Isaya 45:1 - Tshwa Bible

¹ Jehova i wula ka a totilweko wakwe Kurusi, Loyi nzi mu khomileko hi canja gakwe ga xinene, Lezaku nzi hlula matiko mahlweni kakwe, Nzi tlhatlha a tifunga ta tihosi; A vululelwa tivati, ti nga valiwi, aku:

Isaya 45:1 Mawu Ofanana

1 Tihosi 19:15

Jehova i te ngalo kakwe: Tlhela u famba hi ndlela ya xiwula, u ta ya chikela le Damasku, u enghena u tota Hazaeli a kuva hosi ya Siria;

Ezra 1:1

Hi lembe go ranga ga kufuma ka Kurusi a hosi ya le Persia, lezaku kasi a gezu ga Jehova legi a nga gi wula hi nomu wa Jeremia gi fela ku tatiseka, Jehova i lo vuxa a moya wa Kurusi a hosi ya le Persia, aba hungu lomu mufunwini wakwe wontihe ni ku tsala a timhaka, aku: 2 Kro. 36:22; Jer. 25:12; 29:10

Ezra 1:2

Kurusi a hosi ya le Persia i ngalo: Jehova Nungungulu wa le tilweni i nzi nyikile yontlhe mifumo ya misava, a nzi leletela lezaku nzi mu akela a yindlu le Jerusalema a tikweni ga ka Juda.

Joba 12:21

Loyi a tsongahatisako a tihosana, A mbheta ntamu wa vahombe va tiko.

Tisimu 73:23

Hambu zi hi tano, nzi na wena masiku wontihe; U nzi khomile hi canja ga wena ga xinene.

Isaya 13:2

Yimisani a nghapa hehla ka xitsunga xa libalala, Kanyulukani, va khweneteni hi canja, Kasi va fela ku enghena hi tinyangwa ta vahombe.

Isaya 13:3

Nzi leletele a va hlawulekileko va mina, Nzi vitanile a tinhenha ta mina, leʼti tsakelako wukulu ga mina, Lezaku va tira a ntiro wa zanga ya mina.

Isaya 41:13

Hakuva hi mina Jehova Nungungulu wa wena loyi nzi khomako a canja ga wena ga xinene, Nziku: U nga chavi, nzi ta ku vunetela. Deut. 31:6; Jox. 1:9

Isaya 41:2

Himani a vuxileko munhu hi Mutsuwuka-gambo, Loyi a hlulako ni kwihi a yako kona? A wuya a mu nyika matiko ni ku khozisa tihosi? Himani a hunzulako tisupado ta tona tiva ntshuri, Ni mawura yabye ma maha mungu wu kukuletwako hi mheho?

Isaya 41:25

Nzi vuxile munwe hi le Nwalungu, i sina a tile, Ku tile hi le Mutsuwuka-gambo munwe loyi a vitanako vito ga mina; Loyi a ta nga kanzihela vafumeli kota nzhope, Khwatsi hi muwumbi a kanzihelako a wumba.

Isaya 42:6

Mina Jehova nzi ku vitanele kululama, Nzi ta ku khoma hi canja ga wena nzi ku hlayisa; Nzi ta ku yimisa a kuva xivumelwano ni tiko, Ni kuwonekela ka vamatiko;

Isaya 44:28

Nzi wula ka Kurusi, nziku: Murisi wa mina! I ta maha kontlhe kuranza ka mina; A ka Jerusalema i taku: U ta aketwa; Ni ka tempeli: A xiseketelo xa wena xi ta akiwa luswa.

Isaya 45:5

Hi mina Jehova, a ku na munwani, A nga kona Nungungulu ahandle ka mina, Nzi ku bohile bhandi na u nga se nga nzi tiva, Deut. 4:35; Joeli 2:27

Isaya 48:15

Hi mina wutsumbu nzi zi wulileko; Ina, nzi mu vitanile, Nzi mu tisile, nzi vuvumisa a ndlela yakwe.

