Isaya 44:11 - Tshwa Bible

¹¹ Langutani, vontlhe lava va xi khozelako va tawa tingana, hakuva a vamahi va xona mbanhu ntsena. A va tsombane vontlhe va yima khatiginwe; va ta chava vontlhe va wiswa tingana.

Isaya 44:11 Mawu Ofanana

1 Tihosi 18:40

Zonake Elija i te ngalo kabye: Khomani vaprofeti va Baali, ku nga poni ni munwe! Va lo va khoma. Zonake Elija i lo relela navo le xicongwaneni xa Kixoni, a ya va daya leyo. Deut. 11:5; 18:20

Tisimu 97:7

Ngha va wiswa tingana lava va khozelako zifananiso, Lava va ti kulisako hi vanungungulu va mawunwa. Mu khizameleni nwina vanungungulu nwentlhe! Ekso. 20:3; Maheb. 1:6

Isaya 1:29

Hakuva va tava ni tingana hi kota ya tisinya ta mikuhlu leti mu nga tsaka ha tona, mu wiswa tingana hi kota ya masimu lawa mu ma ranzileko.

Isaya 42:17

Kanilezi lava va tsumbako zifananiso zi vatlilweko, Lava va nge ngalo ka zifananiso zi wumbilweko: Nwina mu vanungungulu va hina, Va ta tlhelela nzhako vave ni tingana. Tis. 97:7; Isa. 1:29

Isaya 44:9

Vontlhe vamahi va zifananiso a hi nchumu, ni mitiro leyi va tsakako ha yona a yi vuni nchumu. A vakhozeli va zona a va woni, a va pimi, va kala va wiswa tingana.

Isaya 45:16

Vontlhe vawa tingana va kanganyiseka; Vontlhe vamahi va zifananiso va suka na va hi ni tingana.

Isaya 65:13

Hikwalaho Hosi Jehova i ngalo: A malanza ya mina ma taga, kanilezi nwina mu tava ni ndlala, A malanza ya mina ma tanwa, kanilezi nwina mu tazwa tora; A malanza ya mina ma ta tsaka, kanilezi nwina mu tava ni tingana.

Jeremia 10:14

Loku va zi wona a vanhu va yima vaku kaye, va nga pimi nchumu; Ni vafuli va nzalama va wisiwa tingana hi zifananiso zabye zi vatlilweko; Hakuva a zifananiso zabye mawunwa, a zi na muhefemulo.

Jeremia 51:17

Loku va zi wona a vanhu va yima vaku kaye, va nga pimi nchumu; Ni vafuli va nzalama va wisiwa tingana hi zifananiso zabye zi vatlilweko, Hakuva a zifananiso zabye mawunwa, a zi na muhefemulo.

Hosea 13:2

Makunu va simamisa ku onha, va ti mahela a zifananiso zi chululweko hi siliva yabye, zi nga zifananiso za vanungungulu va kupima kabye; zontlhe lezi hi mitiro ya vafuli. Va wulawula ha zona, vaku: Lava va phahlelako ngha va pswopswa marole.

Deuteronome 4:28

Leyo mu ta ya khozela vanungungulu va mahilweko hi mandla ya vanhu; vanungungulu va mahilweko hi tisinya ni maribye, lava va nga woniko, hambu kuzwa, ni kuga ni ku nuheta.