Isaya 29:6 - Tshwa Bible

⁶ Jehova wa tiyimpi i ta ku tsayisa hi kudzinza Ni kutsekatseka ka misava ni guwa ga hombe, Hi xipupuri ni bhubhutsa, ni langavi ga nzilo wu hisako.

Isaya 29:6 Mawu Ofanana

2 Samueli 22:14

Jehova i lo dzinza na hi le tilweni, Loyi a nga Hehla-hehla a zwata a gezu gakwe.

Tisimu 55:8

Nzi wa ta hatlisa nzi nyemuka, Nzi chava xipupuri ni bhubhutsa.

Isaya 10:3

Mu ta maha yini hi siku ga tsayiselelo, Laha a bhubhutsa gi tako hi le kule? Mu ta chavela ka mani kasi ku vuniwa ke? A titshomba ta nwina mu ta ti veka kwihi?

Isaya 26:14

Lava va fileko va nga ta ha hanya, Ziruti ntsena, va nga ta ha vuka; Hakuva u va tsayisile, u va lovisa, U fuvisile mavito yabye, ma nga ha alakanyiwi. Deut. 32:26; Joba 14:14

Isaya 26:21

Hakuva Jehova wata hi le wutshanwini gakwe, A ku ta tsayisa vaaki va misava hi kota ya kugoha kabye; Zonake a misava yi ta funungula a nkhata wu nga ka yona, Yi nga ha fihli a vadelweko va yona. Gen. 4:10; Mik. 1:3; Mat. 23:35

Isaya 28:2

Langutani, a Hosi ya ruma a nala a nga ni ntamu, ni wa ku tiya; Wata khwatsi hi bhubhutsa ga vula ya maralala, Kukotisa a ntalo wa mati ya hombe, lawa ma phandlulako kontlhe, I ta zi hoxa misaveni hi ntamu. 2 Tih. 17:3, 6; 18:10

Isaya 30:30

Zonake Jehova i ta zwakalisa a gezu gakwe ga wudumo, A kombisa lezaku gi bisa kuyini a woko gakwe zangeni yakwe, Hi nzilo wu lovisako, ni bhubhutsa, ni xipupuri ni vula ya maralala. Ekso. 9:23; Jox. 10:11

Isaya 31:9

A khokhola gakwe gi ta lova hi kuchava, ni tihosana takwe ti ta rurumela mahlweni ka nghapa, ku wula Jehova, loyi a nzilo wakwe wu nga le Zioni, ni nzhimbo wakwe wu nga le Jerusalema. 2 Tih. 19:35

Isaya 43:2

Hambu loku u tsemakanya matini, nzi tava na wena, Loku U tsemakanya micongo, cima u nga ta mhemba, Loku u famba lomu nzilweni u nga taswa, Ge hambu ku hiswa hi malangavi. Tis. 23:4; Mar. 16:18

Ezekieli 38:22

Nzi ta mu lamula hi ntungu ni nkhata; nzi ta nisa a vula hehla kakwe ni mitlawa yakwe ni matiko laʼwo tala ma nga zinwe naye, a vula yo tshisa, ni maralala ya hombe, a nzilo ni solufa.

Amosi 1:14

Kanilezi nzi ta dzivela a nzilo khurisini ga Rabba, wu hisa a ziluvelo za kona, na ku biwa tihuwa sikwini ga kulwa, ni mheho a sikwini ga bhubhutsa.

Nahume 1:3

Jehova wa nonoka ku zangara, ngwa hombe ntanwini wakwe, a nga ta tsiketa nanzu. A ndlela ya Jehova yi lomu ka xipupuri ni ka bhubhutsa, a marefu i tsutsungwani wa mikonzo yakwe. Ekso. 34:6; Mitse. 14:18; Neh. 9:17

Zakaria 14:5

Mu ta tsutsuma hi minzhelelo ya zitsunga za mina, hakuva a minzhelelo ya zitsunga za mina yi ta chikela ni le Azeli. Mu ta tsutsuma khwatsi hi lezi mu nga tsutsuma a xitsekatseka xa misava masikwini ya Uzzia a hosi ya ka Juda. Zonake Jehova a Nungungulu wa mina i tata, ni vontlhe va basileko zinwe na wena.

Mateu 24:7

Hakuva a tiko gi ta vukela tiko, ni mufumo wu ta vukela mufumo; ku tava kona tindlala ni kutsekatseka ka misava matshanwini ma tsalangeneko. Isa. 19:2

Marku 13:8

Hakuva a tiko gi ta vukela tiko, ni mufumo wu vukela mufumo; ku tava kona kutsekatseka ka misava matshanwini ma tsalangeneko; ni tindlala ti tava kona; lezi zilo hi kusangula ntsena ka kuxaniseka. Mat. 24:8

Luka 21:11

Ku tava kona kutsekatseka ka hombe ka misava, ni ka matshamu ma tsalangeneko ku tava kona tindlala ni mitungu; a masingita ni ziwoniso za hombe zi ta woneka le tilweni.

Kuvululelwa 11:13

Hi xwalexo xikhati ku wa hi kona a kutsekatseka ka hombe ka misava, ku lo khungumuka a xipanze xa wukhume xa muti; ku dawa a 7,000 wa vanhu hi kutsekatseka loko; lava va nga sele va lo chava, va dumisa Nungungulu wa tilo. Jox. 7:19; Xip. 14:7; 16:19

Kuvululelwa 11:19

Ku lo vululiwa a tivati ta tempeli ya Nungungulu leyi yi nga le tilweni, ku woniwa a nghaxa ya xivumelwano xakwe lomu tempeleni yakwe. Zonake ku wa hi kona a kuhatima, ni kuvuma, ni kudzinza, ni kutsekatseka ka misava, ni vula ya hombe ya maralala. Xip. 8:5; 15:5, 8

Kuvululelwa 16:18

Ku wa hi kona a kuhatima, ni kuvuma, ni kudzinza, ni kutsekatseka ka hombe ka misava, loku cima ku nga tsekatsekisangiko nguvu kota lezo a ku sukela lezi vanhu va nga vangiwa laha misaveni. Dan. 12:1; Xip. 11:13

1 Samueli 2:10

A valala va Jehova va ta pswandlaswa, I ta va dzinzela na hi tilweni. Jehova i ta lamula a magumeso ya misava; I ta nyika ntamu ka hosi yakwe, A tlakusa a limhonzo la a totilweko wakwe.