Isaya 40:18 - Tshwa Bible

¹⁸ Nungungulu mu ta mu fananisa na mani, Hi xihi xifananiso mu ta nga xi maha xo ringana naye?

Isaya 40:18 Mawu Ofanana

Joba 40:9

U na ni woko gi fananako ni ga Nungungulu ke? A gezu ga wena gi nga dzinza ku fana ni gakwe ke?

Tisimu 113:5

Himani a fananako na Jehova, Nungungulu wa hina, Loyi a tshamako le hehlahehla, Isa. 57:15

Tisimu 89:6

Hakuva himani le tilweni a nga ecanyiswako na Jehova? Himani xikari ka vana va Nungungulu a fananako na Jehova?

Tisimu 89:7

Nungungulu wa chaveka hlengeletanweni wa vakubasa, A chabyiwa ku hunza vontlhe lava va mu ranzeleko.

Tisimu 89:8

Jehova, Nungungulu wa tiyimpi, Himani a nga ni ntamu wo fanana ni wa wena, Jehova; A kutsumbeka ka wena ku ku ranzele.

Eksodusi 15:11

Himani a fananako na wena Jehova, a xikari ka vanungungulu? Himani wo hatima, loyi a basileko kota wena, Loyi a faneleko ku chabyiwa ni ku dumiswa hi tisimu? U mahile zihlamaliso!

Eksodusi 20:4

U nga ti maheli xifananiso xi vatlilweko xo fanana ni zilo lezi zi nga le hehla tilweni, hambu ni lezi zi nga lahasi misaveni, ni xa lezi zi nga lomu matini lahasi ka misava.

Eksodusi 8:10

Faro aku: Manziko ni mixo. Mosi aku: A zive nghaho, kasi wena wa fela ku zi tiva lezaku a ku kona wo fanana na Jehova, Nungungulu wa hina.

Eksodusi 9:14

Hakuva lezi makunu nzi ta rumela makhombo wontihe hehla ka wena, ni hehla ka malanza ya wena, ni tikweni ga wena, kasi wena wa fela ku zi tiva lezaku a nga kona munwani wo fanana na mina misaveni yontlhe.

Isaya 40:25

Mu ta nzi fananisa na mani loyi nzi ta nga ringana naye ke? Ku wutisa Loyi a Basileko.

Isaya 44:6

Jehova, a Hosi ya ka Israeli, Ni Mutiruli wakwe, Jehova wa tiyimpi, i ngalo: Nzi wo sangula, ni wo gumesa, Ahandle ka mina a ku na Nungungulu. Isa. 41:4; Kuv. 1:8, 17

Isaya 46:5

Mu ta nzi fananisa na mani, nzi ecana naye? Mu ta nzi ringanisa na mani, lezaku hi fanana ke?

Isaya 46:9

Alakanyani a zilo zi mahekileko kaleloko, Hakuva hi mina Nungungulu, a nga kona munwani; Nzi Nungungulu, a nga kona a fananako na mina.

Jeremia 10:1

Zwanani a mhaka leyi Jehova a yi wulako ka nwina va yindlu ya Israeli.

Jeremia 10:16

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe. Deut. 4:19; 32:9

Jeremia 10:6

A nga kona a fananako na wena, O Jehova; U wa hombe, a vito ge wena ga hombe hi ntamu.

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Mitiro 17:29

Lezi hi nga pswalo wa Nungungulu, ngha hi nga alakanyi lezaku a wuNungungulu gi fanana ni nzalama, ni siliva, kutani ribye, zi nga zilo zi vatlilweko hi wumeseri ni kutlhariha ka vanhu.

Deuteronome 33:26

O Jexuruni! A nga kona wa ku fanana ni Nungungulu, Loyi a tako ku ta ku vuna na khilele matilo; A wukulu gakwe gi tlakusilwe le marefini,

Deuteronome 4:15

Ti woneleni futsi, hakuva a mu wonangi a xifananiso hambu ni xinwe a siku legi Jehova a nga wulawula ka nwina le Horebe, na a hi lomu xikari ka nzilo,

Va le Kolosi 1:15

Hi yena a nga xifananiso xa Nungungulu loyi a nga woniwiko, a matewula ya zivangwa zontlhe. Joh. 14:19; 2 Kor. 4:4; Maheb. 1:3; Kuv. 3:14

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22

1 Samueli 2:2

Ku hava a basileko khwatsi hi Jehova; Hakuva a nga kona munwani ahandle ka wena; Ge hambu kuva kona ginwani ribye go fana ni Nungungulu wa hina.