Isaya 34:5 - Tshwa Bible

⁵ Hakuva a supado ya mina yi popilwe le tilweni, Langutani, yi ta relela hehla ka Edome, A ku ya lamula a tiko legi gi rukateleko.

Isaya 34:5 Mawu Ofanana

Tisimu 137:7

Jehova, alakanya a vana va Edome, Lava va ngaku ngalo hi siku ga khombo ga Jerusalema: Hahlulani, hablulani, kala xiseketelweni xa gona.

Tisimu 17:13

Vuka, Jehova, u mu tlhangaveta, u mu wisa lahasi, Lwela muhefemulo wa mina hi supado ya wena ka loye wo biha.

Isaya 21:11

Va kanyuluka ka mina hi le Seire, vaku: Murinzeli, yoyini ya wusiku? Murinzeli, yoyini ya wusiku?

Isaya 24:6

Hikwalaho a nzhukano yi khadamule misava, Ni vaaki va yona va konekile. Hikwalaho a vaaki va misava va hisiwa, a hi vanyingi va seleko.

Isaya 43:28

Hikwalaho nzi tsongahatile a tihosana ta yindlu yo basa, Nzi nyikele Jakobe a kuva a lobyiswa, Na Israeli a kuva a rukiwa.

Isaya 63:1

Himani loyi a tako hi le Edome, Na huma hi le Bozra, a ambeleko tinguwo to pswhuka to khazamula, A fambako hi wukulu ga ntamu wakwe? Hi mina loyi nzi wulawulako hi kululama, nzi nga ni ntamu wa ku hanyisa.

Isaya 65:12

Nzi ta mu nyikela ka supado, Mu ta korama nwentlhe mu tlhabyiwa, Hakuva laha nzi nga vitana a mu hlamulangi; Laha nzi nga wulawula a mu ingisangi; Kanilezi mu mahile kubiha mahlweni ka mina, Mu ti hlawutela lezi zi nga nzi tsakisiko.

Jeremia 46:10

Hakuva i siku ga Hosi, Jehova wa tiyimpi, A siku ga ku photela, a ti photela valala vakwe. A supado yi taga yi xura, yi tlhela yi popiwa hi nkhata wabye. Hakuva Hosi Jehova wa tiyimpi i na ni muphahlelo tikweni ga le Nwalungu Le congweni wa Eufrate.

Jeremia 47:6

Wena supado ya Jehova, u ta humula rini? Tlhelela kocelweni wa wena, humula u rutisa.

Ezekieli 32:29

Ku na na Edome, a tihosi takwe ni tontlhe a tihosana takwe, leti ti etleleko ni lava va delweko hi supado hambu lezi ti nga hi ni ntamu. Ti ta etlela ni makhuna zinwe ni lava va relelako nkeleni.

Ezekieli 35:1

A gezu ga Jehova gi lota ka mina, giku:

Ezekieli 35:15

Khwatsi hilezi wena u nga tsaka hi kuhahluka ka tshomba ya yindlu ya ka Israeli, mina nzi ta maha lezo na wenawu. U ta hahluka, wena xitsunga xa Seire u maha xiwula, ni tiko gontlhe ga Edome; zonake va ta zi tiva lezaku hi mina Jehova.

Ezekieli 35:8

Nzi ta tata a zitsunga zakwe hi zirumbi; lomu migangeni ya wena, ni lomu minzhelelweni ya wena, ni lomu micongweni ya wena, ku tawa lava va delweko hi supado.

Ezekieli 36:5

Hikwalaho Hosi Jehova i ngalo: Hakunene nzi wulawulile hi kuhisa ka kupangama ka mina nzi vukela a matiko manwani ni gontlhe tiko ga Edome, lava va ti nyikileko a tiko ga mina a kuva va gi fumela hi migiyo ya timbilu tabye, ni xikanya xa mihefemulo, va gi maha muphango wabye.

Zefania 1:7

Rutiseni mahlweni ka Hosi Jehova, hakuva a siku ga Jehova gi tshinele! Hakuva Jehova i longisile a muphahlo, i basisile lava a va rambileko. 1 Sam. 16:5; Jer. 46:10; Zak. 2:13

Zefania 2:12

Na nwina maEtiopia kambe mu ta hlaselwa hi supado ya mina.

Malaki 1:4

Edome a ngaku ngalo: Hi hahlulilwe, kanilezi hi ta tlhela hi ya aka marumbi! Jehova wa tiyimpi i ngalo: Va ta aka, kanilezi mina nzi ta khungumula. A vanhu va ta va vitana, aku: I tiko ga kubiha: niku, Mbanhu va zangarelweko hi Jehova kala kupinzuka.

Mateu 25:41

Zonake i taku ngalo ka lava va nga reveni gakwe ga xibhabha: Sukani ka mina, nwina mu rukatelweko, mu ya nzilweni wa pinzukelwa lowu wu longiselweko Satani ni tingelosi takwe; Tis. 6:8; 2 Ped. 2:4

1 Va le Korinte 16:22

Loku a hi kona munhu loyi a nga ranziko Hosi, ave a rukatelweko. Maranatha! Gal. 1:8, 9; Juda 14-15

Va le Galatia 3:10

Hakuva vontlhe lava va tsumbako a mitiro ya nayo va lahasi ka nzhukano; hakuva ku tsalilwe ku ngalo: I rukatelwe mani na mani loyi a nga longoloxiko zilo zontlhe zi tsalilweko bhukwini ga nayo, a zi maha. Deut. 27:26; Jer. 11:3

Deuteronome 32:14

Ni mawomba ya tihomu, ni masi ya timbuti, Ni mafura ya tiyivu; Ni tihamba leti ti pswalilweko le Baxani, ni timhongo, Ni mapa ya mavele ma nanaselweko khwatsi. Mu nwile a vinya go nanziha, gi nga nkhata wa mauva.

2 Pedro 2:14

Va na ni mahlo ma teleko hi wubhayi, a va kolwi hi kuonha. Va kucetela a mihefemulo leyi yi nga tiyangiko. A timbilu tabye ti tolovela a mahlokoti; a vanana va rukatelweko.

Kuvululelwa 1:16

Lomu canjeni gakwe ga xinene i wa hi ni ntlhanu wa tinyeleti ni timbiri; a nonwini wakwe ku lo huma a supado yo kariha ya wutlha gimbiri; a nghohe yakwe yi wa kota gambo loku gi ngangamela hi ntamu wa gona. Isa. 49:2; Miti. 26:13; Efe. 6:17