Jeremia 27:6

Makunu nzi nyikele wontihe lawa matiko a mandleni ya nanza ga mina Nebukadrezzare, a hosi ya Babuloni; nza mu nyika ni zihari za khwati kasi za mu tirela.

Jeremia 43:10

uku kabye: Jehova wa tiyimpi a Nungungulu wa Israeli, i ngalo: Nzi ta vitanisa Nebukadrezzare a hosi ya le Babuloni, a nanza ga mina, nzi ta yimisa a xitshamu xakwe xa wuhosi hehla ka maribye lawa nzi ma fihlileko; i ta gwimba a tenda gakwe ga wuhosi hehla ka wona.

Jeremia 50:3

Hakuva hi le Nwalungu wata a mufumo lowu wu ta nga hahlula a tiko gakwe, laha kakuva ku ngavi na munhu wo tshama ka gona; a vanhu ni zifuyo zi sukile, zi tsutsumile.

Jeremia 50:35

A supado a yive hehla ka maKaldea, ku wula Jehova, ni le hehla ka vaaki va le Babuloni, ni hehla ka tihosana takwe, ni hehla ka titlhari takwe.

Jeremia 51:11

Lotani a tigalala, mu khoma a zitlhangu. Jehova i vindlusile a moya wa tihosi ta vaMedi, hakuva a mixuvo yakwe njo vukela Babuloni a kuva a lobyiswa. Hakuva hi kona a kuphota ka Jehova, a photelako a tempeli yakwe.

Jeremia 51:30

A tinhenha ta Babuloni ti tsikile a kulwa, ti tshamile lomu makhokholeni ya tona; ti mbhelelwe hi ntamu, va tlhela vaku khwatsi mbavasati. A miti yakwe ya hisiwa hi nzilo, a zikwinyaro zakwe zi tshobyilwe.

Jeremia 51:58

Jehova wa tiyimpi i ngalo: A makhurisi laʼyo anama ya Babuloni ma ta khungumulwa, a tinyangwa takwe ti tlakukileko ti ta hiswa hi nzilo; a matiko ma tirela mahala, ni vamatiko va ti karata hi kota ya lezi zi hiswako hi nzilo, va rereka. Hab. 2:13

Ezekieli 29:20

Nzi mu nyikile a tiko ga Gipite kota nzhiho wa ntiro lowu a nzi maheleko, hakuva va nzi tirele, ku wula Hosi Jehova.

Danieli 5:6

Zonake a nghohe ya hosi yi lo hunzuka, yi xeveka maalakanyweni ya yona; a matlhangano ya tinyonga ta yona ma tlekatleka ni madzolo ya yona ma gumulana.

Danieli 7:5

Nzi lo wona a xihari xa wumbiri xo fanana ni urso na xi yimile hi tlhelo ginwe, na xi hi ni timbambo tinharu nonwini wa xona xi ti lumile hi meno ya xona. Vaku ka xona: Suka u khadamula a nyama yo tala.

Danieli 8:3

Nzi lo tlakusa a mahlo ya mina, nzi wona a hamba yi nga hi ni timhonzo timbiri na yi yimile mahlweni ka congo. A timhonzo leti timbiri ti wa lehile, kanilezi a linwe li wa lehile ku hunza linwani, na li kulile nzhako ka leli lo koma.

Danieli 8:4

Nzi lo wona a hamba leyi na yi dumela tlhelo go Muhlwa-gambo ni le Nwalungu ni le Dzongeni. Ku wa hi hava xihari xi nga yi tiyela, ge hambu munhu loyi a nga zi kota ku ponisa ntanwini wa yona. Kanilezi yi wa maha ni xihi hi kuranza ka yona, yi ti kulisa.

Nahume 2:6

A tinyangwa ta micongo ti vululiwa, lomu ndlwini ya wuhosi ku na ni xigirimuka.

Nahume 3:13

Languta, a vavanuna va nga ka wena mbavasati ntsena, a tinyangwa ta tiko ga wena ti vululelwe a valala va wena; a nzilo wu hisile a zikwinyaro za wena.