Isaya 44:9 - Tshwa Bible

⁹ Vontlhe vamahi va zifananiso a hi nchumu, ni mitiro leyi va tsakako ha yona a yi vuni nchumu. A vakhozeli va zona a va woni, a va pimi, va kala va wiswa tingana.

Isaya 44:9 Mawu Ofanana

2 Tihosi 19:18

ti hisile vanungungulu va wona hi nzilo, hakuva va wa nga hi vanungungulu, kanilezi va wa hi va mitiro ya mandla ya vanhu, va tisinya ni va maribye; hikwalaho va va lovisile.

Tisimu 115:4

A zifananiso zabye i siliva ni nzalama, A mitiro ya mandla ya vanhu. Isa. 44:9

Tisimu 115:8

Lava va zi mahako va ta fanana na zona; Ni vontlhe lava va zi tsumbako.

Tisimu 135:18

Lava va zi mahako va ta fanana na zona, Zinghaho ni vontlhe lava va zi tsumbako.

Tisimu 97:7

Ngha va wiswa tingana lava va khozelako zifananiso, Lava va ti kulisako hi vanungungulu va mawunwa. Mu khizameleni nwina vanungungulu nwentlhe! Ekso. 20:3; Maheb. 1:6

Isaya 26:11

Jehova, a canja ga wena gi na ni ntamu, kanilezi a va zi woni, Va ta wona a kupangama ka wena hi vanhu va wena, vava ni tingana; A nzilo wu ta hisa valala va wena.

Isaya 41:24

Langutani, nwina a mu va nchumu, Ni mitiro ya nwina a yi nyawuli; Manyalataniso loyi a mu hlawulako.

Isaya 41:29

Langutani, vontlhe a va vuni nchumu, A mitiro yabye a yi nyawuli; A zifananiso zabye zi wumbelweko i moya wa hava ntsena.

Isaya 42:17

Kanilezi lava va tsumbako zifananiso zi vatlilweko, Lava va nge ngalo ka zifananiso zi wumbilweko: Nwina mu vanungungulu va hina, Va ta tlhelela nzhako vave ni tingana. Tis. 97:7; Isa. 1:29

Isaya 42:18

Nwina timbeveve ingisani, Na nwina zikhumu cuwukani kasi ma fela ku wona!

Isaya 43:8

Humesani a vanhu va zikhumu laʼva nga ni mahlo, Ni ziwiri lezi zi nga ni tindleve.

Isaya 43:9

A matiko wontihe a ma tsomhanyiswa, ni vanhu vontlhe va hlengeletana. Himani xikari kabye a nga hi byelako a zilo lezi? A va hi tivise hi lezi va nga zi vumba; A va humese a timboni tabye to kombisa a kululama kabye, Kasi vanhu loku va zizwa va taku: Lisine!

Isaya 44:11

Langutani, vontlhe lava va xi khozelako va tawa tingana, hakuva a vamahi va xona mbanhu ntsena. A va tsombane vontlhe va yima khatiginwe; va ta chava vontlhe va wiswa tingana.

Isaya 44:18

A vakunghahi a va tivi nchumu, a va pimi nchumu, hakuva a mahlo yabye ma valilwe, a va zi koti ku wona, ni timbilu tabye laha kaku va nga pimi nchumu.

Isaya 44:20

Iga khuma, a hambukiswa hi mbilu yi khohlakeleko, lezaku a tsanzeka ku ponisa a muhefemulo wakwe; hambu ni ku wula, aku: Lezi nzi zi khomileko canjeni ga mina a hi wunwa ke?

Isaya 45:16

Vontlhe vawa tingana va kanganyiseka; Vontlhe vamahi va zifananiso va suka na va hi ni tingana.

Isaya 45:20

Tsombanani muta laha, Mu tshinela khatiginwe nwina mu ponileko xikari ka vamatiko; A va na kutiva lava va rwalako a zifananiso zi vatlilweko, Va khozela a nungungulu loyi a nga zi kotiko ku hanyisa.

Isaya 57:12

Nzi ta tlhatlhambutela a kululama ka wena, Ni mitiro ya wena yi nga ta ku vuna nchumu.

Isaya 65:13

Hikwalaho Hosi Jehova i ngalo: A malanza ya mina ma taga, kanilezi nwina mu tava ni ndlala, A malanza ya mina ma tanwa, kanilezi nwina mu tazwa tora; A malanza ya mina ma ta tsaka, kanilezi nwina mu tava ni tingana.

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

Jeremia 2:11

Xana ku ngava kona a tiko gi hunzulusileko a vanungungulu va gona, Hambu lezi va uga hiko vanungungulu ke? Kanilezi a vanhu va mina va tsikile a wudumo gabye, Va khozela a nungungulu a nga vuniko nchumu.

Jeremia 2:26

Ku khwatsi hi khamba loku gi kumilwe, gi na ni tingana. Hilezo a yindlu ya Israeli yi ni tingana, Zinwe ni tihosi ta yona ni tihosana ta yona, A vapristi va yona ni vaprofeti va yona,

Danieli 11:38

Kanilezi i ta khozela a nungungulu wa makhokhola; i ta dzunza a nungungulu loyi a nga tibyiwangiko hi vadadani vakwe, hi nzalama ni siliva ni maribye ya tsengo ni zilo za lisima.

Danieli 5:23

Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20

Va le Roma 1:22

Na va ti wula lezaku va tlharihile, va lo maha maphuphulu. Jer. 10:14

1 Va le Korinte 8:4

Hikwalaho xungetano ni kuga a zilo zi phahlelweko zifananisweni, ha zi tiva lezaku a xifananiso a hi nchumu laha misaveni, ni ku ngalo, a ku kona Nungungulu mumbe, munwe ntsena. Deut. 4:39; Isa. 41:24; 44:8

2 Va le Korinte 4:4

hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3

Va le Efesusi 4:18

na va pfhupelisilwe kupimeni kabye, va hambene ni kuhanya ka Nungungulu hi kota ya kungativi loku ku nga kona xikari kabye, hi kota ya kunonoha ka timbilu tabye. Miti. 26:18; Gal. 4:8; Xip. 2:12; 1 Tes. 4:5

Va le Efesusi 5:8

Hakuva a kale mu wa hi munyama, kanilezi makunu mu kuwonekela Hosini; fambani khwatsi hi vanana va kuwonekela,

Deuteronome 27:15

Khombo a give ka munhu loyi a mahako xifananiso xi vatlilweko, hambu lexi xi nyekisilweko, xi nga manyala ka Jehova, a ntiro wa mandla ya vanhu, a xi yimisa wutshanwini gi fihleleko! A vanhu vontlhe va ta hlamula, vaku: Amen!

Deuteronome 4:28

Leyo mu ta ya khozela vanungungulu va mahilweko hi mandla ya vanhu; vanungungulu va mahilweko hi tisinya ni maribye, lava va nga woniko, hambu kuzwa, ni kuga ni ku nuheta.

Valamuli 10:14

Fambani mu ya rila ka vanungungulu lavo mu va hlawulileko; a va mu hlangute xikhatini xa zikarato za nwina.