Isaya 41:14 - Tshwa Bible

¹⁴ U nga chavi wena xiwungwani, Jakobe, Na nwina misalela ya Israeli; Nzi ta ku vunetela, ku wula Jehova; A Mutiruli wa wena hi Loyi wa ku Basa wa ka Israeli.

Isaya 41:14 Mawu Ofanana

Joba 19:25

Hakuva nza zi tiva lezaku a Mutlhatlhisi wa mina wa hanya, Ni lezaku hi magumo i ta yima hehla ka misava. Isa. 41:14; Hos. 13:14

Joba 25:6

A nga kuyini a munhu loyi a nga pungwani, Ni nʼwana wa munhu loyi a nga xiwungwani?

Tisimu 19:14

A timhaka ta nomu wa mina, Ni maalakanyo ya mbilu ya mina, A zi amukeleko mahlweni ka wena, Jehova, a ribye ga mina ni mutiruli wa mina.

Tisimu 22:6

Kanilezi mina nzi xiwungwani, a nzi munhu; Nzi xisolo vanhwini, nzi kanyiswa hi tiko. Isa. 52:14; 53:3

Tisimu 46:5

Nungungulu i kona xikari ka wona, a wu tsekatsekiswi, Nungungulu i ta wu vunetela laha mavingwini ya wuca.

Tisimu 78:35

Va lo alakanya lezaku Nungungulu i wa hi ribye gabye, Ni lezaku Nungungulu loyi a nga Hehlahehla hi mutiruli wabye;

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 37:4

Kutani Jehova a Nungungulu wa wena i zwile tontlhe a timhaka ta Rabxake leti a nga rumiwa tona hi nwinyi wakwe, a hosi ya le Assiria, a ku ta rukatela a Nungungulu a hanyako; lezaku Jehova a Nungungulu wa wena i ta mu lamula hi kota ya timhaka leti a ti zwileko; hikwalaho kombelela a misalela yi nga kona.

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Isaya 43:14

Jehova a Mutlhatlhisi wa nwina, Loyi a Basileko wa ka Israeli, i ngalo: Hi kota ya nwina nzi rumile a muhlaseli le Babuloni, Nzi hlongola vontlhe vahombe va kona, A maKaldea va ta tsutsuma lomu matarwini yabye va nga tsaka ha wona.

Isaya 43:3

Hakuva mina nzi Jehova a Nungungulu wa wena, Loyi a Basileko wa ka Israeli, a muhanyisi wa wena. Nzi nyikile Gipite a kuva nzhiho wa wena, Na Etiopia na Seba wutshanwini ga wena.

Isaya 44:22

Nzi vinyile a zihambunyeto za wena khwatsi i refu, Ni zionho za wena khwatsi i hunguva. Tlhelela ka mina, hakuva nzi ku tirule.

Isaya 44:24

Jehova, a mutiruli wa wena, Loyi a ku wumbileko rumbyini ga nyine wa wena, i ngalo: Nzi Jehova loyi a mahako zilo zontlhe, Nzi andlele a matilo ha nzoce Nzi andlala a misava ha nzoce. Joba 9:8; Jer. 32:17

Isaya 44:6

Jehova, a Hosi ya ka Israeli, Ni Mutiruli wakwe, Jehova wa tiyimpi, i ngalo: Nzi wo sangula, ni wo gumesa, Ahandle ka mina a ku na Nungungulu. Isa. 41:4; Kuv. 1:8, 17

Isaya 47:4

A Mutiruli wa hina a vito gakwe hi Jehova wa tiyimpi, Loyi a Basileko wa ka Israeli.

Isaya 48:17

Jehova a Mutiruli wa wena, Loyi a Basileko wa ka Israeli, I ngalo: Hi mina Jehova, Nungungulu wa wena, Loyi a ku gonzisako lezi zi ku vunako, Loyi a ku rangelako ndleleni leyi u faneleko ku famba ha yona.

Isaya 49:26

A vatsimbeketi va wena nzi ta va gisa nyama yabye, Va ta popiwa hi nkhata wabye wutsumbu, khwatsi hi vinya giswa; Zonake a nyama yontlhe yi ta zi tiva lezaku mina Jehova nzi muhanyisi wa wena, Ni Nyamintamu wa ka Jakobe Mutiruli wa wena.

Isaya 49:7

Jehova a Mutiruli ni Loyi a Basileko wa ka Israeli, E ngalo ka loyi a vanhu va mu kanyisako, loyi tiko gi mu nyenyako, A nanza ga vafumeli: Tihosi ti ta zi wona ti yima, Ni tihosana ti ta khizamela Jehova loyi a tsumbekako, Ni Loyi a Basileko wa ka Israeli, loyi a ku hlawulileko.

