Isaya 3:11 - Tshwa Bible

¹¹ Khombo ka wakubiha! i tava ni khombo hakuva i ta nyikiwa a nchachazelo wa mitiro yakwe.

Isaya 3:11 Mawu Ofanana

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

2 Samueli 3:39

Mina nzi mbhelile ntamu nyamutlha, hambu loku nzi wumbelwe kuva hosi leyi yi nga nhenha ya hombe, yi va Zeruia, va nzi hunza a ntamu. Jehova ngha a chachazela mumahi wa kubiha kukotisa kubiha kakwe.

1 Tihosi 21:21

Languta, nzi ta neha a khombo hehla ka wena, nzi lovisa vafana vontlhe va ka Ahabi, lava va tsongwani ni lava va nga va hombe lomu ka va ka Israeli;

2 Kronekele 6:23

zonake wena u zizwa na u hi kwa: leyo tilweni, u zi maha, u lamula a malanza ya wena; u kombisa loyi a nga ni nanzu, u mu tlhelisela mitiro yakwe hlokweni yakwe, kanilezi u khanisa loyi a lulamileko, u mu tlhelisela hi kululama kakwe!

Joba 10:15

Khombo ka mina, loku nzi hi wa kubiha! Hambu loku nzi hi wa kululama, cima nzi nga ta tlakusa hloko ya mina. Nzi tele hi tingana, nzi cuwuka kubayiseka ka mina.

Tisimu 28:4

Va nyike kukotisa a mitiro yabye, Ni kukotisa a kubiha ka zimaho zabye; Va chacbazele kukotisa mitiro ya mandla yabye, Va nyike lezi zi va ringeneko.

Tisimu 62:12

Ni wuxinji kambe gi lumba wena, Hosi; Hakuva u tlhelisela munhu ni munhu maringano ni mitiro yakwe. Rom. 2:6; 1 Kor. 3:8; Kuv. 22:12

Mavingu 1:31

Hikwalaho va taga mbhanzo wa mahanyela yabye, a ta xuriswa hi makungo yabye.

Mavingu 11:31

Langutani, a valulamileko va ta kuma nchachazelo laha misaveni; u ta kuyini ka wa kubiha ni muonhi! 1 Ped. 4:17

Mavingu 12:14

A munhu i ta eneliswa hi wunene ga mihanzu yi humako nonwini wakwe; munhu i ta tlheliselwa hi ku ringana ni mitiro ya mandla yakwe. Mat. 16:27; 2 Kor. 5:10

Mavingu 26:27

Loyi a ketako a rinzi i ta wela ka gona; i loyi a wumbulutako a ribye gita mu wela.

Mutshawuteli 8:13

Kanilezi a wakubiha cima a nga ta kateka, ge, hambu kuva ni masiku ya ku tala; i ta hunza kukotisa nzhuti, hakuva a nga chavangi Nungungulu.

Isaya 13:11

Nzi ta tsayisa misava hi kota ya kubiha ka yona, Ni vakubiha hi kota ya kugoha kabye, Nzi fuvisa a matshanza ya laʼva ti kulisako, Nzi tsongahata laʼva ti kukumukisako.

Isaya 48:22

A vakubiha a va na kurula, ku wula Jehova.

Isaya 65:20

Ku nga ta kuva kona kambe a lisana li to hanya masiku matsongwani ntsena, Ge hambu xikhosana leʼxi nga mbhetisiko a tsengo wa masiku ya xona. Hakuva a xinwanana xi tafa na xi hi ntangeni ya zana ga malembe, A muonhi i ta rukateliwa loku a hi ni zana ga malembe.

Isaya 65:6

Languta, ku tsalilwe mahlweni ka mina: Nzi nga ta miyela nzi kala nzi tlhelisela; Kunene, nzi ta tlhelisela ka vona,

Isaya 65:7

A zigoho zabye, ku wula Jehova, Zinwe ni zigoho za vadadani vabye, Lava va hisileko tibani hehla ka zitsunga, Va nzi rukatela hehla ka miganga. Hikwalaho nzi ta va pimela a hakhelo ya mitiro yabye ya kale. Ekso. 20:5; Hos. 4:13

Jeremia 21:14

Nzi ta mu tsayisa maringano ni mbhanzu wa zimaho za nwina, ku wula Jehova. Nzi ta dzivela nzilo khwatini ga nwina, wu ta lambuxa zontlhe zi nga lahandle ka muti. Mav. 1:31

Jeremia 31:30

Kanilezi a munwe ni munwani i tafa hi xionho xakwe; a munhu ni munhu loyi a gako mauva mambisi, a meno yakwe ma ta telwa hi wureremeti.

Ezekieli 16:59

Hakuva Hosi Jehova i ngalo: Nzi ta ku tlhelisela kota mitiro ya wena, hakuva u kanyisile a xifungo u tshova a xivumelwano.

Ezekieli 18:20

A muhefemulo, lowu wu onhako wu tafa; a nʼwana a nga ta rwala a kugoha ka raru wakwe, ge hambu raru ku rwala a kugoha ka nʼwana. A kululama ka loyi a lulamileko ku tava hehla kakwe, ni kubiha ka loyi a bihileko ku tava hehla ka yena, Deut. 24:16; 2 Tih. 14:6

Ezekieli 2:10

Yena i lo gi tshambuluta mahlweni ka mina; gi wa tsalilwe lomu nzeni ni lahandle. Ku wa tsalilwe ka gona a xirilo, ni mikosi, ni makhombo.

Ezekieli 24:14

Mina Jehova nzi wulile; zi ta tatiseka, mina nzi ta zi maha. Nzi nga ta tlhelela nzhako, ge hambu ku nyenyeletela, kutani ku hunzuluka. U ta lamulwa kukotisa a mahanyela ya wena ni zimaho za wena, ku wula Hosi Jehova.

Ezekieli 33:8

Loku nzi wula ka wakubiha, nziku: Wena munhu wa kubiha, u tafa futsi, loku u nga wulawuli u tlharihisa a wakubiha ndleleni yakwe, inaloye wakubiha i tafa hi kota ya xigoho xakwe, kanilezi a nkhata wakwe wu ta labyiwa canjeni ga wena.

Mika 3:4

Hikwalaho Jehova a nga ta va hlamula loku va rila kakwe. Xikhatini lexo i ta va fihlela a nghohe yakwe hi kota ya zimaho zabye zi bihileko. Deut. 31:18; Isa. 1:15; Jer. 11:11

Mika 7:13

Kanilezi a tiko gi ta hahlulwa hi kota ya vaaki va gona, ni mihanzu ya zimaho zabye.

Mitsengo 32:23

Kanilezi loku mu nga mahi lezo mu tava mu onhile ka Jehova; hikwalaho tivani lezaku a xionho xa nwina xi ta tlhela xi mu kuma.

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

Jakobe 2:13

Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15

Valamuli 9:57

Nungungulu i lo tlhelisela kambe hehla ka tihloko ta vanhu va le Xekemi a kubiha kontlhe loku va ku mahileko. A kurukatela ka Jotamu nʼwana Jerubaali ku lowa hehla kabye.