Isaya 34:11 - Tshwa Bible

¹¹ Kanilezi a masekwa ni tinungu zi ta tshama kona, A zihuhuluhuhu ni zikunguwa zi ta akela kona; I ta tshambuluta a lingoti la pfilupfilu hehla ka gona, Zinwe ni xiringaniso xa lobyiselelo.

Isaya 34:11 Mawu Ofanana

2 Samueli 8:2

Zonake i lo hlasela a vaMoabi, a va etlelisa lahasi, a va pima hi lingoti; lava va nga wa ringana tingoti timbiri i lo va daya; lava va nga wa ringana lingoti linwe i lo va tsika va hanya. Zinghaho a vaMoabi va lo maha malanza ya Davida, va luva yena. Mitse. 24:17

2 Tihosi 21:13

Nzi ta pima a Jerusalema hi lingoti la le Samaria ni xipimanyiso xa yindlu ya Ahabi; nzi ta sula a Jerusalema, khwatsi hi loku a munhu a sula a ngelo a wu khubhunyeta.

Tisimu 102:6

Nzi fanana ni gumba xiwuleni, Nzi fanana ni xikotlwani xa lomu marumbini.

Isaya 14:23

Nzi ta gi maha a wuakelo ga tinungu ni mativana ya mati yo bola, nzi ta gi swiyela hi swiyelo wa kulobyiswa, ku wula Jehova wa tiyimpi.

Isaya 24:10

A muti wa vilinganya wu hahlukile, A yindlu ni yindlu yi valilwe, ku nga engheni munhu.

Isaya 34:17

Hakuva i zi hlahluvile, A canja gakwe gi zi avele a tiko, Gi gi pimile hi lingoti; Zi ta gi fumela kala kupinzuka, A xizukulwana ni xizukulwana xi ta tshama lomo.

Mikosi 2:8

Jehova i xuvile ku khungumula a khurisi ga nhanyana wa Zioni; I tshambulutile a lingoti, a nga khanyetangi woko gakwe a tsika ku gi onha; Kanilezi i mahile a ligingisi ni khurisi ziba nkosi, zi onhekile khatiginwe. 2 Tih. 21:13; Zak. 1:16

Levi 11:16

a mbhuwu, ni yinjo, ni nyawungonzwani, ni mangavi hi tixaka takwe tontlhe;

Amosi 7:8

Jehova aku ka mina: Amosi, xini u xi wonako? Mina nziku: Lingoti la xiringaniso. Zonake a Hosi yiku: Languta, nzi ta hayeka a lingoti la xiringaniso xikari ka vanhu va mina va ka Israeli; nzi nga ta ha va tsetselela kambe.

Zefania 2:14

A mitlhambi yi ta zumba lomu xikari kakwe, ni lixaka tontlhe ta zihari; a masekwa ni tinungu zi ta etlela lomu timhanzeni ta wona, a gezu ga xikotlwani gi ta zwala lomu tinjhaneleni, zikunguwa zi ta kapama ka zipimbitsi za wona, hakuva i funungule a mapulangu ya tisedare.

Kuvululelwa 18:2

Yi lo kanyuluka hi gezu ga hombe, yiku: I wile, i wile Babuloni loyi wa hombe, i hunzukile ava wutshamu ga madimoni, ni paxo ga mimoya yontlhe ya kubiha, ni ga zinyanyani zontlhe za kubiha lezi zi vengekako. Isa. 13:19, 21; 14:23; Jer. 50:39