Isaya 46:11 - Tshwa Bible

¹¹ Nzi vitana a gama hi le Mutsuwuka-gambo, Ni munhu loyi a ta nga maha kuranza ka mina hi le tikweni ga le kule. Ina, nzi zi wulile, nzi ta zi maha zi tatiseka; Lezi nzi zi alakanyileko nzi ta zi maha.

Isaya 46:11 Mawu Ofanana

Ezra 1:2

Kurusi a hosi ya le Persia i ngalo: Jehova Nungungulu wa le tilweni i nzi nyikile yontlhe mifumo ya misava, a nzi leletela lezaku nzi mu akela a yindlu le Jerusalema a tikweni ga ka Juda.

Joba 23:13

Kanilezi i na ni kualakanya kunwe ntsena, himani a nga mu hunzulusako? Ni lezi a zi ranzako wa zi maha. Dan. 4:32

Tisimu 119:24

Nzi tsakela wumbonini ga wena, Hi masungukati ya mina.

Tisimu 76:10

Hizinene, a zanga ya munhu yi ta ku dumisa; A xipanze xa zanga yakwe u ta xi ambala. Ekso. 9:16; Rom. 9:17

Isaya 10:12

Kanilezi loku a Hosi yi mahile wontihe ntiro wa yona hehla ka xitsunga xa Zioni ni le Jerusalema, nzi ta tsayisa a hosi ya le Assiria hi kota ya kutikulisa ka mbilu ya yona, ni matshanza ya mahlo ya yona, 2 Tih. 19:35

Isaya 18:6

Vontlhe va ta nyikelwa ka makoti ya lomu zitsungeni, Ni ka zivanza za khwati; A makoti ma ta vaga laha ximunwini, Ni zivanza zontlhe za khwati zi ta vaga laha wuxikeni.

Isaya 22:25

a ka siku lego, ku wula Jehova wa tiyimpi, a phanze legi gi zimekilweko wutshanwini go tiya, gi ta kunulwa giwa; ni zontlhe lezi zi nga hi hehla ka gona zi ta lobyiswa, hakuva Jehova i wulile lezo.

Isaya 25:1

Jehova, u Nungungulu wa mina; Nzi ta ku kulisa, nzi dumisa vito ga wena, Hakuva u mahile zilo zi hlamalisako; A makungo ya kale yo tsumbeka yo tiya.

Isaya 37:26

Kasi a ku zi zwangi lezi nzi zi mahileko kaleloko, Nzi zi wulawulile masikwini ya kale? Makunu nza zi maha zi tatiseka, Lezaku a miti ya makhokhola u yi maha marumbi.

Isaya 38:15

Nzi ta ku yini? I nzi hlamule, i tirile yena! Nzi ta famba hi ku ti tsongahata malembe ya mina wontihe Hi kota ya kubayiseka ka moya wa mina.

Isaya 41:2

Himani a vuxileko munhu hi Mutsuwuka-gambo, Loyi a hlulako ni kwihi a yako kona? A wuya a mu nyika matiko ni ku khozisa tihosi? Himani a hunzulako tisupado ta tona tiva ntshuri, Ni mawura yabye ma maha mungu wu kukuletwako hi mheho?

Isaya 41:25

Nzi vuxile munwe hi le Nwalungu, i sina a tile, Ku tile hi le Mutsuwuka-gambo munwe loyi a vitanako vito ga mina; Loyi a ta nga kanzihela vafumeli kota nzhope, Khwatsi hi muwumbi a kanzihelako a wumba.

Isaya 44:28

Nzi wula ka Kurusi, nziku: Murisi wa mina! I ta maha kontlhe kuranza ka mina; A ka Jerusalema i taku: U ta aketwa; Ni ka tempeli: A xiseketelo xa wena xi ta akiwa luswa.

Isaya 45:13

Hi mina nzi vuxileko Kurusi kululameni ka mina, Nzi ta lulameta tontlhe tindlela takwe. I ta aka a muti wa mina, a tlhatlhisa vakhomilweko va mina, Na a nga zi mahi hi kota ya nzhiho kutani nchachazelo, Ku wula Jehova wa tiyimpi.

Isaya 56:9

Nwina nwentlhe zihari za khwati, ngonani mu taga, Ina, tanani nwina zivanza za khwati.

Jeremia 44:28

Lava va ta nga pona supado, va nga hi va moyana, va ta huma lomu Gipite va tlhelela tikweni ga ka Juda. Hi kona a misalela yontlhe ya ka Juda, lava va tileko va ta luvela lomu tikweni ga Gipite va ta nga zi tiva aku a mhaka yo tiya hi ya mani, a yabye kutani ya mina.

Jeremia 50:29

Vitaneni vontlhe a vaweleli va mawura va ta vukela Babuloni, mu goveleni matlhelo wontihe, ku nga poni ni munwe. Mu tlheliseleni hi mitiro yakwe; zontlhe lezi a nga wa zi maha, mahaniwo zalezo kakwe, hakuva i wa ti kulisa mahlweni ka Jehova, a vukela Loyi a Basileko wa ka Israeli.

Jeremia 50:44

Languta, i tata kota nghala yi humako hi lomu xihlahleni xa Jordani, yiya wugelweni go nyuka. Nzi ta mu hlongola xikanwe; ni wihi loyi nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

Jeremia 50:45

Hikwalaho zwanani a makungo ya Jehova, lawa a bohileko ha Edome, ni mixuvo yakwe leyi a xuvileko hi vaaki va le Babuloni. Futsi va ta rorovisela lava va tsongwani va thlambi; ni wugelo gabye gi ta onhiwa zinwe navo.

Ezekieli 39:4

U ta wela zitsungeni za ka Israeli, wena ni mitlawa ya wena yontlhe, ni matiko lawa ma nga zinwe na wena. Nzi ta ku nyikela u giwa hi makoti ya tixakaxaka, ni zivanza za khwati.

Mitsengo 23:19

Nungungulu a hi munhu a hembako, Ge a hi nʼwana wa munhu a hunzulukako. Kasi hi yena wo wula a wuya a nga mahi ke? Xana ngwo wula a wuya a nga mbhelelisa ke? 1 Sam. 15:29; Tit. 1:2

Mitiro 4:28

kasi va maha lexi u nga xi yimisile hi kale hi canja ga wena ni khungo ga wena, a kuva xi maheka. Xip. 2:23

Mitiro 5:39

kanilezi loku wu hi wa Nungungulu, mu nga ta zi kota ku va hlula; mu nga dzuka mu kumiwa mu kari muiwa na Nungungulu. Mat. 16:18; 1 Kor. 1:25; Fil. 1:28; Kuv. 17:14; Xip. 9:5

Va le Efesusi 1:11

Ka Kristu hi nyikilwe a tshomba ya hina, hina lava hi yimiselweko yona hi kale, kota a kuxuva ka yena loyi a tirako zilo zontlhe hi khungo ga kuranza kakwe; Isa. 46:10; Rom. 8:17

Va le Efesusi 3:11

kotisa a khungo legi ga pinzukelwa legi a nga gi maha ha Kristu Jesu a Hosi ya hina,

Kuvululelwa 16:12

Leʼya wuntlhanu ni yinwe yi lo halata mukhelo wa yona le congweni lowu wa hombe Eufrate; ni mati ya wona ma lopswha, lezaku ku longiselwa ndlela ya tihosi ta le Mutsuwuka-gambo. Isa. 41:2, 25; Xip. 9:14