Isaya 30:10 - Tshwa Bible

¹⁰ Lava va nge ngalo ka vavumbi: Mu nga vumbi; ni ka vaprofeti, vaku: Mu nga hi profeteli zinene, hi byeleni a timhaka leti ti tsakisako, profeteni zahava;

Isaya 30:10 Mawu Ofanana

1 Tihosi 21:20

Ahabi i te ngalo ka Elija: Xana u nzi kumile wena nala wa mina ke? Elija aku: Hi zona, nzi ku kumile, hakuva wena u ti xavisile hi ku maha lezi zi bihileko mahlweni ka Jehova!

1 Tihosi 22:27

A hosi yi ngalo: Enghenisani inaloyi lomu paxweni, mu mu nyika zibaba ni mati ya tiperesu, kala nzi ya wuya hi kurula.

2 Kronekele 16:10

Zonake Asa i lo zangarela a muwoni a mu hoxa paxweni. I wa mu zangarele nguvu hi kota ya mhaka leyo. I lo xanisa a vanwani vo kari ka xwalexo xikhati.

2 Kronekele 25:16

Khwatsi hi lezi a nga wa wulawula naye, a hosi yi te ngalo kakwe: Hi ku yimisile a kuva ginwe ga masungukati ya hosi ke? Suka u famba! U laʼku dawelwa yini ke? Zonake muprofeti i lo Suka, aku: Nza wona lezaku Nungungulu i xuvile ku ku lovisa hi kota ya zilo lezi u zi mahileko; a ku ingisangi a gezu ga mina.

Joba 41:3

Yi wa ta ku khongela nguvu ke? Ni ku wulawula ka wena timhaka to olova ke?

Isaya 28:15

Hilezi mu nge ngalo: Hi mahile xivumelwano ni kufa, Hi zwanana ni Xeoli; Hambu loku a tsayiselelo wu kukuleta ku fanana ni ntalo, Wu nga ta hi chikelela, Hakuva a mawunwa hi ma mahile wuchavelo ga hina, Hi fihlala lahasi ka kukhohlisa.

Isaya 29:10

Hakuva Jehova i mu chululela a moya wa wurongo, I valile mahlo ya nwina vaprofeti, I fenengetile a tihloko ta vavumbi, va nga varangeli va nwina.

Isaya 5:20

Khombo ka lava va wulako zo biha lezaku zi sasekile, a zo saseka vaku zi bihile; Lava va mahako munyama a kuva kuwonekela, ni kuwonekela va ku maha munyama; A zo bava va zi maha zo tsombela, ni zo tsombela va zi maha zo bava.

Jeremia 11:21

Hikwalaho zakunghahi a wulako Jehova hi vanhu va le Anatoti, lava va lavako ku ku daya, vaku: U nga profeti vitweni ga Jehova, kasi u ngafi mandleni ya hina!

Jeremia 23:17

Va kanela hi kusimamisilweko a ka lava va nzi kanyisako, vaku: Jehova i ngalo: Mu ta tshameka khwatsi. Ni ka vontlhe va fambako hi kunonoha ka timbilu tabye, vaku: Gi nga tata khombo hehla ka nwina!

Jeremia 26:11

A vapristi ni vaprofeti va lo byela a tihosana ni vanhu vontlhe, vaku: Loyi munhu i fanelwe hi kufa, hakuva i profetile a vukela lowu muti, kota mu zi zwileko hi tindleve ta nwina. Miti. 6:13

Jeremia 29:27

Makunu hikuyini u nga kawukangiko Jeremia wa le Anatote, loyi a profetako xikari ka nwina?

Jeremia 36:29

U ta byela Jehoiakimu hosi ya ka Juda, uku: Jehova i ngalo: Wena u hisile bhuku legi uku: Hikuyini u tsalileko ka gona lezaku a hosi ya Babuloni yi tata yi ta hahlula tiko legi, yi mbheta vanhu ni zihari?

Jeremia 38:4

Zonake a vahombe va lo byela hosi, vaku: A munhu loyi a dayiwe, hakuva wa rera a mawoko ya tinhenha leti ti seleko mutini lowu, ni mawoko ya tiko gontlhe, hi ku va byela a timhaka ta kunghahi; a munhu loyi a nga xuveli a tiko wunene, kanilezi wa gi xuvela makhombo. Am. 7:10

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Amosi 2:12

Kanilezi nwina mu lo nwisa a vinya a manazirita, mu beletela vaprofeti, muku: Mu nga ha profeti! Mitse. 6:2; Vala. 13:5; Isa. 30:10

Amosi 7:13

Kanilezi u nga ha profeteli kambe lomu Beteli, hakuva wutshamu gi basileko ga hosi, hi tempeli ya tiko.

Mika 2:11

Loku a munhu a famba hi moya wa kukhohlisa, a hemba wunwa aku: Nzi ta ku profetela hi vinya ni byala, a muprofeti loye i sasekele lava vanhu. Isa. 30:10; Mik. 3:5

Mika 2:6

Va profeta vaku: Mu nga profeteni! Ngha va nga byabyatsi hi lezi zilo; a tinzhukano tabye a ti mbheli!

Johani 7:7

A tiko a gi zi koti ku mu venga; kanilezi mina ga nzi venga, hakuva nza kustumunya ha gona, lezaku a mitiro ya gona yi bihile. Xip. 3:19; 15:19

Johani 8:45

Kanilezi mina, lezi nzi wulako zinene, a mu nzi kholwi.

Mitiro 4:17

Kanilezi lezaku a mhaka leyi yi nga nonohisi yi hangalaka xikari ka vanhu, a hi va tsimbeteni, lezaku va nga ha wulawuli ka munhu ni munwe hi vito legi.

Mitiro 5:28

aku: Hi lo mu layisisa nguvu lezaku mu nga gonzisi hi vito legi; hambu zi hi tano, mu tatisile Jerusalema hi kugonzisa ka nwina, mu xuva ku neha a nkhata wa loyi munhu hehla ka hina. Mat. 23:35; 27:25; Xip. 4:18; 2:23; 3:15

Va le Roma 16:18

Hakuva a va kunghahi a va tireli a Hosi ya hina Kristu, kanilezi va tirela a rumbu gabye ntsena; va xengetela lava va nga hiko na nanzu hi timhaka tabye to saseka ni kunanziha. Fil. 3:19; Kol. 2:4; 1 Tim. 6:5

Va le Galatia 4:16

Xana nzi nala wa nwina, hilezi nzi mu byelako a zinene ke?

2 Timote 4:3

Hakuva xa hata xikhati laha va ta nga ala a gonzo yi hanyisako; kanilezi kota lezi va nga ni tindleve ti nyakanyelelako a kuzwa, va ta ti lavela vagonzisi vo tsakisa kumbilukela kabye; 1 Tim. 1:10

2 Timote 4:4

zonake va nga ta ha ingisa zinene, va ta hambukela mitsheketweni. 1 Tim. 1:4

Kuvululelwa 11:7

Zonake loku va hetile wukustumunyu gabye a xihari lexi xi humako nkeleni wa lieswila xi talwa navo, xi va hlula, xi va daya. Dan. 7:21; Xip. 17:8

1 Samueli 9:9

(A kale ka va ka Israeli, loku va ya wutisa ka Nungungulu, va waku: Ngone hi famba ka Muvumbi; hakuva loyi inyamutlha hi nge ngalo Muprofeti, a kale va waku, Muvumbi.) Mitse. 12:6