Isaya 41:8 - Tshwa Bible

⁸ Kanilezi wena Israeli, nanza ga mina, Wena Jakobe loyi nzi ku hlawuleko, U nga pswalo wa Abrahama a xaka ga mina. Ekso. 19:5; Lu. 1:54; Jak. 2:23

Isaya 41:8 Mawu Ofanana

1 Kronekele 16:13

Wena pswalo wa ka Israeli, a nanza gakwe, Na nwina vana va Jakobe, a vahlawulweko va yena.

2 Kronekele 20:7

Nungungulu wa hina, a hi wena u panzanyileko a vaaki va tiko legi mahlweni ka vanhu va wena, a va ka Israeli, u gi nyikela kala kupinzuka ka pswalo wa Abrahama loyi a nga hi xaka ga wena hi masiku?

Tisimu 105:6

Nwina lixaka la Abrahama, a nanza gakwe, Nwina vana Va Jakobe, vahlawulilweko vakwe.

Tisimu 135:4

Hakuva Jehova i ti hlawulele Jakobe, Na Israeli lezaku ave tshomba yakwe. Ekso. 19:5; Deut. 7:6

Tisimu 136:21

A nyikela tiko gabye giva tshomba, Hakuva a wuxinji gakwe ga kala kupinzuka.

Tisimu 136:22

Giva tshomba ya Israeli a nanza gakwe, Hakuva a wuxinji gakwe ga kala kupinzuka.

Tisimu 33:12

Gi katekile a tikolegi Jehova a nga Nungungulu wa gona, Ni vanhu lava a va hlawulileko a kuva tshomba yakwe.

Isaya 14:1

Hakuva Jehova i ta hawukela Jakobe, a ti langela Israeli, a va akisa tikweni gabye. A valuveli va ta tlhanganyiswa zinwe navo, va namarela ka yindlu ya Jakobe.

Isaya 29:22

Hikwalaho Jehova loyi a tlhatlhisileko Abrahama, i byela yindlu ya ka Jakobe, aku: Jakobe a nga ta ha wiswa tingana, ni nghohe yakwe cima yi nga ta ha tsanwa.

Isaya 42:1

Languta a nanza ga mina, legi nzi gi yimelako, A hlawulilweko wa mina loyi muhefemulo wa mina wu xalalako ha yena; Nzi vekile moya wa mina hehla kakwe, I ta humesela kululama ka vamatiko. Mat. 3:17; 17:5

Isaya 42:19

A xikhumu himani, loku ku nga hi nanza ga mina, Himani a mbeveve yo fana ni tsukano wa mina lowu nzi nga wu ruma? Himani xikhumu ku hunza loyi a ranzekako ka Nungungulu? Himani a nga xikhumu ku fanana ni nanza ga Jehova?

Isaya 43:1

Kanilezi makunu ku wula Jehova, loyi a ku vangileko Jakobe, Loyi a ku wumbileko wena Israeli, i ngalo: U nga chavi nchumu, hakuva nzi ku tlhatlhisile, Nzi ku vitanile hi vito ga wena, u wa mina. Gen. 26:24

Isaya 43:10

Nwina mu timboni ta mina, ku wula Jehova; Mu nanza ga mina legi nzi gi hlawuleko, Kasi ma fela ku zi tiva, mu kholwa hi mina, Mu pima lezaku hi mina yena. Hi mahlweni ka mina a ku na nga mahiwa Nungungulu, Ge hambu nzhako ka mina a nga ta kuva kona munwani.

Isaya 43:5

U nga chavi, hakuva nzi zinwe na wena; Nzi ta neha a vanana va wena hi le Mutsuwuka-gambo, Nzi ku tsombanyisa u huma hi le Muhlwa-gambo.

Isaya 44:21

Alakanya timhaka leti, wena Jakobe, wena Israeli, Hakuva u nanza ga mina, nzi ku mahileko; Israeli, u nanza ga mina, nzi nga ta ku rivala.

Isaya 45:4

Hi kota ya nanza ga mina Jakobe, Ni a hlawulilweko wa mina Israeli, Nzi ku vitanile hi vito ga wena; Nzi ku nyikile vito ga wudzunzo na u nga se ku nzi tiva.

Isaya 48:12

Jakobe, nzi ingise, Na wena Israeli, loyi nzi ku vitanileko; Hi mina yena, nzi wa kuranga, ni kambe nzi wa kugumesa. Isa. 41:4; Kuv. 1:8, 17; 21:6

Isaya 49:3

Aku ka mina: Wena Israeli u nanza ga mina, Legi nzi ta nga ti dumisa ha gona.

Isaya 51:2

Cuwukani ka Abrahama a dadani wa nwina, Na Sara loye a mu psweleko; Hakuva laha a nga hi yece nzi mu vitanile, Nzi mu katekisa, ni ku mu anzisa. Gen. 12:1; Jox. 24:3; Ezek. 33:24

Isaya 63:16

Kasi u dadani wa hina, Hakuva Abrahama a nga hi tivi, Na Israeli a nga ha hi alakanyi. Wena Jehova, u dadani wa hina, A vito ga wena Mutiruli wa hina wa pinzukelwa.

Jeremia 33:24

Xana u wonile lezi va zi wulako vanhu, vaku: A mingango yimbiri leyi Jehova a yi hlawuleko, i yi tsikile ke? lezo va kanyisa a vanhu va mina, lezaku a va ha hi tiko.

Levi 25:42

Hakuva va hi malanza ya mina, laya nzi ma humesileko tikweni ga le Gipite; a va na ku xaviswa kota lezi va xavisisako zona tikhumbi.

Malaki 1:2

Nzi mu ranzile, ku wula Jehova. Kanilezi mu ngalo: U hi ranzile hi yini? Esau i wa hi nakulobye wa Jakobe ku wula Jehova: hambu zi hi tano, nzi lo ranza Jakobe,

Mateu 3:9

Mu nga alakanyi muku: Hi na Abrahama, a nga dadani wa hina; hakuva nza mu byela lezaku Nungungulu i na ni ntamu ku vuxela Abrahama a vanana hi maribye laya, Joh. 8:33, 39; Miti. 13:26; Rom. 4:1

Va le Galatia 3:19

Loku zi hi lezo, xini a nayo ke? Wu lo nyikiwa nzhako hi kota ya zihambuko, wu tira kala ku chikela a pswalo lowu a xitsumbiso xi nga tsumbisile ka wona; wu lo yimiswa hi tingelosi a canjeni ga mutlhanganyisi. Ekso. 20:19; Deut. 5:5; Joh. 15:22; Miti. 7:53; 1 Tim. 1:9

Deuteronome 10:15

Kanilezi Jehova i wa tangaliswa hi vararu va nwina, a va ranza; a kala a hlawula a vana vabye anzhako ka vona, a mu hlawula nwina xikari ka matiko wontihe, khwatsi hi lezi mu zi wonako inyamutlha.

Deuteronome 14:2

Hakuva nwina mu vanhu va basileko va Jehova Nungungulu wa nwina, ni kambe Jehova i mu hlawulile lezaku mu hi vanhu vakwe yena wutsumbu, a xikari ka wontihe matiko lawa ma nga hehla ka misava. Ekso. 19:5

Jakobe 2:23

Hizalezo wu lo tatiseka a mutsalo lowu wu nge ngalo: Abrahama i lo kholwa ka Nungungulu, ku lo hlayelwa ka yena lezaku kululama; i lo vitanwa lezaku i xaka ga Nungungulu. Gen. 15:6; Isa. 41:8; Rom. 4:3