Isaya 43:10 - Tshwa Bible

¹⁰ Nwina mu timboni ta mina, ku wula Jehova; Mu nanza ga mina legi nzi gi hlawuleko, Kasi ma fela ku zi tiva, mu kholwa hi mina, Mu pima lezaku hi mina yena. Hi mahlweni ka mina a ku na nga mahiwa Nungungulu, Ge hambu nzhako ka mina a nga ta kuva kona munwani.

Isaya 43:10 Mawu Ofanana

Tisimu 102:27

Kanilezi wena u ywaloye, Ni malembe ya wena ma nga tava na magumo.

Eksodusi 8:6

Aroni i lo tlakusa a canja gakwe hehla ka mati ya Gipite; a makhele ma lo huma, ma tata a tiko ga Gipite.

Isaya 41:20

Kasi vanhu va zi wona, va tiva, Va xiyisisa va pima lezaku i canja ga Nungungulu gi mahileko lezo, Ni lezaku Loyi a Basileko wa ka Israeli i zi vangile.

Isaya 41:4

Himani a mahileko lezi zilo a zi mbhelelisa? Hi yena loyi a vitanileko a zizukulwana za vanhu hi le kusanguleni; Mina Jehova, a wo ranga ni wo gumesa, nzi mina yena. Kuv. 1:8, 17; 22:73

Isaya 41:8

Kanilezi wena Israeli, nanza ga mina, Wena Jakobe loyi nzi ku hlawuleko, U nga pswalo wa Abrahama a xaka ga mina. Ekso. 19:5; Lu. 1:54; Jak. 2:23

Isaya 42:1

Languta a nanza ga mina, legi nzi gi yimelako, A hlawulilweko wa mina loyi muhefemulo wa mina wu xalalako ha yena; Nzi vekile moya wa mina hehla kakwe, I ta humesela kululama ka vamatiko. Mat. 3:17; 17:5

Isaya 43:12

Hi mina nzi zi wulileko, nzi hanyisa, nzi wuya nzi vumba; Ku wa nga hi na nungungulu munwani xikari ka nwina. Hikwalaho nwina ma nzi kustumunyela Lezaku nzi Nungungulu, ku wula Jehova.

Isaya 45:5

Hi mina Jehova, a ku na munwani, A nga kona Nungungulu ahandle ka mina, Nzi ku bohile bhandi na u nga se nga nzi tiva, Deut. 4:35; Joeli 2:27

Isaya 45:6

Kasi va fela ku zi tiva kusukela Mutsuwuka-gambo kala Muhlwa-gambo Lezaku a ku na munwani a handle ka mina; Lezaku nzi Jehova, a nga kona munwani.

Isaya 48:12

Jakobe, nzi ingise, Na wena Israeli, loyi nzi ku vitanileko; Hi mina yena, nzi wa kuranga, ni kambe nzi wa kugumesa. Isa. 41:4; Kuv. 1:8, 17; 21:6

Isaya 49:23

A tihosi ti tava vawundli va vana va wena, Ni vazinza va tava vaanwisi vabye; Va ta korama lahasi mahlweni ka wena, Va laza a ntshuri wa mikonzo ya wena. Wena u ta zi tiva lezaku nzi mina Jehova, Ni lezaku lava va nzi lavelelako va nga ta wiswa tingana.

Isaya 55:4

Langutani, nzi mu yimisile a kuva mboni ka vamatiko, A hosana ni murangeli wa matiko.

Hagai 2:23

A siku lego, ku wula Jehova wa tiyimpi, nzi ta ku teka wena Zerubabeli, nanza ga mina, nʼwana Xealtieli, ku wula Jehova, nzi ta ku maha kota xifungo; hakuva nzi ku hlawule, ku wula Jehova wa tiyimpi.

Johani 15:27

Na nwina mu ta kustumunya, hakuva mu wa hi na mina hi kusanguleni. Miti. 1:8, 21; 10:39; 1 Joh. 1:1

Johani 20:31

Kanilezi lezi zi tsalilwe, aku kasi mu fela ku kholwa lezaku Jesu hi Kristu, a Nʼwana wa Nungungulu; ni ku hi kukholwa mu fela kuva ni kuhanya vitweni gakwe. Lu. 1:4; Xip. 3:15, 16; 1 Ped. 1:8, 9

Mitiro 1:8

Kanilezi mu ta nyikiwa a ntamu, loku wu tile hehla ka nwina a Moya wa ku Basa; zonake mu ta maha vakustumunyu va mina laha Jerusalema, ni le Judia gontlhe, ni le Samaria, ku kala le magemeta-musi ya misava.

1 Va le Korinte 15:15

Zonake hi kumiwa na hi hi vakustumunyu va mawunwa va Nungungulu; hakuva hi lo kustumunya ha Nungungulu lezaku i vuxile Kristu, loyi a nga mu vuxangiko, loku hakunene a vafileko va nga vuki.

Deuteronome 32:39

Cuwukani makunu lezaku hi mi na nzoce nzi nga Nungungulu, Lezaku a ku kona munwani nungungulu ahandle ka mina. Hi mina nzi dayako, hi mina nzi hanyisako; Nza balesa phanja, nzi tlhela nzi holisa; A ku na munhu loyi a tlhatlhisako canjeni ga mina. 1 Sam. 2:6; Isa. 45:5; Hos. 6:1

Deuteronome 4:35

Wena u kustumunyu wa lezi zilo, kasi wena u fela ku zi tiva lezaku Jehova i Nungungulu, a ku kona munwani ahandle kakwe.

Deuteronome 4:39

Zi tive nyamutlha, u zi alakanya mbilwini ya wena, lezaku Jehova i Nungungulu loyi a nga hehla tilweni ni lahasi misaveni; a ku na munwani,

Va le Filipi 2:7

Kanilezi i lo ti maha wa nyalidede, a teka xiyimo xa wunanza, ava loyi a fananako ni vanhu, Isa. 53:5, 11; Tis. 22:6; Dan. 9:26; Joh. 1:14; Gal. 4:4

Va le Kolosi 1:7

kota lezi mu nga gonziswa hi Epafrasi, a xitiri-kulori xi ranzekako. Yena i nanza gi tsumbekileko ga Kristu xikari ka nwina, File. 23

Kuvululelwa 1:2

loyi a mahako wukustumunyu makunu hi mhaka ya Nungungulu ni wumboni ga Jesu Kristu, hi zilo zontlhe lezi a zi wonileko. 1 Kor. 1:6; 1 Joh. 1:1

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

Kuvululelwa 3:14

Tsalela a ngelosi ya bandla ga le Laodikea, uku: Loyi a nga Amen, a kustumunyu a tsumbekileko ni wa zinene, a masangulo ya kuvanga ka Nungungulu, i ngalo: Isa. 65:16; Kol. 1:15; Xip. 1:5