Isaya 43:7 - Tshwa Bible

⁷ Vontlhe lava va vitanwako hi vito ga mina, Lava nzi va vengeleko wudzunzo ga mina, Lava nzi va wumbileko, nzi va maha.

Isaya 43:7 Mawu Ofanana

Tisimu 100:3

Tivani lezaku Jehova i Nungungulu, Hi yena a nga hi maha, hi vakwe; Hi tiko gakwe, a tiyivu leti a ti risako. Ezek. 34:31; Joh. 10:11

Tisimu 50:23

Loyi a nyikako muphahlo wa kubonga, i dumisa mina, Ni loyi a lulametako a ndlela yakwe Nzi ta mu kombeta a kuhanyisa ka Nungungulu.

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Isaya 29:23

Hakuva laha vana vakwe va ta nga wona mitiro ya mina xikari kabye, Va ta chava vito ga mina, va dumisa Loyi a Basileko wa ka Jakobe, Va ta chava Nungungulu wa ka Israeli.

Isaya 43:1

Kanilezi makunu ku wula Jehova, loyi a ku vangileko Jakobe, Loyi a ku wumbileko wena Israeli, i ngalo: U nga chavi nchumu, hakuva nzi ku tlhatlhisile, Nzi ku vitanile hi vito ga wena, u wa mina. Gen. 26:24

Isaya 43:21

A tiko legi nzi ti maheleko gona gi ta nzi dzunza.

Isaya 44:23

Yimbelelani nwina matilo, hakuva Jehova i zi tirile! Matshamu ya kueta ya misava, kanyulukani! Tlhavani zizimba nwina zitsunga, Na wena khwati ni tisinya to ntlhe ti nga ka wena; Hakuva Jehova i tlhatlhisile Jakobe, A ti dumisa ha Israeli.

Isaya 46:13

Nzi tshinetile a kululama ka mina, Ni kuhanyisa ka mina ku nga ta hlwela; Nzi ta veka kuhanyisa ka mina le Zioni, Ni wudzunzo ga mina ka Israeli.

Isaya 48:11

Hi kota ya mina wutsumbu nzi ta zi maha; Hakuva nzi nga vumelisa kuyini lezaku a vito ga mina gi nyenyeziswa? Nzi nga ta nyikela wudzunzo ga mina ka munwani.

Isaya 56:5

Nzi ta va nyika wutshamu ni vito lomu ndlwini ya mina ni mutini wa mina, Legi gi hunzako akuva ni vana va xinuna ni va xisati; Nzi ta va nyika a vito ga pinzukelwa Legi gi to kala gi nga fuviswi. 2 Sam. 18:18; Kuv. 2:17

Isaya 60:21

A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13

Isaya 63:19

Makunu hi fanana ni vanhu lava cima u nga va fumelangiko, Khwatsi hi lava va nga vitwangiko hi vito ga wena.

Jeremia 14:9

Hikuyini uku khwatsi u munhu a dzukisilweko, U kota nhenha yi nga zi kotiko ku hanyisa ke? Kasi u kona laha xikari ka hina, O Jehova, Hi vitanwa hi vito ga wena; U nga hi tsiki!

Jeremia 33:16

Juda i ta hanyiswa masikwini lawo, ni Jerusalema i ta tshama hi kurula. Legi hi vito va to mu vitana ha gona, Jehova hi kululama ka hina.

Danieli 9:18

Nungungulu wa mina, demba ndleve ya wena uzwa; vulula a mahlo ya wena u wona a marumbi ya hina, ni muti lowu wu vitanwako hi vito ga wena. Hakuva a hi veki mikombelo ya hina mahlweni ka wena hi kota ya kululama ka hina, kanilezi hi kota ya wuxinji ga wena ga hombe. Isa. 37:17; Tit. 3:5

Danieli 9:19

Hosi, zwana! Hosi, tsetselela! Hosi, ingisa, tira u nga hlweli; hi kota ya vito ga wena, Nungungulu wa mina, hakuva a muti wa wena ni vanhu va wena va vitanwa hi vito ga wena.

Amosi 9:12

kasi va fela ku fumela a misalela ya Edome, ni matiko wontlhe lawa ma vitanwako hi vito ga mina, ku wula Jehova yaloye a ta nga maha lezo.

Johani 15:8

Dadani wa mina wa dumiswa hi lezi, lezaku mu pswala mihanzu yo tala, mu maha vapizani va mina. Xip. 13:35; Fil. 1:11

Mitiro 11:26

Laha a nga wa mu kumile, i lo mu heleketa le Antiokia. Va lo tshama kona lembe gontlhe va tsombana ni handla, va gonzisa vanhu vanyingi. Hi kwa le Antiokia a vapizani va nga sangula kona a ku vitanwa aku maKristu.

Va le Roma 9:23

loku a ranzile ku wonekelisa a wukulu ga kungangamela kakwe a zibyeni za wuxinji, lezi a nga zi longisela wudumo hi kale?

2 Va le Korinte 5:17

Hikwalaho loku munhu a hi ka Kristu, ximahwa xiswa; a za kale zi hunzile, zi mahile ziswa. Isa. 43:19; Kuv. 21:5

Va le Galatia 6:15

Hakuva a wutshiva a hi nchumu, ni wukhuna a hi nchumu, a xa hombe hi kuva ximahwa xiswa. 2 Kor. 5:17

Va le Efesusi 1:12

kasi hina ha dumisa a wudumo gakwe, hina lava hi nga ranga hi tsumba Kristu. 2 Tes. 2:13; Jak. 1:18

Va le Efesusi 1:6

kasi ku dumisa a kungangamela ka tipswalo takwe, leti a nga hi nyika tona hi kota ya Xiranzwa xakwe. Isa. 43:21; Mat. 17:5; Rom. 3:24

Va le Efesusi 2:10

Hakuva hina hi ntiro wakwe, a ka Kristu Jesu hi vangelwe mitiro yo saseka, leyi Nungungulu a yi longiseleko kale lezaku hi ta famba ha yona. Xip. 1:4

Jakobe 2:7

Xana a va rukateli a vito legi gi nene mu vitanwako ha gona ke?

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

1 Pedro 4:11

Loku munhu a kanela, i fanele ku kanela khwatsi hi loyi a humesako timhaka ta Nungungulu; loku munhu a tira bandleni, a tire hi kuringana ni ntamu lowu Nungungulu a mu nyikako wona; lezaku Nungungulu a fela ku dufhiswa ka zontlhe ha Jesu Kristu, loyi a nga ni wudzunzo ni kufuma kala kupinzuka ni kupinzuka. Amen. Jer. 23:22; 1 Kor. 3:10; Efe. 5:20

1 Pedro 4:14

Nwina mu katekile loku mu rukiwa hi kota ya vito ga Kristu; hakuva a Moya wa kungangamela, wu nga Moya wa Nungungulu, wu le hehla ka nwina.

Kuvululelwa 3:12

Loyi a hlulako nzi ta mu maha mhanze tempeleni ya Nungungulu wa mina, zonake a nga ta huma kona kambe. Nzi ta tsala hehla kakwe a vito ga Nungungulu wa mina, ni vito ga muti wa Nungungulu wa mina, ga Jerusalema giswa, legi gi relelako hi le tilweni ka Nungungulu wa mina, ni vito legi giswa ga mina wutsumbu. Xip. 22:4; 1 Tih. 7:21; Maheb. 12:22

1 Samueli 12:22

Hakuva Jehova a nga ta tsika a vanhu vakwe, hi kota ya vito gakwe ga hombe, hakuva Jehova zi mu xalalisile a ku mu maha a vanhu vakwe.