Isaya 3:26 - Tshwa Bible

²⁶ A tinyangwa ta Zioni ti tava hlomulweni ni kurileni; yena i tava loyi a phangilweko a tshama lahasi.

Isaya 3:26 Mawu Ofanana

Joba 2:13

Zonake va lo tshama zinwe naye lahasi, ntlhanu wa masiku ni mambiri ni ntlhanu wa wusiku ni gimbiri, na ku nga hi kona a wulako gezu kakwe, hi ku wona lezaku a kuhlokiswa kakwe ku wa hi ka hombe nguvu. Rom. 12:15

Joba 2:8

I lo lava xirengele ku ti tshuvela ha xona; i lo tshama lomu khumeni.

Isaya 14:31

Kanyuluka, O nyangwa! Bana huwa, wena muti! Nyeka, wena tiko gontlhe ga Filistia; Hakuva ku huma musi hi le Nwalungu, Ku nga tava kona musali wa lenzhako yimpini ya valala.

Isaya 29:2

Zonake nzi ta hlokisa Arieli, Ku tava hi xirilo ni hlomulo; Ahemba lezoke, a ka mina i ta simamisa a kuva Arieli.

Isaya 32:14

Hakuva a ziluvelo zi ta tsikiwa, A muti lowu wu tlhomeneko vanhu wu ta maha rumbi. A xitsunga ni makhokhola ya valanguteli zi tava tinzawu kala kupinzuka, A wukhanelo ga zihari za khwati ni wuriselo ga mitlhambi;

Isaya 33:9

A tiko gi le nkosini, ga hloka; Lebanoni i na ni tingana, i wunile; Xaroni o khwatsi ligwangwa, Baxani na Karmeli va tlhatlheka matluka yabye.

Isaya 47:1

Chika, u tshama tshurini, Wena nhwana, nʼwana Babuloni! Tshama lahasi, a ku na xitshamu xa wuhosi, Wena nhwana wa maKaldea; Hakuva u nga ta ha vitanwa aku u nene niku u sasekile.

Isaya 6:11

Zonake mina nziku: Kala rini Hosi? Yena i lo hlamula, aku: Kala a miti yi hahluka, yi nga have na vaaki, ni tiyindlu ti nga hi na munhu, ni tiko gontlhe giva rumbi,

Jeremia 14:2

Juda wa rila, a miti yakwe yi mbhelile ntamu, Va tshama hasi na va ambele zilenda; A huwa ya zwala hi le Jerusalema.

Jeremia 15:8

A tinoni tabye ti enzelekile ku hunza a seke ga bimbi. Nzi nehile mulovisi loyi a dayako vamamani va majaha ni nhlikanhi. Hi xitshuketi nzi rumele hehla kakwe a kuxaniseka ni kuchava.

Mikosi 1:1

Hikuyini wu nga ni xiwunza a muti lowu wu nga tele hi vanhu! Loyi a nga hi wahombe xikari ka mifumo i mahile noni; Loyi a nga hi muzinza xikari ka matiko i mahile hlonga hikuyini?

Mikosi 1:4

A magonzo ma yako Zioni ma rila, hakuva a nga kona a tako hlengeletanweni wa ximuse; A ku na vanhu tinyangweni takwe, a vapristi vakwe va hefemuteka. A vanhwana vakwe va xaniseka, yena wutsumbu i na ni xiviti.

Mikosi 2:10

A masingalakati ya nhanyana wa Zioni ma tshamile lahasi, ma ti miyelela; Va ti cheletele khuma tihlokweni tabye, va ambele a tinguwo ta xirilo. A vanhwana va Jerusalema vazwa tingana, vo zi lahasi.

Mikosi 2:8

Jehova i xuvile ku khungumula a khurisi ga nhanyana wa Zioni; I tshambulutile a lingoti, a nga khanyetangi woko gakwe a tsika ku gi onha; Kanilezi i mahile a ligingisi ni khurisi ziba nkosi, zi onhekile khatiginwe. 2 Tih. 21:13; Zak. 1:16

Ezekieli 12:20

A miti leyi yi nga ni vanhu yi ta hahlulwa, ni tiko gi ta maha xiwula; zonake mu ta zi tiva lezaku hi mina Jehova.

Ezekieli 26:16

Zonake a tihosana tontlhe ta bimbi ti ta chika hi le xitshanwini za tona za wuhosi. Ti veka tinguwo ta tona tlhelweni, Ti runzuwula a tinguwo ta tona ta mavalavala; Ti ta ambala kuchava, Ti tshama lahasi hi kururumela xikhati xontlhe, Ti rewukiswa hi wena.

Mika 1:9

Hakuva a timbanga takwe a ti chumeki, ti chikele ni le ka Juda, ti chikela ni le nyangweni ya tiko ga mina le Jerusalema. 2 Tih. 18:13; Jer. 15:18

Mateu 11:17

Hi mu bele tinanga, kanilezi a mu kinangi; hi hlalukile, kanilezi a mu mahangi hlomulo.

Luka 19:44

Va ta ku hahlula uku putsu, zinwe ni vana va wena lava va nga xikari ka wena; ku nga ta siyiwa xikari ka wena a ribye ginwe hehla ka ginwani; hakuva a ku tivangi a xikhati lexi u enzelwako ha xona. Mika 3:12; Dan. 9:24; Mat. 24:2; Mar. 13:2; 1 Ped. 2:12