Isaya 48:1 - Tshwa Bible

¹ Ingisani lezi, nwina va yindlu ya Jakobe, Nwina lava mu vitanwako hi vito ga Israeli, Lava mu humelako marambyini ya ka Juda, Nwina lava mu hlambanyako hi vito ga Jehova, Mu dumisako a Nungungulu wa ka Israeli, Kanilezi na ku nga hi zinene ni kululama;

Isaya 48:1 Mawu Ofanana

Genesisi 32:28

Yena i te ngalo: A vito ga wena gi nga ta ha vitanwa ku ngalo Jakobe, gi ta vitanwa ku ngalo hi wena Israeli; hakuva u pfinyene ni Nungungulu ni vanhu, u hlulile.

Genesisi 35:10

Nungungulu i te ngalo kakwe: A vito ga wena u Jakobe, kanilezi a vito ga wena va nga ta ha wula vaku Jakobe; a vito ga wena u Israeli; zalezo i lo mu chula vito ga Israeli.

2 Tihosi 17:34

Ni nyamutlha lezi va ha lanzela mikhuwo yabye yo sangula, a va chavi Jehova; ni kambe a va lanzeli milayo ni mikhuwo yakwe, hambu ni zileletelo lezi Jehova a leleteleko a vanana va Jakobe loyi a chulilweko vito ga Israeli. Gen. 32:28; 35:10; 1 Tih. 18:31

2 Tihosi 5:20

Gehazi a nanza ga Elixa a munhu wa Nungungulu, i te ngalo: A hosi ya mina yi tsikile Namani a muSiria loyi, a nga amukelangi lezi a zi nehileko mandleni yakwe. Nzi hlambanya ha Jehova a hanyako, nzi ta tsutsuma nzi mu lanza nzi ya teka nchumu ka yena.

Tisimu 63:11

Kanilezi a hosi yi ta nengela ka Nungungulu; Vontlhelele va hlambanyako ha yena va ta ti tlakusa, Hakuva a milomu ya lava va hembako mawunwa yi ta valiwa. Deut. 6:13

Tisimu 66:3

Muku ka Nungungulu: Yi rewukisa kuyini a mitiro ya wena! Hi kota ya wukulu ga ntamu wa wena a valala va wena va ti koramisa. Deut. 33:29

Tisimu 68:26

Dumisani Nungungulu lomu tihlengeletanweni; Dumisani Hosi, nwina va hlowo ya ka Israeli. Isa. 48:1

Tisimu 68:27

Laho ku na Benjamini a nzisana, mufumeli wabye; Ni tihosana ta ka Juda ni butho ga tona, Ni tihosana ta Zebuloni, ni tihosana ta Naftali. Vala. 5:18; 6:35; 1 Sam. 9:21

Eksodusi 23:13

Mu ta hlayisa zontlhe lezi nzi mu leleteleko. Mu nga dzuki mu kumbuka a mavito ya vanwani vanungungulu; ngha ma nga zwali milonwini ya nwina.

Mavingu 5:16

Xana a zibuka za wena zi ta hangalaka lahandle, i micongo ya wena ya mati lomu magonzweni ke?

Isaya 26:13

O Jehova, Nungungulu wa hina, Hina hi fumelwe hi tinwani ti hosi a handle ka wena, Hi kota ya wena hi ta dumisa vito ga wena.

Isaya 44:5

Munwe i taku: Mina nzi wa Jehova: A munwani i ta ti vitana hi vito ga Jakobe; A wa wunharu i ta tsala canjeni gakwe, aku: Nzi lumba Jehova, A ti vitana hi vito ga Israeli a kuva xibongo xakwe.

Isaya 45:23

Nzi hlambanyile hi wutsumbu ganga, A mhaka ya lisine yi humile nonwini wa mina, Leyi yi to kala yi nga tsanzeki: Lezaku a madzolo wontihe ma ta nzi khizamela, Ni tirimi tontlhe ti ta hlambanya ha mina.

Isaya 46:12

Nzi ingiseni nwina va timbilu to nonoha, Nwina valala va kululama.

Isaya 51:1

Nzi ingiseni nwina lava mu hlotako kululama, Nwina lava mu lavako Jehova. Cuwukani ka ribye legi mu tekilweko ka gona, Ni ka mugodi lowu mu humesilweko ka wona.

Isaya 51:2

Cuwukani ka Abrahama a dadani wa nwina, Na Sara loye a mu psweleko; Hakuva laha a nga hi yece nzi mu vitanile, Nzi mu katekisa, ni ku mu anzisa. Gen. 12:1; Jox. 24:3; Ezek. 33:24

Isaya 58:2

Kunene, va nzi hlota wontihe masiku, Va ranza ku tiva tindlela ta mina; Kota gi nga tiko gi mahako kululama, Gi nga tsikangiko nongameto wa Nungungulu wa gona; Va kombela ka mina a zileletelo zi lulamileko, Va tsaka hi ku tshinela kusuhani ka Nungungulu.

Isaya 62:8

Jehova i hlambanyile hi canja gakwe ga xinene, Hi woko gakwe ga ntamu, aku: Hizinene, nzi nga ta ha nyikela a mavele ya wena a kuva zakuga za valala va wena, A vamatiko va nga tanwa a vinya ga wena, legi wena u gi tireleko.

Isaya 64:6

Hina hontlhe hi fanana ni loye a nga hlazekangiko, Ni kontlhe kululama ka hina ku fanana ni nguwo yi nga ni chaka; Hina hontlhe hi wuna kukotisa matluka, Ni zigoho za hina za hi kukuleta ku fanana ni mheho.

