Isaya 30:1 - Tshwa Bible

¹ Khombo ka vanana va hluwukileko, ku wula Jehova; Lava va lavako wusungukati, va nga gi lavi ka mina, Lava va bohako xivumelwano, a handle ka moya wa mina, Va fela ku ti engetela xionho hehla ka xionho.

Isaya 30:1 Mawu Ofanana

2 Tihosi 18:21

Hi nga wona! U tsumba Gipite, a lihlanga li tshobyilweko, li tlhavako a canja ga loyi a khegelako ka lona. Faro a hosi ya le Gipite i maha lezo ka vontlhe lava va mu tsumbako. Ezek. 29:6

2 Tihosi 18:24

Xana u ta hlongolisa kuyini a nduna yinwe basi xikari ka malanza lawa matsongwani ya hosi ya mina ke? Wena u tsumba Gipite hi kota ya tikareta ni mahaxi ya kona.

Tisimu 61:4

Nzi ta tshama tendeni ga wena kala kupinzuka; Nzi ta chavela kufihlaleni ka tipapa ta wena. (Sela.) 2 Sam. 7:11

Isaya 1:2

Zwana, o matilo; kangatela ndleve, o misava! hakuva Jehova wa wulawula, aku: Nzi wundlile vana, nzi va kulisile, kanilezi vona va nzi hluwukile. Ekso. 19:4; Deut. 31:28; Hos. 11:1

Isaya 1:23

A tihosana ta wena ti hluwukile, ti maha vanghana va makhamba. Vontlhe va ranza ku xavelelwa, va tsutsumela michachazelo. A va yimeli timhaka ta zisiwana, ni mhaka ya noni a yi chikeli ka vona. Ekso. 22:22; Jer. 5:28

Isaya 1:4

Khombo ka wena tiko ga vaonhi, nwina vanhu va teleko hi kugoha, pswalo wa vamahi va kubiha, vana va kuhunguka; mu tsikile Jehova, mu kanyisa a Wakubasa wa ka Israeli, mu tlhelela nzhako.

Isaya 1:5

Hi yini mu ta nga nonohisa mu biwa, hi ku anzisa a kuhluwuka ka nwina? A hloko yontlhe ya babya, a mbilu yontlhe yi bayiseka.

Isaya 28:15

Hilezi mu nge ngalo: Hi mahile xivumelwano ni kufa, Hi zwanana ni Xeoli; Hambu loku a tsayiselelo wu kukuleta ku fanana ni ntalo, Wu nga ta hi chikelela, Hakuva a mawunwa hi ma mahile wuchavelo ga hina, Hi fihlala lahasi ka kukhohlisa.

Isaya 28:20

Hakuva a mubhodi wu komile ka loyi a ranzako ku ti nawula, Ni kumba a wu ringani lezaku a ti phutsela ha wona.

Isaya 29:15

Khombo ka vona lavo va fihleleko Jehova a xikungo xabye, Va maha mitiro yabye munyameni; Vaku: Hi ta woniwa hi mani, himani a hi tivako?

Isaya 30:9

Lezaku legi i tiko gi hluwukileko, a vanana va mawunwa, a vanana lava va alako ku ingisa milayo ya Jehova. 2 Tih. 17:14; Neh. 9:16

Isaya 31:1

Khombo ka vona lava va relelako Gipite ku ya vuniwa, Lava va tsumbako mahaxi, Va tsumba tikareta hakuva tinyingi, Va tsumba vakhileli va mahaxi hakuva va nga ni ntamu, Kanilezi a va tsumbi Loyi a Basileko wa ka Israeli, Ge, hambu ku lava Jehova.

Isaya 32:2

Munwe ni munwani i ta kotisa wuchavelo loku moya wu bhubhutsa, A kotisa wuponelo ka xingulo; Kukotisa a congo wa mati wutshanwini gi womileko; Ni nzhuti wa ribye ga hombe tikweni gi nga ni tora.

Isaya 4:5

Hehla ka gontlhe a wuakelo ga xitsunga xa Zioni, ni hehla ka gotsovanyano wakwe, Jehova i ta vanga a refu ni musi laha hlikanhini, ni langavi ga nzilo laha wusikwini, hakuva hehla ka kungangamela kontlhe ku ta andlaliwa a xikhubhunyeto.

Isaya 5:18

Khombo ka vona lavo va kokako kubiha hi tingoti ta zahava, Va koka ni zigoho khwatsi hi gota ga kareta.

Isaya 63:10

Kanilezi vona va lo hluwuka, va bayisa Moya wakwe wa ku Basa, Hikwalaho i lo maha nala wabye, alwa navo.

Isaya 65:2

Nzi nawulutile a mandla ya mina siku gontlhe a ka tiko gi hluwukileko, Legi gi fambako hi ndlela leyi yi nga hiko yi nene, Va lanzela maalakanyo yabye wutsumbu.

Isaya 8:11

Jehova i wulawulile lezo ka mina laha canja gakwe gi ngata hehla ka mina hi ntamu, a nzi leletela lezaku nzi nga fambi tindleleni ta vanhu lava, aku:

Isaya 8:12

Mu nga wuli, muku: I gujeguje; a ka zontlhe lezi a vanhu lava va wulako ku i gujeguje; mu nga dzuki mu chava lezi va zi chavako.

