Isaya 3:10 - Tshwa Bible

¹⁰ Wulani lezaku lava va lulamileko va katekile, hakuva va taga a mbhanzo wa zimaho zabye.

Isaya 3:10 Mawu Ofanana

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

Tisimu 58:11

Zonake a vanhu va taku: Kunene, loyi a lulamileko i na ni nchachazelo; Hakunene, ku kona Nungungulu loyi a lamulako misaveni. 2 Tes. 1:5

Eksodusi 1:20

Nungungulu i lo katekisa masungukati; a vanhu va lo anza va tala nguvu.

Mavingu 10:6

A zikatekiso zi le tihlokweni ta valulamileko, anilezi a nomu wa loyi wa kubiha wu na ni mona.

Mavingu 12:14

A munhu i ta eneliswa hi wunene ga mihanzu yi humako nonwini wakwe; munhu i ta tlheliselwa hi ku ringana ni mitiro ya mandla yakwe. Mat. 16:27; 2 Kor. 5:10

Mavingu 13:21

A kubiha ku hlongolisa vaonhi; anilezi a wunene i nchachazelo wa valulamileko.

Mavingu 18:21

A kufa ni kuhanya ku le ntanwini wa lirimi; i lava va li ranzako va taga a mbhanzo wa lona.

Mutshawuteli 8:12

Loku muonhi a maha kubiha zana ga makhati, hambu loku masiku yakwe ma hlaya laha misaveni, nza zi tiva lezaku lava va chavako Nungungulu va ta humelela, hakuva va mu chava mahlweni kakwe. Deut. 6:24; Tis. 33:18

Isaya 54:17

A gi kona tlhari gi fulelweko ku vukela wena gi ta nga humelela, Ni lihi lirimi li ta nga ku kecara li ta koneka. Leyi hi yona a tshomba ya malanza ya Jehova, Ni kululama kabye kuta hi ka mina, ku wula Jehova.

Jeremia 15:11

Jehova i lo hlamula, aku: Kunene nzi ta ku tiyiseta lezaku u humelela. Nzi ta maha nala wa wena a ku kombela xikhatini xa makhombo ni kuxaniseka.

Jeremia 21:14

Nzi ta mu tsayisa maringano ni mbhanzu wa zimaho za nwina, ku wula Jehova. Nzi ta dzivela nzilo khwatini ga nwina, wu ta lambuxa zontlhe zi nga lahandle ka muti. Mav. 1:31

Jeremia 22:15

Xana u ta fuma hilezi u ti tsitsiritako ntirweni wa tisedari ke? A raru wa wena i gile ni kunwa, Kanilezi i lo lamula hi nongameto ni fanelo, I lo humelela hi kota ya lezo. 2 Tih. 22:2

Jeremia 7:23

Kanilezi lezi nzi va layileko hi lezaku: Ingisani a gezu ga mina, zonake nzi tava Nungungulu wa nwina, nwina mu tava vanhu va mina; fambani hi tindlela leti nzi mu layileko ha tona, lezo mu ta tshameka khwatsi. Ekso. 19:5

Ezekieli 18:20

A muhefemulo, lowu wu onhako wu tafa; a nʼwana a nga ta rwala a kugoha ka raru wakwe, ge hambu raru ku rwala a kugoha ka nʼwana. A kululama ka loyi a lulamileko ku tava hehla kakwe, ni kubiha ka loyi a bihileko ku tava hehla ka yena, Deut. 24:16; 2 Tih. 14:6

Ezekieli 9:4

aku ka yena: Famba u ya tsemakanya muti, a xikari ka Jerusalema, u vekela xifungo zimombyeni za vanhu lava va nga ni mahika, va rilako hi kota ya manyalataniso, lawa ma mahiwako, xikari kabye.

Mika 7:13

Kanilezi a tiko gi ta hahlulwa hi kota ya vaaki va gona, ni mihanzu ya zimaho zabye.

Zefania 2:3

Hlotani Jehova nwina nwentlhe va koramileko va tiko, lava mumahako a zileletelo zakwe; hlotani kululama, mu hlota ku ti tsongahata; kutani mu ta fihlala a sikwini ga zanga ya Jehova.

Malaki 3:18

Zonake mu ta tlhela mu wona a kuhambana ku nga kona ka loyi a lulamileko ni wakubiha, xikari ka loyi a tirelako Nungungulu ni loyi a nga mu tireliko.

Luka 19:19

I te ngalo ka gona kambe: U ta fumela ntlhanu wa miti.

Deuteronome 12:25

U nga wugi kasi u fela ku tshameka khwatsi, ni vanana va wena anzhako ka wena, loku u maha zo lulama mahlweni ka Jehova.

Maheberu 6:10

Hakuva Nungungulu a hi loyi a nga lulamangiko wo kala a rivala a mitiro ya nwina, ni liranzo leli mu nga li kombisa vitweni gakwe, laha mu nga vunetela lava vo basa, kota lezi ma ha vunetelako ni zalezi. Mat. 10:42; Joh. 13:20; 1 Tes. 1:3