Isaya 54:5

Hakuva a Muvangi wa wena hi yena nuna wa wena, Leyi a nga Jehova wa tiyimpi a vito gakwe; Loyi a Basileko wa ka Israeli Mutiruli wa wena, A ta nga vitanwa lezaku i Nungungulu wa misava yontlhe. Rom. 3:29

Isaya 54:8

Hi kota ya zanga ya mina nzi lo ku fihlela a nghohe ya mina xikhatanyana, Kanilezi nzi ta ku tsetselela hi tipswalo ta pinzukelwa, Ku wula Jehova a Mutiruli wa wena.

Isaya 59:20

A mutiruli i tata le Zioni, Ni ka va ka Jakobe lava va hunzulukako zihambunyetweni zabye, Ku wula Jehova. Rom. 11:28

Isaya 60:16

U ta anwa a mafi ya matiko, Ina, u ta anwa a mavele ya tihosi; Zonake u ta zi tiva lezaku mina Jehova nzi Muhanyisi wa wena Ni Mutiruli wa wena, a Nyamintamu wa ka Jakobe.

Isaya 63:16

Kasi u dadani wa hina, Hakuva Abrahama a nga hi tivi, Na Israeli a nga ha hi alakanyi. Wena Jehova, u dadani wa hina, A vito ga wena Mutiruli wa hina wa pinzukelwa.

Jeremia 46:27

Kanilezi u nga chavi, wena Jakobe, nanza ga mina, U nga dzukiswi wena Israeli; Hakuva nzi ta ku humesa tikweni ga le kule, Ni vana va wena tikweni ga wukhumbi gabye. Jakobe i ta wuya, a ta tshameka khwatsi, Ku nga tava kona wo mu chavisa.

Jeremia 50:34

Kanilezi a mutiruli wabye ngwa ntamu, loyi a vito gakwe a nga Jehova wa tiyimpi. Hizinene i ta va yimela mhakeni yabye, kasi a vanga kurula laha misaveni, a vindlukisa a vaaki va le Babuloni.

Mikosi 3:57

U lo tshinela a siku nzi nga ku vitana, Uku ka mina: U nga chavi!

Danieli 10:12

Zonake aku ka mina: Danieli, u nga chavi, hakuva kusukela a siku go ranga legi a mbilu ya wena yi nga pika ku pimisisa ni ku ti tsongahata mahlweni ka Nungungulu wa wena, a timhaka ta wena ti zwilwe; nzi tile hi kota ya timhaka ta wena.

Hosea 11:9

Nzi nga ta humesa a kutshisa ka zanga ya mina, nzi nga ta tlhela nzi lovisa Efraime. Hakuva nzi Nungungulu, a nzi munhu; nzi Loyi wo Basa a nga xikari ka nwina, nzi nga ta enghena mutini hi zanga. Mitse. 23:19; 1 Sam. 15:29

Mateu 7:14

Kanilezi a nyangwa ya wutomi yi hlonganile, ni ndlela yi yako kona yi khumile, mbatsongwani lava va yi kumako.

Luka 12:32

Nwina ntlhambi wu tsongwani, mu nga chavi; hakuva kuranza ka Raru wa nwina a ku mu nyika mufumo. Mat. 11:25, 26

Va le Roma 9:27

Na Isaya iba hungu ha Israeli, aku: Hambu loku a tsengo wa vanana va Israeli wuku khwatsi i seke ga bimbi, misalela basi yi ta nga hanyiswa. Isa. 10:22

Va le Galatia 3:13

Kristu i lo hi tirula ka nzhukano ya nayo, laha a nga mahiwa a nzhukano hi kota ya hina; hakuva ku tsalilwe ku ngalo: I rukatelwe mani na mani loyi a hayekilweko sinyeni, Deut. 21:23

Deuteronome 7:7

Jehova a nga mu ranzangi hambu ku mu hlawula hi kota ya kuva mu hunzako matiko wontihe hi kutala, hakuva nwina mu wa hi vanhu vatsongwani nguvu ka wontihe matiko;

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Joxua 17:18

Kanilezi a tiko ga xitsunga gi tava ga nwina; hambu lezo gi nga khwati mu ta gi xakatsa, zonake a tindlela ta kona ti tava ta nwina; hakuva nwina mu ta hlongola vaKanani, hambu loku va hi ni tikareta ta tisimbi, ni hambu loku va hi ni ntamu.

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24