Isaya 28:9 - Tshwa Bible

⁹ Vaku: I ta gonzisa mani wutlhari ke? I ta maha mani a pima a mhaka? Kasi hi zihlangi lezi za ha ku lumulwako, Lezi za hi ku tsikisiwako vele ke?

Isaya 28:9 Mawu Ofanana

Tisimu 131:2

Futsi nzi rulisile muhefemulo wa mina, nzi wu miyeta; Khwatsi hi nwanana a lumulilweko ka mamani wakwe, A muhefemulo wa mina wu fanana ni nwanana a lumulilweko.

Tisimu 50:17

Wena loyi u nga ranziko ku layiwa, U hoxako a magezu ya mina lenzhako ka wena.

Mavingu 1:29

Hakuva va vengile wutivi, ima a va ti hlawulelangi ku chava Jehova:

Isaya 2:3

A matiko yo tala ma taya, ma yaku: Ngonani, a hi kanziheni hiya xitsungeni xa ka Jehova, a ndlwini ya Nungungulu wa Jakobe, i ta hi gonzisa a tindlela takwe; zonake hi ta famba mipfutleni yakwe. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Isaya 28:26

Hakuva a Nungungulu wakwe i mu gonzisile, I mu tivisile a ndlela ya kona.

Isaya 30:20

Kunene, a Hosi yi ta mu nyika a zakuga za hlomulo, ni mati ya kuxaniseka, kanilezi a vagonzisi va nwina va nga ta ha fihlala, mu ta wona vagonzisi va nwina hi mahlo.

Isaya 48:17

Jehova a Mutiruli wa wena, Loyi a Basileko wa ka Israeli, I ngalo: Hi mina Jehova, Nungungulu wa wena, Loyi a ku gonzisako lezi zi ku vunako, Loyi a ku rangelako ndleleni leyi u faneleko ku famba ha yona.

Isaya 50:4

Hosi Jehova i nzi nyikile a lirimi la mupizani, Kasi nzi ta zi kota ku tangalisa loyi a kareleko; Gica ni mixo a! vuxa a ndleve ya mina, A yi vuxa lezaku nzi ingisa kota mupizani.

Isaya 53:1

Himani a kholilweko lezi hi nga byeliwa zona ke? A woko ga Jehova gi wonekelisilwe ka mani ke? Joh. 12:38; Rom. 10:16

Isaya 54:13

Vontlhe a vana va wena va ta maha vapizani va Jehova, A vana va wena va tava ni kurula ka hombe. Joh. 6:45; Rom. 5:1

Jeremia 35:13

Jehova wa tiyimpi, a Nungungulu wa Israeli, i ngalo: Famba, u va byela a vanhu va ka Juda, ni vaaki va Jerusalema, uku: Xana cima mu nga ta amukela gonzo hi kuzwa a timhaka ta mina ke? ku wula Jehova.

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Jeremia 6:10

Nzi ta byela mani, Nzi maha wumboni kasi va ingisa ke? A tindleve tabye makhuna, a va zi koti kuzwa. A mhaka ya Jehova i nzhukano kabye, a va yi ranzi.

Mateu 11:25

Hi lexo xikhati Jesu i lo wulawula, aku: Nza ku khesa Dada, Hosi ya tilo ni misava, hi lezi u nga fihlela a titlhari ni vapimako a timhaka leti, kanilezi u zi wonekelisa ka lava va tsongwani. Lu. 10:21; 1 Kor. 1:19; 2 Kor. 3:14

Marku 10:15

Hizinene nziku ka nwina: Loyi a nga amukeliko a mufumo wa Nungungulu kota nwanana, cima a nga ta enghena ka wona. Mat. 18:3

Johani 12:38

kasi yi fela ku tatiseka a mhaka ya muprofeti Isaya, leyi yi nge ngalo: Hosi, himani a kholilweko lezi hi nga byeliwa zona ke? A woko ga Hosi gi wonekelisilwe ka mani ke? Isa. 53:1; Rom. 10:16

Johani 3:19

A kulamula hi kwaloku, lezaku a kuwonekela ku tile misaveni, kanilezi vanhu va ranzile munyama ku hunza kuwonekela; hakuva mitiro yabye yi wa bihile. Joba 24:13, 17; Efe. 5:13

1 Pedro 2:2

Lavani a masi ma nene ya moya, khwatsi hi zihlangana za ha belekiwako, kasi ma fela ku kula ha wona mu hanyiswa, Mat. 18:3; 1 Kor. 3:2