Isaya 38:3 - Tshwa Bible

³ Jehova nza ku khongotela akuva u alakanya lezaku nzi fambile mahlweni ka wena hi kukholeka ni mbilu yi mbheleleko; nzi mahile lezi za zinene mahlweni ka wena. Hezekia i lo rila a tsikwila.

Isaya 38:3 Mawu Ofanana

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Genesisi 6:9

Leti hi timhaka ta Noa. Noa i wa hi munhu a lulamileko, a nga hi na nanzu xikhatini xakwe; Noa i lo famba zinwe na Nungungulu. Maheb. 11:7; 2 Ped. 2:5

1 Tihosi 15:14

Hambulezo a miphahlelo ya le zitsungeni a yi fuviswangi; kanilezi a mbilu ya Asa yi wa mbhelele ka Jehova wontihe masiku yakwe.

1 Tihosi 2:4

kasi Jehova a fela ku tatisa a gezu gakwe legi a gi wulileko ka mina, aku: Loku a vanana va wena va ti hlayisa tindleleni tabye, va famba hi zinene mahlweni ka mina hi timbilu tabye tontlhe, ni mihefemulo yabye yontlhe, cima ku nga ta vumaleka a munhu wa yindlu ya wena lomu xitshanweni xa wukosi xa ka Israeli kala kupinzuka.

2 Tihosi 18:3

1 lo maha kululama mahlweni ka Jehova, khwatsi hi zontlhe lezi a zi mahileko a raru wakwe Davida.

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

1 Kronekele 29:19

U nyika ka nʼwana wa mina Solomoni a mbilu yi mbheleleko a ku hlayisa milayo ya wena, ni timhaka ta wena, ni zileletelo za wena, ni ku maha a zilo lezi zontlhe, ni ku aka a yindlu leyi nzi yi longiseleko!

1 Kronekele 29:9

A vanhu va lo tsaka hi kunyikela kabye, hakuva va lo nyikela minyikelo yabye ka Jehova hi matsenya; hosi Davida i lo tsaka nguvu.

2 Kronekele 16:9

Hakuva a mahlo ya Jehova ma languta misaveni yontlhe a ku tiyisa lava va nga vakwe hi timbilu tabye tontlhe. U mahile wupumbu mhakeni leyi, hakuva kusukela lezi u tava ni tiyimpi. Jer. 16:17; 32:19; Zak. 4:10

2 Kronekele 25:2

I lo maha kululama mahlweni ka Jehova, kanilezi na ku nga hi hi mbilu yakwe yontlhe.

Ezra 10:1

Makunu laha Ezra a nga wa ha khongela, a ti wulela na a kari a rila, na a khizamile mahlweni ka yindlu ya Nungungulu, ku lo tsombana kakwe a gotsovanyano wa hombe nguvu wa va ka Israeli, vavanuna ni vavasati ni vanana, hakuva a vanhu va lo rila hi kubayiseka ka hombe nguvu.

Nehemia 1:4

Na nzi zwile timhaka leto, nzi lo tshama lahasi nzi rila, nzi hlaluka masiku yo kari. Nzi lo yila nzi kombela mahlweni ka Nungungulu wa tilo,

Nehemia 13:14

Nungungulu wa mina, nzi alakanye hi kota ya zontlhe lezo, u nga fuvisi a mitiro leyi yi nene nzi yi maheleko a yindlu ya Nungungulu wa mina, ni kulonzowotwa ka yona.

Nehemia 13:22

Nzi lo byela vaLevi lezaku va ti basisa, ni kuva vata va ta hlayisa tinyangwa, kasi ku basisa a siku ga sabado. Nungungulu wa mina, nzi alakanye kambe hi lezo, nzi lonzowote hi wukulu ga wuxinji ga wena!

Nehemia 13:31

nzi sasisa ni ntiro wa hlengo wa tihunyi, hi zikhati zi yimisilweko, ni wa mihanzu yo ranga. Nungungulu wa mina, nzi alakanye, u nzi mahela kusasa.

Nehemia 5:19

Nungungulu wanga, nzi alakanye hi kusasa kontlhe loku nzi ku mahe leko lava vanhu. Neh. 13:14, 22, 31; Maheb. 6:10

Tisimu 101:2

Nzi ta lonzowota a ndlela yi mbheleleko. Hi rini u ta ngata ka mina ke? Nzi tava ni mahanyela ma nene lomu ndlwini ya mina.

Tisimu 102:9

Hakuva nziga khuma wutshanwini ga xibaba, Nza patsa zakunwa za mina ni mihloti,

Tisimu 119:80

A mbilu ya mina a yi mbhelele ziyimisweni za wena; Kasi nzi nga wiswi tingana.

Tisimu 16:8

Nzi na na Jehova mahlweni ka mina xontlhe xikhati; Cima nzi nga ta tsekatsekiswa hakuva i le reveni ga mina ga xinene.

Tisimu 26:3

Hakuva a wuxinji ga wena gi le mahlweni ka mina, Nzi famba zineneni za wena.

Tisimu 32:2

I katekile a munhu loyi Jehova a nga mu hlayeliko kuonha, Loyi a moya wakwe wu nga hiko na kukhohlisa.

Tisimu 6:6

Nzi karele hi kuketa, Wusiku ni mumu nzi tsakamisa a sango ga mina hi kurila, Nzi tsakamisa a wuriri ga mina hi mihloti.

Tisimu 6:8

Sukani ka mina, nwina nwentlhe vamahi va kubiha; Hakuva Jehova i zwile a kurila ka mina.

Isaya 38:2

Zonake Hezekia i lo hunzuluka mubhedini a cuwuka khurisini, a kombela ka Jehova, aku:

Isaya 38:4

Zonake a gezu ga Jehova gi lota ka Isaya, giku:

Hosea 12:4

I lwile ni ngelosi a yi hlula, na a kari a rila a yi khongela. I lo mu kuma le Beteli, i lo wulawula na hina laho.

Johani 1:47

Jesu i lo wona Nataneli na a kari ata kakwe, aku ngalo: Langutani a muIsraeli wa zinene, loyi a nga hiko na kuxengetela. Tis. 32:2; Xip. 8:39; Rom. 2:28

2 Va le Korinte 1:12

Hakuva a kutikulisa ka hina ni wukustumunyu ga livalo la hina, hi lezaku hi hanyile laha misaveni, nguvunguvu xikari ka nwina, hi wubaswa ni wunene ga Nungungulu, na ku nga hi wutlhari ga nyama, kanilezi hi tipswalo ta Nungungulu. 1 Kor. 2:4; Xip. 2:17

Deuteronome 6:18

U ta maha kululama ni zinene mahlweni ka Jehova kasi u tshameka, u kala uya enghena ka tiko lego go saseka, legi Jehova a hlambanyileko ka vararu va wena a kuva u ya gi fumela,

Maheberu 5:7

A masikwini ya kuhanya kakwe nyameni, Jesu i lo khongela ni ku khongotela hi kurila ka hombe ni mihloti, ka loyi a nga zi kota ku mu hlanguta kufeni; yena i lo zwiwa hilezi a nga hi ni xichawo ka Nungungulu. Tis. 22:1; Mat. 26:37, 39; Mar. 14:33

Maheberu 6:10

Hakuva Nungungulu a hi loyi a nga lulamangiko wo kala a rivala a mitiro ya nwina, ni liranzo leli mu nga li kombisa vitweni gakwe, laha mu nga vunetela lava vo basa, kota lezi ma ha vunetelako ni zalezi. Mat. 10:42; Joh. 13:20; 1 Tes. 1:3