Isaya 31:3 - Tshwa Bible

³ A maGipite mbanhu, a hi Nungungulu; Ni mahaxi yabye i nyama, a hi moya. Laha Jehova a ta nga nawuluta a canja gakwe Va tawa hi wumbiri gabye, a muvuni ni loyi a vuniwako, Vontlhe va ta lobyiswa khatiginwe.

Isaya 31:3 Mawu Ofanana

2 Kronekele 32:8

Yena i na ni woko ga nyama, kanilezi hina hi na na Jehova Nungungulu wa hina, a hi vunetela ni ku hi lwela tiyimpi ta hina. A vanhu va lo tiyiswa hi magezu ya Hezekia hosi ya ka Juda.

Tisimu 118:8

Zi sasekile ku tsutsumela Jehova, Ku hunza ku tsumba vanhu.

Tisimu 33:17

A mahaxi ma nga tsanzeka ku ponisa, A munhu a nga hanyiswi hi ntamu wa wona.

Tisimu 9:20

Jehova, ma rurumelise; Kasi a vamatiko va tiva lezaku vona mbanhu ntsena. (Sela.)

Isaya 10:3

Mu ta maha yini hi siku ga tsayiselelo, Laha a bhubhutsa gi tako hi le kule? Mu ta chavela ka mani kasi ku vuniwa ke? A titshomba ta nwina mu ta ti veka kwihi?

Isaya 20:4

hilezo a hosi ya le Assiria yi ta fambisa a tiperesu ta maGipite, ni lava va khomilweko le Etiopia, laʼvaswa ni zikhosana, va hi zimbyiri va nga hi na zilato, ni matshako yabye ma nga fenengetwangi, ti hi tingana ta Gipite.

Isaya 20:6

A ka siku lego a vaaki va tiko ga laha bimbini va taku: Langutani a kulobyiswa ka loyi hi nga mu tsumba, loyi hi nga tsutsumela ka yena kasi ku vuniwa ni ku tlhatlhiswa mandleni ya hosi ya le Assiria! Hinake, hi ta ponisa kuyini?

Isaya 30:16

Nwina mu te ngalo: Hina hi ta hlasela na hi khilele mahaxi! Hikwalaho mu ta hlaselwa. Muku ngalo: Hi ta khilela mahaxi ya mazambo! Hikwalaho mu ta hlongolwa hi lava va nga ni mazambo. 2 Tih. 25:4

Isaya 30:5

Vontlhe va tava ni tingana hi vanhu va nga hiko na ntamu a ku va vuna, Va nga hiko na xivuno ni bhinzu, Kanilezi va tava tingana ni xisolo ntsena.

Isaya 30:7

Hakuva a kuvuna ka Gipite ka mahala; Hikwalaho nzi wulako lezaku i Rahabi gi nga vuniko nchumu.

Isaya 36:6

Wena u tsumba Gipite, a lihlanga li tshobyilweko, leli li tlhavako a canja ga loyi a khigelako ka lona. Faro a hosi ya le Gipite i maha lezo ka vontlhe va mu tsumbako.

Isaya 36:9

U nga hlulisa kuyini wena ni yinwe ya tinduna leʼti tsongwani ta hosi ya mina? U tsumba Gipite lezaku u ta kuma kona tikareta ni vakhileli va mahaxi ke?

Isaya 9:17

Hikwalaho Jehova a nga ta xalaliswa hi majaha ya gona, Ge hambu ku hawukela a zisiwana ni tinoni; Hakuva vontlhe vakhohlisi ni vaonhi, Yontlhe milomu yi wulawula wupumbu. Hambu lezo, a zanga yakwe a yi rengangi, Ni canja gakwe ga ha nawulukile.

Jeremia 15:6

U nzi tsikile, ku wula Jehova, U tlhelele nzhako. Hikwalaho nzi nawulutile a canja ga mina nzi ku lovisa. Nzi karele hi ku ku tsetselela.

Jeremia 17:5

Jehova i ngalo: I rukatelwe a munhu loyi a tsumbako munhu, A mahako nyama yiva woko gakwe, A mbilu yakwe na yi hambene na Jehova.

Ezekieli 28:2

Nʼwana wa munhu, byela a hosana ya Tire, uku: Hosi Jehova i ngalo: Hakuva a mbilu ya wena yi ti tlakusile, u wuya uku: Mina nzi nungungulu, nzi tshamile xitshanwini xa nungungulu xikari ka mabimbi; kasilezo u munhu, a ku nungungulu, hambu lezi u yimisileko a mbilu ya wena ku fanana ni mbilu ya nungungulu. Isa. 31:3; Dan. 5:20; Miti. 12:22

Ezekieli 28:9

Xana u ta wula ka loyi a ta nga ku tlhava, uku: Nzi nungungulu? kasi lezo a ku nungungulu, kanilezi u munhu a canjeni ga loyi a ku khuvazako.

Amosi 2:15

A mukhomi wa wura a nga ta yima, ni mukhileli wa haxi a nga ta ponisa wutomi gakwe.

Mateu 15:14

Va tsikeni; zikhumu, zi rangelako zikhumu-kulobye. Loku xikhumu xi koka xikhumu, zi ta wela rinzini hi wumbiri ga zona.