Isaya 34:13 - Tshwa Bible

¹³ Ku ta mila mizwa lomu ziluvelweni za kona, A mahlehlo ni zigetlwani zi ta mila lomu makhokholeni; Gi tava wuakelo ga mahlolwa ni timbhuwu.

Isaya 34:13 Mawu Ofanana

Tisimu 44:19

Lezi u hi tshovileko wutshanwini ga mahlolwa, U hi sireta hi nzhuti wa kufa.

Isaya 25:2

Hakuva a muti u wu mahile a nhulu ya maribye; A muti wa makhokhola u wu ma hile marumbi; A wuakelo ga vamatiko a ga hi muti, Cima gi nga ta ha vuxiwa.

Isaya 35:7

A misava ya xikhwakhwa yi ta hunzuka yiva tiva, Ni tiko gi womileko gi ta humesa zibuka; Lomu ku tshamileko mahlolwa Ku ta mila byanyi ni tihlanga ni majeka.

Jeremia 10:22

Hi nga zwani, ku zwala guwa, A dzolonga ga hombe gi tako hi le Nwalungu, A ku ta hunzulusa a miti ya ka Juda yiva marumbi, A wutshamu ga mahlolwa.

Jeremia 49:33

Hazora gi tava wutshamu ga mahlolwa, giva xiwula kala kupinzuka. A ku na munhu a ta nga aka lomo, ge hambu a nʼwana wa munhu a ku luvela kona.

Jeremia 51:37

Babuloni i tava tinhulu ta maribye, A wutshamu ga mahlolwa; Ava xirewukiso ni xihlekiso, A nga hi na muaki.

Jeremia 51:43

A miti yakwe yi mahilwe marumbi, A tiko ga xikhwakhwa ni xiwula; A tiko gi nga hiko na munhu, Hambu a nʼwana wa munhu a hunzako ha kona.

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Mikosi 4:3

Hambu ni mahlolwa ma humesa mavele, ma anwisa a vanana va wona; Kanilezi a nhanyana wa tiko ga mina i na ni lunya khwatsi timbuwu ta lomu xiwuleni.

Hosea 9:6

Va ta panzanyeka hi kota ya lobyiselelo; Gipite i ta va tsombanyisa, Memfisi a va lahla. A zibya zabye za siliva lezi va zi ranzako zi ta fenengetiwa hi feha, ni mizwa yi ta mila matendeni yabye.

Zefania 2:9

Hikwalaho nza hlambanya hi kuhanya ka mina, ku wula Jehova wa tiyimpi, a Nungungulu wa Israeli, Hizinene Moabi i ta fanana ni Sodoma, ni vana va ka Amoni va ta fanana ni Gomora, ku maha a tiko ga mizwa ni marinzi ya munyu, giva xiwula kala kupinzuka. A misalela ya vanhu va mina yi ta va phanga, a misalela ya tiko ga mina yi taga tshomba yabye. Gen. 19:24; Jer. 48:1

Malaki 1:3

nzi venga Esau; a zitsunga zakwe nzi lo zi maha marumbi, nzi nyikela a tshomba yakwe ka mahlolwa ya khwati. Jer. 49:17; Rom. 9:13

Kuvululelwa 18:2

Yi lo kanyuluka hi gezu ga hombe, yiku: I wile, i wile Babuloni loyi wa hombe, i hunzukile ava wutshamu ga madimoni, ni paxo ga mimoya yontlhe ya kubiha, ni ga zinyanyani zontlhe za kubiha lezi zi vengekako. Isa. 13:19, 21; 14:23; Jer. 50:39