Isaya 45:12 - Tshwa Bible

¹² Hi mina nzi mahileko misava, Nzi vanga vanhu hehla ka yona; I mandla ya mina ma andleleko matilo, Nzi hloma a mabutho ya wona wontihe.

Isaya 45:12 Mawu Ofanana

Genesisi 2:1

Zinghaho a tilo ni misava zi lo mahiwa, ni zilo zontlhe zi nga ka zona.

Ezra 1:2

Kurusi a hosi ya le Persia i ngalo: Jehova Nungungulu wa le tilweni i nzi nyikile yontlhe mifumo ya misava, a nzi leletela lezaku nzi mu akela a yindlu le Jerusalema a tikweni ga ka Juda.

Nehemia 9:6

Wena u Jehova, wena wece; hi wena u mahileko tilo ni matilo ya matilo, ni tiyimpi ta wona tontlhe, ni misava ni zontlhe zi nga ka yona, ni mabimbi ni zontlhe zi nga ka wona, u zi hanyisa zontlhe; a yimpi ya le tilweni yi khozela wena. Isa. 37:16, 20; Miti. 4:24

Joba 37:18

Wa zi kota ku andlalata a tilo khwatsi hi yena; U gi tiyisa kukotisa a woni gi nyekisilweko ke?

Tisimu 102:25

Kale na u vekile a xiseketelo xa misava, A matilo i ntiro wa mandla ya wena. Maheb. 1:10

Tisimu 104:2

U ambele kuwonekela kukotisa nguwo, U andlala matilo kukotisa a tenda. Gen. 1:1; Isa. 40:22

Isaya 37:16

Jehova wa tiyimpi, Nungungulu wa ka Israeli, loyi a tshamako xikari ka makerubima, wena wece u Nungungulu wa matiko wontihe ya misava; wena u mahile a tilo ni misava.

Isaya 40:12

Himani a pimileko a bimbi hi canja gakwe, Loyi a pimileko matilo hi lipimo la titiho takwe? Himani a pimileko hi xirunzu a tshuri wa misava, A pima zitsunga ni miganga laha xikalwini?

Isaya 40:22

Hi yena a tshamileko le hehla ka ranzani ga misava, Ni vaaki va yona vaku khwatsi i bhanzala. Hi yena a andlalako matilo khwatsi o andlala veli, A ma gwimba kota tenda a kuva wuakelo. Joba 9:8; Tis. 104:2

Isaya 40:26

Tlakusani mahlo ya nwina le hehla, mu languta, Himani a vangileko lezi zilo? Hi yena a rangelako a mabandla ya zona hi ku ma xaxameta, Loyi a vitanako zontlhe hi mavito. Hi kota ya ntamu wakwe wa hombe ni wukulu gakwe Ku hava ni xinwe xi vumalekako.

Isaya 40:28

A ku zi tivi ke? A ku zi zwangi ke? Lezaku Jehova i Nungungulu wa pinzukelwa, Yena Muvangi wa magemetamusi ya misava; A nga karali, a nga mbheli ntamu; A wutlhari gakwe a gi na ku kambiwa.

Isaya 42:5

I wuta lezo Nungungulu Jehova, Loyi a vangileko tilo, a gi andlala, Loyi a anekileko misava ni lezi zi milako ka yona; Loyi a nyikileko kuhanya ka vanhu va nga ka yona, A nyika moya ka tava va famba-fambako ka yona. Neh. 9:6; Joba 33:4

Isaya 44:24

Jehova, a mutiruli wa wena, Loyi a ku wumbileko rumbyini ga nyine wa wena, i ngalo: Nzi Jehova loyi a mahako zilo zontlhe, Nzi andlele a matilo ha nzoce Nzi andlala a misava ha nzoce. Joba 9:8; Jer. 32:17

Isaya 45:18

Hakuva Jehova loyi a vangileko matilo; Nungungulu wutsumbu loyi a wumbileko misava, a yi yimisa, A yi tiyisa; a nga yi mahi a kuva xiwula, Kanilezi a yi mahela kuva wutshamu go aka kona, e ngalo: Hi mina Jehova, a ku na munwani.

Isaya 48:13

I canja ga mina gi akileko a xiseketelo xa misava, Ni canja ga mina ga xinene gi lo andlala tilo; Nzi lo zi vitana zi tumbuluka khatiginwe. Tis. 33:9; Maheb. 1:10

Isaya 51:13

U rivalako Jehova a Mumahi wa wena, Loyi a andleleko matilo ni ku aka a ziseketelo za misava; U simamisa ku chava wontihe masiku hi kota ya zanga ya muxanisi Loku a xuva ku lovisa ke? Yi gumela kwihi a zanga ya mulovisi ke?

Jeremia 27:5

Hi mina nzi vangileko misava, ni vanhu ni zihari zi nga kona misaveni, hi ntamu wa mina wa hombe ni woko ga mina gi nawulutilweko; nza yi nyika ka loyi nzi ranzako a ku mu nyika yona. Jer. 32:17; Dan. 4:29

Jeremia 32:17

Hosi Jehova, hi wena u vangileko a tilo ni misava hi ntamu wa wena wa hombe ni woko ga wena gi nawulutilweko; a ku na nchumu xi tsanzako ka wena; Gen. 18:14; Lu. 1:37

Zakaria 12:1

A mhaka ya xiprofeto xa Jehova ha Israeli. Jehova loyi a tshambutelako matilo, a yimisa xiseketelo xa misava, a wumba moya wa munhu nzeni kakwe, i ngalo:

Deuteronome 4:32

Wutisa ta masiku ya kale lawa ma ku rangeleko, kusukela a siku lego Nungungulu a nga vanga munhu laha misaveni, kusukela kusanguleni ka tilo kala magumeso ya gona, xana ku na nga humelela a zilo za hombe zo kota lezi ke? kutani va na ngazwa zo kota lezo ke?

Maheberu 11:3

Hi kukholwa ha pima lezaku a misava yi lo vangiwa hi gezu ga Nungungulu, lezaku lezi zi woniwako zi mahilwe hi zilo zi nga wonekiko. Gen. 1:1; Tis. 33:8