Isaya 45:9 - Tshwa Bible

⁹ Khombo ka loyi a phikizanako ni Mumahi wakwe, U nga hlaza xikari ka tihlaza ta wumba. Xana a wumba gi nga wula ka muwumbi, giku: Xini u mahako? Kutani i ntiro wa wena, wu nga wula, wuku: U hava mandla. Jer. 18:6; Rom. 9:20

Isaya 45:9 Mawu Ofanana

Joba 10:9

Alakanya lezaku u nzi mahile kukotisa wumba, U ta nzi tlhelisa nziya tshurini kambe ke?

Joba 33:13

Hi kuyini u ti karatako u mu vukela, Hakuva yena a nga hlamuleli timhaka takwe tontlhe?

Joba 40:2

Wena musoli, u ta kanetisana ni Nyamintamu ke? Loyi a phikizanako na Nungungulu a hlamule. Joba a wulawula hi kutikoramisa.

Joba 9:12

Languta, loku a teka muphango himani a nga mu tsimbetelako? Himani a nga wulako kakwe, aku: Xini u mahako ke?

Joba 9:4

Loyi a nga ni wutlhari ga mbilu, i nhenha; Himani loyi a ti nonohisileko, a mu vukela, a simamisa ku vuvuma ke?

Mavingu 21:30

A gi kona wutlhari, kutani kupima, e hambu wusungukati legi gi hlulako Jehova.

Mutshawuteli 6:10

Lexi xi nga kona xi chulilwe vito hi kale, ku wa tibyiwa lezi munhu a ta ngava zona; cima a nga zi koti ku kanetisana ni loyi a mu hunzako hi ntamu.

Isaya 10:15

A xihloka xi nga ti dzunza ka loyi a tsemako ha xona ke? Ni saho gi nga ti kulisa ka loyi a sahako ha gona ke? A ku khwatsi hi loku a nhonga yi wa ta tsekatsekisa a woko ga loyi a yi tlakusako, Ni loku a xigomba xi wa ta tlakusa loyi a nga hiko sinya!

Isaya 29:16

Ha, a wupumbu ga nwina! A wumba gi nga ringanisiwa ni muwumbi ke? A ximahwa xi ta wula hi mumahi wa xona, xiku: A nga nzi mahangi, Kutani leʼxi vatlilweko xi nga wula hi muvatli wa xona, xiku: A nga pimi nchumu? Isa. 45:9; Rom. 9:20

Isaya 45:10

Khombo ka loye a wulako ka raru wakwe, aku: U nzi pswalele yini? Ni ka nyine wakwe aku: U lunwelwe yini ke?

Isaya 64:7

A ku na munhu a khongelako vitweni ga wena, Loyi a vukako kasi ku namarela ka wena; Hakuva u hi fihlele a nghohe ya wena, U hi tsika hifa zigohweni za hina.

Isaya 64:8

Kanilezi makunu, wena Jehova u dadani wa hina; Hina hi wumba, wena u muwumbi wa hina, Hina hontlhe hi ntiro wa mandla ya wena, Jer. 3:19; Rom. 9:20

Jeremia 18:6

Nwina yindlu ya ka Israeli, xana nzi nga ta zi kota ku maha ha nwina kukotisa muwumbi loyi ke? Languta, lezi a kota wumba gi nga lomu mandleni ya muwumbi, hizalezo nwina mu nga zona mandleni ya mina, yindlu ya ka Israeli. Isa. 45:9; Rom. 9:21

Jeremia 36:29

U ta byela Jehoiakimu hosi ya ka Juda, uku: Jehova i ngalo: Wena u hisile bhuku legi uku: Hikuyini u tsalileko ka gona lezaku a hosi ya Babuloni yi tata yi ta hahlula tiko legi, yi mbheta vanhu ni zihari?

Jeremia 50:24

Nzi ku dembele ziyo, u phasilwe wena Babuloni na u nga zi tivi. U kumilwe ni ku khomiwa, hakuva u lwile na Jehova.

Danieli 4:35

Vontlhe vaaki va misava a hi nchumu ka yena. I maha kuranza kakwe hi tiyimpi ta tilo ni xikari ka vaaki va laha misaveni. A nga kona a nga tsanzekisako a canja gakwe, ge hambu ku wula kakwe aku; Xini u mahako?

1 Va le Korinte 10:22

Xana ha yi vuxela xiluse a Hosi ke? Xana ha yi hunza hi ntamu ke? Ekso. 22:14