Isaya 46:1 - Tshwa Bible

¹ Beli i vumbamile, Nebo wa korama, A zifananiso zabye zi rwaliwa hi zifuyo ni tihomu; Lezi mu nga zi rwala zi pakelwa ka zihari zi kareleko.

Isaya 46:1 Mawu Ofanana

Joba 39:11

U nga yi tsumba hilezi a ntamu wa yona wu nga wa hombe ke? Kutani u ta yi leletela a mitiro ya wena ke?

Eksodusi 12:12

Hakuva ka gona wusiku lego nzi ta hunza lomu tikweni ga Gipite, nzi daya a matewula wontihe ya tiko ga Gipite, ya vanhu ni ya zifuyo; zonake nzi ta lamula vanungungulu vontlhe va Gipite. Hi mina Jehova. Mitse. 33:4

Isaya 2:18

A zifananiso zi ta fuviswa bhi!

Isaya 2:20

A ka siku lego a vanhu va ta hoxa ka mabhonyani ni ka makhoha a zifananiso zabye za siliva ni za nzalama, lezi va nga ti mahela kasi ku zi khozela;

Isaya 21:9

Hi nga wona, wata muboko wa vavanuna, ni mipatswa ya vakhileli va mahaxi. A engeta, aku: Gi wile, a Babuloni gi wile; Zontlhe zifananiso za vanungungulu va gona zi khungumulelwa. Jer. 51:8; Kuv. 14:8; 18:2

Isaya 30:6

A xiprofeto xungetano hi zivanza za tiko ga Dzonga. Va rwexa a pfuno wabye ni titshomba tabye ka timbongola ni makameli, Vaya tsemakanya tikweni ga zikarato ni hlomulo, Laho ku tako ha kona a nghala ya pswele ni ya matsune, Zinwe ni phiri ni drako gi purumako, Kasi kuya tikweni legi gi nga zi kotiko ku va bhinzulela nchumu.

Isaya 45:20

Tsombanani muta laha, Mu tshinela khatiginwe nwina mu ponileko xikari ka vamatiko; A va na kutiva lava va rwalako a zifananiso zi vatlilweko, Va khozela a nungungulu loyi a nga zi kotiko ku hanyisa.

Isaya 46:7

Va mu tlakula, va mu rwala hi makatla, Va ya mu veka wutshanwini gakwe, Zonake a tshama laho, a nga zi koti ku suka. Loku va kanyuluka kakwe a nga hlamuli nchumu, Hambu ku va ponisa zikaratweni zabye.

Jeremia 10:5

A zifananiso zi kotisa a mhanze sinwini ga maranga, Zi yima kona kanilezi a zi wula wuli; Zona zi lava ku pakatsiwa, hakuva a zi zi koti ku famba. Mu nga zi chavi, hakuva a zi tivi ku maha kubiha, Hambu a kuva ni ntamu wo maha zinene.

Jeremia 50:2

Tlhatlhambutelani xikari ka matiko, muba nyiwo, mu yimisa a bandera. Mu nga fihli nchumu, va byeleni, muku: Babuloni i hlulilwe, Beli i wisilwe tingana, Merodake i khungumulwe; a zifananiso zakwe zi chelilwe tingana, a vanungungulu vakwe va khungumulwe.

Jeremia 50:38

A ximumu xi ta balela hehla ka mati yakwe, kasi ma fela kupswha, hakuva gona i tiko ga zifananiso zi vatlilweko, vona va ti tsitsiritile ka zona.

Jeremia 51:44

Nzi ta tsayisa Beli le Babuloni, Nzi humesa nonwini wakwe zo ntlhe lezi a zi mitileko. A matiko ma nga ta ha hlengeletana ka yena kambe; Ina, a khurisi ga Babuloni gi ta khungumuka.

Jeremia 51:47

Hikwalaho mata a masiku lawa nzi ta nga tsayisa ha wona a zifananiso za Babuloni, a tiko gakwe gontlhe gi ta chelwa tingana, ni vontlhe vanhu vakwe va delweko va ta wela xikari kakwe.

Jeremia 51:52

Hikwalaho, a masiku mata, ku wula Jehova, lawa nzi ta nga tsayisa ha wona a zifananiso zakwe, kala lava va tlhabyilweko va ta keta lomu tikweni gakwe gontlhe.

Danieli 11:8

A vanungungulu vabye, ni zifananiso zabye zi chululweko, ni zibya zabye za siliva ni nzalama, i ta zi wutla a zi yisa Gipite. Zonake hi malembe yo kari a nga ta ha Vukela a hosi ya le Nwalungu.

Danieli 3:14

Nebukadnezzare aku kabye: Hi nga nzi byelani, Xadrake, na Mexake, na Abed-nego, mo maha ha womu a ku kala mu nga khozeli a vanungungulu va mina, ni ku kala mu nga khizameli a xifananiso xa nzalama lexi nzi nga xi yimisa ke?

Nahume 1:14

Jehova i leletele ha wena lezaku ku nga ha belekiwi munhu wa vito ga wena. A ndlwini ya vanungungulu va wena nzi ta susa a zifananiso zi vatlilweko, ni lezi zi nyekisilweko; nzi ta yi maha xilahla xa wena, hakuva u bihile.

Mitsengo 32:38

ni le Nebo ni Baal-Meoni (a mavito lawa ma hunzulusilwe), ni le Sibma. Zonake va lo chula manwani mavito ka miti leyo va yi akileko.

Mateu 23:4

Ina, va boha minzhwalo yo binza, va yi rwexa makatleni ya vanhu; kanilezi a wutsumbu gabye a va na ku yi tshineta hi litiho. Lu. 11:46; Miti. 15:10

1 Samueli 5:3

Makunu hi siku gi gamelako, a vanhu va le Axdode va lo vuka ni mixo, va wona Dagoni na a wile lahasi hi nghohe yakwe mahlweni ka arke ga Jehova; va lo teka Dagoni va mu veka wutshanwini gakwe.