Isaya 4:2 - Tshwa Bible

² A ka siku lego a hluke ga Jehova gi tava gi bombisilwe gi ngangamela, a mihanzu ya misava yi tava yi nene ni ya wumbhuri a ka lava va ponileko va ka Israeli. Ekso. 19:5; Lu. 10:20; Kuv. 13:8

Isaya 4:2 Mawu Ofanana

Tisimu 67:6

A misava yi humesile a mihanzu ya yona, Nungungulu, yena Nungungulu wa hina, i ta hi katekisa. Levi 26:4

Tisimu 72:16

A mavele ma ta pfuna nguvu tikweni ni lomu hehla ka zitsunga, Ni mihanzu ya gona yi ta ninginika khwatsi hi khwati ga Lebanoni; Lava va akileko lomu mitini va ta hluka kotisa a byanyi ga misava.

Eksodusi 28:2

U ta mahela nakuloni Aroni a tinguwo ti basileko, ta wukulu ni ta wumbhuri.

Isaya 11:4

Kanilezi lava va vumalako i ta va lamula hi kululama, A tshanza hi nongameto timhakeni ta lava va tsimbeketilweko misaveni; I taba misava hi nhonga ya nomu wakwe, A lovisa vaonhi hi moya wa nomu wakwe. Joba 4:9; 2 Tes. 2:8; Kuv. 2:16

Isaya 26:1

A ka siku lego va ta yimbelela lisimu leli tikweni ga ka Juda: Hi na ni muti wa ntamu; I ta yimisa kuhanyisa a kuva khurisi ni lihlavu.

Isaya 27:6

A ka zikhati zi tako Jakobe i ta mila mitsu; Israeli i ta pfepfa a hluka, I ta tata misava hi mihanzu yakwe.

Isaya 30:23

Zonake a timbewu ta nwina leti mu nga ti byala i ta ti nisela vula, ni zibaba zi humeswako hi pfuno wa masimu zi ta nanziha zi xurisa; a xikhatini lexo a mitlhambi ya nwina yi ta gela mikoveni ya hombe. Levi 26:4; Deut. 11:14; 28:12

Isaya 45:8

Donelani nwina matilo, Nwina marefu mu chulula kululama. Ngha misava yi vululeka yi milisa kuhanyiswa Ni ku humesa kululama khatiginwe; Mina Jehova nzi zi vangile lezo.

Isaya 53:2

Hakuva i lo kula mahlweni kakwe ku fanana ni hluke, Aku khwatsi i mutsu lowu wu kulako misaveni yi womileko. I wa nga hi ha dzumba, ge hambu kusaseka ku kokako mahlo; Ni, laha hi nga mu wona i wa nga hi na wumbhuri go hi tsakisa.

Isaya 60:15

Hambu lezi u nga tsikilwe u vengiwa, Laha kaku a munhu a nga ku tsemakanyeli, Nzi ta ku maha uva wutshamu ga lisima kala kupinzuka, A xilo xa litsako ka zizukulwana zinyingi.

Isaya 60:21

A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13

Isaya 61:11

Hakuva khwatsi hi misava yi humesako a zimilwa za yona, Ni kukotisa a simu gi milisako a timbewu ti byelweko ka gona, Hizalezo Hosi Jehova i ta milisa kululama ni kukhesa Mahlweni ka wontihe matiko.

Jeremia 23:5

A masiku mata, ku wula Jehova, lawo nzi to vuxela Davida a Hluke gi lulamileko. I tava hosi ya ngoma, a humelela, yena i ta lamula hi nongameto ni kululama lomu tikweni.

Jeremia 33:15

A ka lawo masiku ni ka lexo xikhati nzi ta vuxela Davida a Hluke ga kululama; yena i ta lamula hi nongameto ni kululama lomu tikweni. Isa. 11:1; Zak. 3:8; 6:12

Jeremia 44:14

Kasi ku nga poni hambu ku sala ni munwe wa misalela ya ka Juda lava va yileko ku ya luvela tikweni ga Gipite, na va ranza ku tlhelela tikweni ga ka Juda legi va xuvako ku ta aka ka gona. Va nga ta tlhelela kona saseka vanwani va ta nga pona.

Jeremia 44:28

Lava va ta nga pona supado, va nga hi va moyana, va ta huma lomu Gipite va tlhelela tikweni ga ka Juda. Hi kona a misalela yontlhe ya ka Juda, lava va tileko va ta luvela lomu tikweni ga Gipite va ta nga zi tiva aku a mhaka yo tiya hi ya mani, a yabye kutani ya mina.