Isaya 8:19

Loku vaku ka nwina: Wutisani lava va humesako mimoya ya vafileko, ni vavumbi lava va hlevako ni ku nʼununʼuta, hlamulani, muku: A vanhu a va faneli ku wutisa a Nungungulu wabye ke? ku nga wutisiwa a vafileko a timhaka ta laʼva hanyako ke? Deut. 18:11; 1 Sam. 28:11

Jeremia 17:5

Jehova i ngalo: I rukatelwe a munhu loyi a tsumbako munhu, A mahako nyama yiva woko gakwe, A mbilu yakwe na yi hambene na Jehova.

Jeremia 2:18

Ni makunu, u fambela yini hi ndlela ya Gipite, A ku yanwa a mati ya Nilo ke? U fambela yini hi ndlela ya Assiria, A ku yanwa a mati ya congo ke?

Jeremia 37:7

Jehova a Nungungulu wa Israeli i ngalo: Byelani hosi ya ka Juda loyi a nga mu rumela ka mina a ku ta nzi wutisa, muku: A yimpi ya Faro leyi yi humeleko a kuta mu vuna, yi ta tlhelela a tikweni ga yona a Gipite.

Jeremia 4:17

Va mu renzelekele xikari kota a varinzeli va simu, Hakuva i nzi hluwukile, ku wula Jehova. Lu. 19:43

Jeremia 42:19

Jehova i mu byelile nwina misalela ya ka Juda, aku: Mu nga yeni Gipite! Tiveni lezaku nzi mu leletele nyamutlha lezi.

Jeremia 5:23

Kanilezi lava vanhu va nzi hluwukile ni kuva ni mbilu ya wukaneti; va hluwukile va famba.

Ezekieli 11:2

Jehova aku ka mina: Nʼwana wa munhu, hi vona vatsemi va xikungo xo biha, lava va nyikako wusungukati ga hava mutini lowu,

Ezekieli 2:3

Aku ka mina: Nʼwana wa munhu, Nza ku ruma ka vana va ka Israeli, a ka mifumo leyi yi hluwukileko, leyi yi nzi vukelako. Vona hi vadadani vabye va nzi gohele kala ni lezi.

Ezekieli 24:3

Wulawula hi mufananiso ka yindlu ya vahluwuki, uku: Hosi Jehova i ngalo: Xungeta a mbita, yi kungete u chela mati.

Ezekieli 29:16

Wu nga ta ha tsumbiwa hi yindlu ya ka Israeli, hakuva wu ta va alakanyisa hi kuonha kabye laha va nga hunzulukela ka wona. Va ta zi tiva lezaku hi mina Hosi Jehova.

Ezekieli 3:9

Ina, nza nonohisa a ximombo xa wena lezaku xi nonoha ku hunza daimani. U nga va chavi, hambu ku rurumela hi tinghohe tabye, hambu lezi va nga va yindlu yi hluwukileko.

Hosea 11:6

A supado yi ta daya lomu mitini yakwe, yi tshova a zikwinyaro za yona, yi va hihirita hi kota ya xikungo xabye wutsumbu.

Hosea 13:2

Makunu va simamisa ku onha, va ti mahela a zifananiso zi chululweko hi siliva yabye, zi nga zifananiso za vanungungulu va kupima kabye; zontlhe lezi hi mitiro ya vafuli. Va wulawula ha zona, vaku: Lava va phahlelako ngha va pswopswa marole.

Hosea 7:13

I khombo ka vona, hakuva va nzi fularele. A va lobyiswe hakuva va nzi hluwukile! Va hembile wunwa ha mina hambu lezi nzi nga va tlhatlhisile.

Zakaria 4:6

Yi lo hlamula yiku ka mina: A mhaka ya Jehova ka Zerubabeli hi leyi yaku; Zi nga ta mahiwa hi yimpi hambu hi ntamu, kanilezi hi Moya wa mina, ku wula Jehova wa tiyimpi.

Mitsengo 32:14

Makunu nwinawu mu lava ku teka xikhundla xa vararu va nwina, mu maha xizukulwana xa vaonhi, mu anzisa a zanga ya Jehova xikari ka va ka Israeli.

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

Deuteronome 29:19

Ni kambe ku nga dzuki kuva kona munhu waku loku a zwile timhaka ta xifungo lexi, a rutisa mbilu yakwe aku: Nzi tava ni kurula, hambu loku nzi famba kuranzeni ka mbilu ya mina; lezo ku ta lova a byanyi go nyuka ni go woma.

Deuteronome 9:24

Nwina mu wa hi ni mijiri ha Jehova kusukela siku lego nzi nga sangula ku mu tiva nwina.

Deuteronome 9:7

Alakanya, u nga rivali lezaku u zangarisile kuyini Jehova Nungungulu wa nwina le xiwuleni; nwina mu vukele Jehova kusukela a siku lego a ku humesileko tikweni ga le Gipite, kala mu chikela ka legi wutshamu, Ekso. 14:11; Mitse. 11:4; Tis. 95:10

2 Timote 3:13

Kanilezi a vanhu vo biha ni vakanganyisi va ta nonohisa vaya mahlweni kubiheni, va kanganyisa vanwani, va tlhela va kanganyiswa.

Joxua 9:14

Ni vanhu va ka Israeli va lo teka timbuva ta vona; cima a va wutisangi makungo hi le nonwini wa Jehova. Mitse. 27:21