Isaya 47:14 - Tshwa Bible

¹⁴ Langutani, va taku khwatsi i byanyi, A nzilo wu ta va hisa; Va nga ta ti ponisa ntanwini wa langavi. A hi makhala yo ti kufumeta ha wona, A hi nzilo wa ku wora.

Isaya 47:14 Mawu Ofanana

Eksodusi 5:12

Zinghaho a vanhu va lo hangalaka ni tiko gontlhe ga Gipite va famba va lava byanyi.

Isaya 10:17

A kuwonekela ka Israeli ku ta hunzuka ku maha nzilo, Ni Wa ku Basa wakwe i ta maha langavi, Gi ta vura gi hisa a mizwa ni zigetlwani zakwe hi siku ginwe.

Isaya 30:14

Gi ta khungumuka khwatsi i mbita ya wumba loku yi pswhandlaswa ha womu, leyi ku nga saliko ni xirengele lexi munhu a nga okako ha xona a nzilo, kutani a kukha ha xona mati le hlobyeni.

Isaya 33:14

A vaonhi va le Zioni va chava; A vakubiha va rurumela, vaku: Himani xikari ka hina a ta nga tiya a yima nzilweni lowu wu hisako? Himani a ta nga hanya malangavini ma nga timekiko? Deut. 4:24; Isa. 30:27

Isaya 40:24

Na va ha ku byaliwa, na va ha ku xwanyiwa, A tshinya gabye na ga ha tlhava mitsu misaveni, Loku a pupuxa hehla ka vona va wuna, Ni xipupuri xi va kukuleta ku fana ni mungu.

Isaya 41:2

Himani a vuxileko munhu hi Mutsuwuka-gambo, Loyi a hlulako ni kwihi a yako kona? A wuya a mu nyika matiko ni ku khozisa tihosi? Himani a hunzulako tisupado ta tona tiva ntshuri, Ni mawura yabye ma maha mungu wu kukuletwako hi mheho?

Isaya 44:16

A hisa xipanze xa sinya nzilweni, a xinwani xipanze a bhika ha xona, a woca nyama, aga a xura; a tlhela a wora, aku: Nzazwa kukufumela, hakuva nzi na ni nzilo!

Isaya 5:24

Hikwalaho khwatsi hi langavi ga nzilo gi gako tihlanga, Ni ku khwatsi hi loku gi hisa byanyi gi omileko, Zinghaho a mutsu wabye wu ta bola, Ni zitsangi zabye zi ta jujeka kukotisa tsutsungwani; Hakuva va tsikile a nayo wa Jehova wa tiyimpi, Va kanyisa a mhaka ya Wa ku Basa wa ka Israeli.

Jeremia 51:30

A tinhenha ta Babuloni ti tsikile a kulwa, ti tshamile lomu makhokholeni ya tona; ti mbhelelwe hi ntamu, va tlhela vaku khwatsi mbavasati. A miti yakwe ya hisiwa hi nzilo, a zikwinyaro zakwe zi tshobyilwe.

Jeremia 51:32

A mapelo ma tekilwe, va hisile a hlanga hi nzilo, ni vavanuna va yimpi va chava.

Jeremia 51:58

Jehova wa tiyimpi i ngalo: A makhurisi laʼyo anama ya Babuloni ma ta khungumulwa, a tinyangwa takwe ti tlakukileko ti ta hiswa hi nzilo; a matiko ma tirela mahala, ni vamatiko va ti karata hi kota ya lezi zi hiswako hi nzilo, va rereka. Hab. 2:13

Ezekieli 15:7

Nzi ta va honokela; va ponile nzilo, kanilezi va ta lobyiswa hi nzilo. Va ta zi tiva lezaku hi mina Jehova, laha nzi ta nga va honokela.

Joeli 2:5

A guwa ga kutlula tlula kabye gi fanana ni ga tikareta ta yimpi ti fambako hehla ka zitsunga, gi fanana ni guwa ga nhova yi hisako byanyi; va fanana ni vanhu va ntamu va hlomileko kulwa.

Obadia 1:18

A yindlu ya ka Jakobe yi tava nzilo, a yindlu ya ka Josefa yiva langavi, kanilezi a yindlu ya Esau yi tava byanyi go woma; va ta yi hisa va yi mbheta, ku nga ta pona ni munwe ka yindlu ya Esau, hakuva Jehova i wulile lezo.

Nahume 1:10

Hakuva hambu loku va philinganyetene khwatsi i mizwa, vatsakamisilwe hi byala gabye, va ta hiswa kufanana ni byanyi go woma.

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Mateu 10:28

Mu nga chavi lava va dayako miri, na va nga hi na ntamu a ku daya muhefemulo; kanilezi chavani loyi a nga ni ntamu a ku lovisa a muhefemulo ni miri le Gehena. Lu. 12:4; 1 Ped. 3:14

Mateu 16:26

Hakuva zi ta mu vuna yini munhu loku a bhinzula tiko gontlhe, a lahlekelwa hi muhefemulo wakwe ke?. A munhu i ta humesa yini ku tekisa muhefemulo wakwe ke? Tis. 49:7, 8

Kuvululelwa 18:21

A ngelosi ya ntamu yi lo tlakula a ribye go kota ribye ga hombe ga xigayo, yi gi hoxa bimbini, yiku: Hizalezo wu ta nga hoxiswa zona a muti lowu wa hombe Babuloni; cima wu nga ta ha kumiwa kambe. Jer. 51:64