Isaya 65:16

Kasi ni wihi loyi a ti katekisako laha misaveni I ta ti katekisa hi Nungungulu wa zinene; Ni wihi lomu tikweni a ta nga hlambanya, I ta hlambanya hi Nungungulu wa zinene. Hakuva a makhombo ya kale ma rivelwe, Ma fihlilwe mahlweni ka mina.

Jeremia 4:2

Loku u hlambanya hi zinene, ni nongameto, ni kululama. Uku: Jehova wa hanya Hizinene, Zonake a matiko ma ta ti katekisa ha yena, Ma ti kulisa ha yena. Gen. 22:18; Deut. 8:13; 2 Kor. 10:17

Jeremia 44:26

Makunu zwanani a mhaka ya ka Jehova, nwina nwentlhe va ka Juda lava mu akileko lomu Gipite! Langutani, nzi hlambanyile hi vito ga mina ga hombe, ku wula Jehova, lezaku a vito ga mina gi nga ta ha kumbukwa hi nomu wa ni wihi wa va ka Juda lava va akileko lomu tikweni ga Gipite, aku: Khwatsi hilezi Hosi Jehova a hanyako!

Jeremia 5:2

Hambu lezi va nge ngalo: Jehova wa hanya; Vona va hlambanya hi mawunwa.

Levi 19:12

Mu nga hlambanyi mawunwa hi vito ga mina, hakuva lezo ku nyenyezisa a vito ga Nungungulu wa nwina. Hi mina Jehova. Deut. 5:11; Mat. 5:33; Jak. 5:12

Mika 2:7

Wena yindlu ya Jakobe, xana a Moya wa Jehova wu hatla ku zangara ke? A matirela yakwe hi walawo ke? A timhaka ta mina a ti na wunene ka loyi a fambako hi kululama ke?

Zefania 1:5

ni lava va khozelako a yimpi ya tilo na va hi hehla ka tiyindlu; ni lava va khizamelako va hlambanya ha Jehova, va tlhela va hlambanya ha Malkamu.

Zakaria 5:3

Yona yiku ka mina: Lowu i nzhukano wu tako hehla ka tiko gontlhe; hakuva munwe ni munwani loyi a yivako i ta susiwa laha hi ntamu wa wona; munwe ni munwani a hlambanyako i ta susiwa laha hi ntamu wa wona.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mitsengo 24:7

Ni mati ma ta khulunga hi lomu ka mabhaketi yakwe, Ni mbewu yakwe yi ta tsakamiswa hi mati yo tala. Ni hosi yakwe yi ta va wa hombe ku hunza Agagi, Ni mufumo wakwe wu tava ni ntamu.

Mateu 23:13

Kanilezi khombo a give ka nwina vatsali ni vaFarisi, nwina vaxengeteli! Hakuva mu valela vanhu a mufumo wa tilo; nwina wutsumbu a mu engheni, hambu ni ku va vumela va enghena lava va ranzako ku enghena.

Johani 1:47

Jesu i lo wona Nataneli na a kari ata kakwe, aku ngalo: Langutani a muIsraeli wa zinene, loyi a nga hiko na kuxengetela. Tis. 32:2; Xip. 8:39; Rom. 2:28

Johani 4:24

Nungungulu i Moya, ni lava va mu khozelako va fanele ku khozela hi moya ni zinene. 2 Kor. 3:17

Va le Roma 2:17

Wena u na nga ni vito gaku u muJuda, u tsumba nayo, u ti tlakusa hi Nungungulu; Mika 9:6; Joh. 8:41; Xip. 9:6

Va le Roma 9:6

Kanilezi a hi ku khwatsi a mhaka ya Nungungulu yi tsanzekile; hakuva a vaIsraeli a hi vona vontlhe va nga huma hi ka Israeli. Gal. 6:16

Va le Roma 9:8

Lezo hi ku ngalo, lava va nga vana hi ka nyama, a hi vona va nga vana va Nungungulu; kanilezi hi vana va xitsumbiso va wuliwako lezaku i pswalo.

Deuteronome 10:20

Chava Jehova Nungungulu wa wena, u mu khozela, u namarela kakwe, u hlambanya hi vito gakwe.

Deuteronome 33:28

Israeli i akile hi kurula, A hlowo ya Jakobe yi tshameka, A tikweni ga mavele ni vinya; Hakunene a tilo gakwe gi dona a nzhokati. Jer. 23:6; 33:16

Deuteronome 5:28

Jehova i zwile timhaka ta nwina leti mu nga wa wulawula na mina, na Jehova i te ngalo ka mina: Nzi zwile timhaka leti a vanhu va wulawulileko ka wena, va wulile khwatsi zontlhe.

Deuteronome 6:13

U ta chava Jehova Nungungulu wa wena, u mu khozela, u hlambanya hi vito gakwe. Jer. 4:2; Mat. 4:10; Lu. 4:8

1 Timote 4:2

hi kota ya wuxengeteli ga vanhu va kanelako mawunwa, lava a livalo labye li hisilweko khwatsi hi xiketse xo hisa. Efe. 4:19

Kuvululelwa 2:9

Nza tiva a kuxaniseka ka wena, ni wusiwana ga wena, kasi lezo u fumile, ni ku rukatelwa hi vona lava va nge ngalo vaJuda, na va nga hi vona, kanilezi na va hi va sinagoga ga Satani. Lu. 12:21; Rom. 2:17; Xip. 3:9

Kuvululelwa 3:9

Nzi ta ku nyika vanwani va sinagoga ga Satani, lava va hembako va ti wula ku ngalo vaJuda, na va nga hi vona; nzi ta va maha va ku khizamela mikonzweni ya wena, va ta zi tiva lezaku nzi ku ranzile. Isa. 49:23; 60:14