Isaya 33:5 - Tshwa Bible

⁵ Jehova i tlakukile hakuva i tshama le hehla; I tatisile Zioni hi nongameto ni kululama.

Isaya 33:5 Mawu Ofanana

Tisimu 118:16

A canja ga xinene ga Jehova ga hlula, A canja ga xinene ga Jehova gi tira hi ntamu.

Tisimu 123:1

Nza tlakusa mahlo ya mina ka wena, Wena loyi u tshamako matilweni.

Eksodusi 15:1

Zonake Mosi ni vanana va ka Israeli va lo yimbelela ka Jehova lisimu leli, vaku: Nzi ta yimbelela ka Jehova hakuva i tlakukile nguvu; I hoxile bimbini a haxi ni mukhileli wa gona.

Eksodusi 15:6

A canja ga wena Jehova gi dzunzekile hi ntamu; A canja ga wena ga xinene, Jehova, gi hangalasile valala.

Eksodusi 18:11

Makunu nza zi tiva lezaku Jehova ngwa hombe ku hunza vanungungulu vontlhe hakuva i va hangalasile ka lezi va nga ti kukumukisa ha zona.

Isaya 12:4

A ka siku lego mu taku: Khesani Jehova, mu khongela vito gakwe; Tlhatihambutelani a zimaho zakwe matikweni, Va tiviseni lezaku vito gakwe gi kulisilwe.

Isaya 2:11

A mahlo ya matshanza ya munhu ma ta tsongahatwa, ni ku ti kukumukisa ka vanhu ku ta koramiswa; hi Jehova yece a ta nga kuliswa a ka siku lego.

Isaya 2:17

A kutikulisa ka vanhu ku ta tsongahatwa, ni kutikukumuxa ka vavanuna ku ta reletwa; hi Jehova yece a ta nga kulisiwa a ka siku lego.

Isaya 26:1

A ka siku lego va ta yimbelela lisimu leli tikweni ga ka Juda: Hi na ni muti wa ntamu; I ta yimisa kuhanyisa a kuva khurisi ni lihlavu.

Isaya 28:6

I tava moya wa nongameto ka yena loyi a ta ngava mulamuli, Ni wunhenha ka lava va ta nga hlongola valala le nyangweni.

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Isaya 32:1

Langutani, a hosi yi ta fuma hi kululama, Ni tihosana ti ta fuma hi nongameto.

Isaya 33:10

Makunu nzi ta vuka, ku wula Jehova; Makunu nzi ta ti tlakusa, nzi ti kulisa.

Isaya 33:4

A muphango wa nwina wu ta tekiwa khwatsi hilezi a pungwani wu tekisako zona, Va ta ti hoxa ka wona khwatsi hi humbi yi nzulanzulako.

Isaya 37:20

Makunu Jehova, Nungungulu wa hina, hi ponise canjeni gakwe, kasi a matiko wontihe ya misava ma ta zi tiva lezaku wena wece u Jehova.

Isaya 5:16

Kanilezi Jehova wa tiyimpi i ta tlakuswa hi kulamula, Na Nungungulu wa ku Basa i ta woneka na basile kululameni.

Isaya 52:1

Vuka, vuka, ambala a ntamu wa wena, O Zioni! Ambala a tinguwo: ta wena to saseka, O Jerusalema, wena muti wa kubasa; Kakuva kusukela ka lezi ku nga ta ha enghena ka wena a makhuna ni va nga hlazekangiko. Kuv. 21:27

Isaya 56:1

Jehova i ngalo: Hlayisani nongameto mu maha kululama, Hakuva a kuhanyisa ka mina ku laha kusuhani ni kuta, Ni kululama ka mina ku ta wonekeliswa lokuloku. Rom. 13:11

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 60:21

A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13

Isaya 61:11

Hakuva khwatsi hi misava yi humesako a zimilwa za yona, Ni kukotisa a simu gi milisako a timbewu ti byelweko ka gona, Hizalezo Hosi Jehova i ta milisa kululama ni kukhesa Mahlweni ka wontihe matiko.

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Isaya 66:1

Jehova wa wula, aku: A tilo xitshamu xa mina xa wuhosi, A misava xikhegetelo xa mikonzo ya mina. I yindlu ya kuyini mu ta nga nzi akela yona, Wutshamu muni gi ta ngava wuhumulelo ga mina ke? 1 Tih. 8:27; Mat. 5:34; Miti. 7:48

Jeremia 23:5

A masiku mata, ku wula Jehova, lawo nzi to vuxela Davida a Hluke gi lulamileko. I tava hosi ya ngoma, a humelela, yena i ta lamula hi nongameto ni kululama lomu tikweni.

Jeremia 23:6

Juda i ta hanyiswa masikwini yakwe, na Israeli i ta tshama hi kurula. Legi hi vito gakwe a to vitanwa ha gona: Jehova hi kululama ka hina.

Jeremia 31:23

Jehova wa tiyimpi, Nungungulu wa Israeli, i ngalo: Va ha ta wula gezu legi a tikweni ga Juda ni lomu mitini yabye, loku nzi wuyisile lavava nga wukhumbini, vaku: Jehova a ku katekise, wena wuako ga nongameto, Wena xitsunga xi basileko!

Danieli 4:37

Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5

Va le Roma 11:26

zonake a vaIsraeli vontlhe va ta hanyiswa, kota lezi ku tsalilweko, ku ngalo: Ku ta huma a Mutlhatlhisi hi le Zioni, I ta susa a zivi zontlhe ka Jakobe. Tis. 14:7; Isa. 60:15; Jer. 3:18

Va le Roma 3:26

lezaku a kululama kakwe ku wonekeliswa xikhatini xa makunu, kasi a kumeka na a lulamile, ni lezaku a hlayela kululama loyi a kholwako ka Jesu.