi u to famba ha yona; Nzi ta ku luleka, a mahlo ya mina na ma ku langutile.

Tisimu 71:17

Nungungulu, u nzi gonzisile kusukela wusweni ga mina, Kala lezi nza tlhatlhambutela a mitiro ya wena yi hlamalisako.

Tisimu 73:24

U ta nzi rangela hi wusungukati ga wena, Zonake u nzi amukela wukosini ga wena.

Isaya 2:3

A matiko yo tala ma taya, ma yaku: Ngonani, a hi kanziheni hiya xitsungeni xa ka Jehova, a ndlwini ya Nungungulu wa Jakobe, i ta hi gonzisa a tindlela takwe; zonake hi ta famba mipfutleni yakwe. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Isaya 28:9

Vaku: I ta gonzisa mani wutlhari ke? I ta maha mani a pima a mhaka? Kasi hi zihlangi lezi za ha ku lumulwako, Lezi za hi ku tsikisiwako vele ke?

Isaya 30:20

Kunene, a Hosi yi ta mu nyika a zakuga za hlomulo, ni mati ya kuxaniseka, kanilezi a vagonzisi va nwina va nga ta ha fihlala, mu ta wona vagonzisi va nwina hi mahlo.

Isaya 30:21

Loku u hambukela tlhelo ga xinene kutani tlhelo ga xibhabha, a tindleve ta wena ti tazwa a gezu lenzhako ka wena, giku: A ndlela hi leyi, famba ha yona.

Isaya 41:14

U nga chavi wena xiwungwani, Jakobe, Na nwina misalela ya Israeli; Nzi ta ku vunetela, ku wula Jehova; A Mutiruli wa wena hi Loyi wa ku Basa wa ka Israeli.

Isaya 43:14

Jehova a Mutlhatlhisi wa nwina, Loyi a Basileko wa ka Israeli, i ngalo: Hi kota ya nwina nzi rumile a muhlaseli le Babuloni, Nzi hlongola vontlhe vahombe va kona, A maKaldea va ta tsutsuma lomu matarwini yabye va nga tsaka ha wona.

Isaya 43:16

Ku wula Jehova loyi a bhoxileko ndlela lomu bimbini, Ni tisoko lomu matini ya hombe, Ekso. 14:21

Isaya 45:11

Jehova loyi a Basileko wa ka Israeli, tlhelo Mumahi wakwe, i ngalo: Xana mu ta nzi wutisa xungetano hi lezi zi tako ka vana va mina ke? Mu ta nzi lelela xungetano hi ntiro wa mandla ya mina ke?

Isaya 48:20

Humani lomu Babuloni, mu chavela kule ni maKaldea, Zi tlhatlhambuteni na mu yimbelela hi kutsaka, Muba hungu kala magemetamusi ya misava, muku: Jehova i tirule nanza gakwe Jakobe! Jer. 50:8; Kuv. 18:4

Isaya 49:26

A vatsimbeketi va wena nzi ta va gisa nyama yabye, Va ta popiwa hi nkhata wabye wutsumbu, khwatsi hi vinya giswa; Zonake a nyama yontlhe yi ta zi tiva lezaku mina Jehova nzi muhanyisi wa wena, Ni Nyamintamu wa ka Jakobe Mutiruli wa wena.

Isaya 49:7

Jehova a Mutiruli ni Loyi a Basileko wa ka Israeli, E ngalo ka loyi a vanhu va mu kanyisako, loyi tiko gi mu nyenyako, A nanza ga vafumeli: Tihosi ti ta zi wona ti yima, Ni tihosana ti ta khizamela Jehova loyi a tsumbekako, Ni Loyi a Basileko wa ka Israeli, loyi a ku hlawulileko.

Isaya 54:13

Vontlhe a vana va wena va ta maha vapizani va Jehova, A vana va wena va tava ni kurula ka hombe. Joh. 6:45; Rom. 5:1

Isaya 54:5

Hakuva a Muvangi wa wena hi yena nuna wa wena, Leyi a nga Jehova wa tiyimpi a vito gakwe; Loyi a Basileko wa ka Israeli Mutiruli wa wena, A ta nga vitanwa lezaku i Nungungulu wa misava yontlhe. Rom. 3:29

Isaya 54:8

Hi kota ya zanga ya mina nzi lo ku fihlela a nghohe ya mina xikhatanyana, Kanilezi nzi ta ku tsetselela hi tipswalo ta pinzukelwa, Ku wula Jehova a Mutiruli wa wena.

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

Mika 4:2

A matiko manyingi ma ta yaku: Ngonani hi kanziha hiya xitsungeni xa Jehova, a ndlwini ya Nungungulu Wa Jakobe, kasi a ta ya hi gonzisa a tindlela takwe, hi famba ha tona. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Johani 6:45

Lomu bhukwini ga vaprofeti ku tsalilwe, ku ngalo: Vontlhe va ta gonziswa hi Nungungulu. Loyi a ingisileko Dadani, a gonza ka yena, wata ka mina. Isa. 54:13; Jer. 31:34; Mika 4:2

Va le Efesusi 4:21

loku mu mu zwile, mu gonziswa ka yena, kota lezi a zinene zi nga ka Jesu.

Joxua 3:4

Kanilezi a kuve kona a pfhukana xikari ka gona na nwina wa xipimo xa 2,000 wa mikono, mu nga tshineli laha kusuhani kasi mu wona a ndlela leyo mu ta nga famba ha yona, hakuva nwina a mu se nga famba hi leyo ndlela ka masiku ma hunzileko.