Isaya 46:2 - Tshwa Bible

² Va koramile, vawa zinwe, A va zi koti ku ponisa nzhwalo; Vona wutsumbu va yile wukhumbini.

Isaya 46:2 Mawu Ofanana

2 Samueli 5:21

Vona va lo siya ni zifananiso zabye, zonake Davida ni vanhu vakwe va lo zi teka.

Isaya 30:6

A xiprofeto xungetano hi zivanza za tiko ga Dzonga. Va rwexa a pfuno wabye ni titshomba tabye ka timbongola ni makameli, Vaya tsemakanya tikweni ga zikarato ni hlomulo, Laho ku tako ha kona a nghala ya pswele ni ya matsune, Zinwe ni phiri ni drako gi purumako, Kasi kuya tikweni legi gi nga zi kotiko ku va bhinzulela nchumu.

Isaya 37:12

A matiko lawa ma nga hlaselwa hi vadadani va mina ma ponisilwe hi vanungungulu va wona ke? A tiko ga Gozani, na Harani, na Rezefa, ni vanana va ka Edeni laʼva nga le Telassari.

Isaya 37:19

Ti hisile a vanungungulu va wona hi nzilo, hakuva va wa nga hi vanungungulu, yi wa hi mitiro ya mandla ya vanhu, ya tisinya ni maribye. Hikwalaho ti zi khungumulela.

Isaya 44:17

Zonake hi sinya yi seleko wa vatla a nungungulu ha yona, a korama mahlweni kakwe, a mu khozela, a kombela ka yena, aku: Nzi ponise, hakuva wena u nungungulu wa mina!

Isaya 45:20

Tsombanani muta laha, Mu tshinela khatiginwe nwina mu ponileko xikari ka vamatiko; A va na kutiva lava va rwalako a zifananiso zi vatlilweko, Va khozela a nungungulu loyi a nga zi kotiko ku hanyisa.

Jeremia 48:7

Hakuva kota lezi u tsumbako a mitiro ya wena, Ni titshomba ta wena, wenawu u ta hluliwa. Kemoxe i taya wukhumbini Zinwe ni vapristi vakwe ni tihosana takwe. Mitse. 21:29; 1 Tih. 11:7

Jeremia 51:47

Hikwalaho mata a masiku lawa nzi ta nga tsayisa ha wona a zifananiso za Babuloni, a tiko gakwe gontlhe gi ta chelwa tingana, ni vontlhe vanhu vakwe va delweko va ta wela xikari kakwe.

Danieli 11:8

A vanungungulu vabye, ni zifananiso zabye zi chululweko, ni zibya zabye za siliva ni nzalama, i ta zi wutla a zi yisa Gipite. Zonake hi malembe yo kari a nga ta ha Vukela a hosi ya le Nwalungu.

Nahume 1:14

Jehova i leletele ha wena lezaku ku nga ha belekiwi munhu wa vito ga wena. A ndlwini ya vanungungulu va wena nzi ta susa a zifananiso zi vatlilweko, ni lezi zi nyekisilweko; nzi ta yi maha xilahla xa wena, hakuva u bihile.

Valamuli 18:24

Yena aku: Hi lezi mu tekileko vanungungulu va mina lava nzi va mahileko, ni mupristi wa mina, mu famba navo. Xini nzi seleko naxo? Ni lezi mu nge: Wo bayiswa hi yini!

1 Samueli 5:3

Makunu hi siku gi gamelako, a vanhu va le Axdode va lo vuka ni mixo, va wona Dagoni na a wile lahasi hi nghohe yakwe mahlweni ka arke ga Jehova; va lo teka Dagoni va mu veka wutshanwini gakwe.