Isaya 37:30 - Tshwa Bible

³⁰ A xikombiso xa wena xi tava lexi: Inyanwaka mu taga mituke; hi lembe ga wumbiri mu taga zo ti milela ha zoce kambe. Kanilezi a lembe ga wunharu mu ta byala, mu tshovela, mu rima zivina za nwina, muga mihanzu ya zona.

Isaya 37:30 Mawu Ofanana

2 Tihosi 19:29

A xikombiso xa kona ka wena hi lexi: A lembe legi mu taga mituke; a ga wumbiri mu taga zo ti milela ha zoce; a ga wunharu mu ta byala, mu tshovela, mu rima zivina za nwina, muga mihanzu ya zona.

2 Tihosi 20:9

Isaya i lo hlamula, aku: A xikombiso lexi u nyikilweko hi Jehova hi leʼxaku Jehova i ta maha lezi a zi wulileko, zaku: Xana a nzhuti wu taya mahlweni hi 10 wa zikanzihelo kutani ku tlhela nzhako hi 10 wa zikanzihelo ke?

Eksodusi 3:12

Aku ka yena: Nzi tava zinwe na wena. A xikombiso xaku hi mina nzi ku rumako hi lexi: Loku u humesile a vanhu va mina le Gipite, mu ta ta khozela Nungungulu ka xitsunga lexi.

Isaya 38:7

A xikombiso lexi u nyikiwako hi Jehova, xi tiyisako lezaku Jehova i ta maha lezi a zi wulileko, hi lexi:

Isaya 65:21

Loku va aka tiyindlu va ta tshama ka tona, Ni loku Va byala zivina va taga mihanzu ya zona.

Isaya 7:11

Kombela muwoniso ka Jehova, Nungungulu wa wena; u kombela lezaku wu huma hi le hasi, kutani hi le hehla tilweni.

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Levi 25:11

A lembe ga 50 a ka nwina gi tava lembe ga kutsaka; mu nga byali nchumu ha gona, hambu ku tshovela mavele ya lembe legi, hambu ku khaya mihanzu leyi yi nga mila ha yoce.