Ezekieli 34:29

Nzi ta va longisela a masimu ma nonileko, kasi va nga ha hangalaswi hi ndlala lomu tikweni gabye, hambu ku tseketselwa hi vamatiko.

Ezekieli 36:8

Kanilezi nwina zitsunga za ka Israeli, mu ta hluka maravi ya nwina, mu pswala mihanzu ka Israeli a tiko ga mina; hakuva vona va laha kusuhani ni ku wuya.

Ezekieli 7:16

Kanilezi lava va pfowoleko, loku va pona va ta tshama lomu zitsungeni ku fanana ni matuva ya mikova, munwe ni munwani i ta tlhava nkosi hi kota ya kugoha kakwe.

Joeli 2:32

Ku ta maheka lezaku ni wihi a ta nga khongela vitweni ga Jehova i ta hanyiswa; hakuva le xitsungeni xa Zioni ni le Jerusalema ku tava kona lava va ponileko, khwatsi hilezi Jehova a wulileko zona, xikari ka lava va seleko ku tava ni lava va ta nga vitanwa hi Jehova. Obad. 17; Rom. 10:13

Joeli 3:18

A xikhatini lexo a zitsunga zi ta dona a vinya, ni miganga yi ta khulunga masi, yontlhe micongwana ya ka Juda yi tava ni mati. Ku ta huma a xibuka hi ndlwini ya ka Jehova xi tsakamisa a nkova wa le Xittimu. Zak. 14:8; Kuv. 22:1

Obadia 1:17

Kanilezi lava va ponileko va tava le xitsuhgeni xa Zioni, xi tava wutshamu gi basileko; zonake a yindlu ya ka Jakobe yi ta fumela a tshomba yabye.

Zakaria 3:8

Zwana makunu, wena Joxua mupristi wa hombe, wena ni vanghana va wena lava va tshamileko mahlweni ka wena, hakuva a vavanuna lava va tava xikombiso; hakuva nzi ta neha a nanza ga mina Hluke. Isa. 8:18; Jer. 23:5; 33:15

Zakaria 6:12

uku ka yena: Jehova wa tiyimpi i ngalo: Languta, a wanuna loyi a vito gakwe a nga Hluke, i ta mita wutshanwini gakwe, a aka a yindlu ya Jehova. Isa. 11:1; Jer. 23:5; 33:15

Zakaria 9:17

Hakuva a kuvuvuma kabye ka hombe nguvu, ni wumbhuri gabye ga hombe nguvu! A mavele ma ta kulisa a majaha, ni vinya giswa a vanhwana. Deut. 33:28

Malaki 3:17

Jehova wa tiyimpi i ngalo: Va tava vanhu va mina a sikwini legi nzi ta nga tira a ntiro wa mina, vava tshomba ya mina; nzi ta va tsetselela kukotisa a munhu loyi a tsetselelako a nʼwana loyi a mu tirelako. Ekso. 19:5; Tit. 2:14; 1 Ped. 2:9

Mateu 24:22

Loku lawo masiku ma wa nga komiswangi, ngha ku nga hi kona ni munwe a hanyisilweko; kanilezi hi kota ya vahlawulilweko a masiku lawo ma ta komiswa. Isa. 65:8, 9; Zak. 14:2, 3

Luka 21:36

Rinzelani zikhati zontlhe, na mu kombela lezaku muva ni ntamu ku pona zontlhe lezi zi ta nga maheka, ni ku yima mahlweni ka Nʼwana wa munhu. Mat. 24:42; Xip. 18:1; Tis. 1:5

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

2 Va le Korinte 4:6

Hakuva Nungungulu loyi a ngaku ngalo: A kuwonekela ku ta woninga hi le munyameni, hi yena a nga woninga timbilwini ta hina, kasi ku woningela vanhu lezaku va tiva a kungangamela ka Nungungulu loku ku nga kona nghoheni ya Kristu. Gen. 1:3; Tis. 27:1; Isa. 2:5; Efe. 5:8, 14; 2 Ped. 1:19

2 Pedro 1:16

Hakuva laha hi nga mu tivisa hi ntamu wa Hosi ya hina Jesu Kristu ni kuwuya kakwe, a hi lanzelangi a tikaringani ta wutlhari, kanilezi hi wonile a wukulu gakwe hi mahlo ya hina wutsumbu. Mar. 9:2; Joh. 1:14; 2 Kor. 4:2