Isaya 28:21 - Tshwa Bible

²¹ Hakuva Jehova i ta yima kota lezi a nga maha xitsungeni xa Perazima, A zangara khwatsi hi lezi a nga maha le nkoveni wa Gibeoni, Kasi a fela ku maha ntiro wakwe—a ntiro wa masingita, A hetisa a ntiro wakwe wu hlamalisako. Jox. 10:10; 2 Sam. 5:20, 25; 1 Kro. 14:11, 16

Isaya 28:21 Mawu Ofanana

2 Samueli 5:20

Davida i lota le Baali-perazimu. I lo va hlasela leyo, aku ngalo: Jehova i hangalasile valala va mina ku fanana ni mati loku ma phuxuka ma hangalaka. Hikwalaho i lo chula wutshamu lego aku Baali-perazimu. Isa. 28:21

2 Samueli 5:25

Davida i lo maha khwatsi hi lezi Jehova a mu leleteleko, zonake va lo hlasela vaFilistia kusukela le Geba kala le Gezera.

1 Kronekele 14:11

Zinghaho va lo kanziha vaya le Baali-Perazimu; Davida i lo va hlasela leyo. A wuya aku: Nungungulu i hangalasile a valala va mina hi canja ga mina, khwatsi hi mati ma khulungako. Hikwalaho va lo chula a wutshamu lego a vito ga Baali-Perazimu.

1 Kronekele 14:16

Davida i lo maha kwatsi hi lezi Nungungulu a mu leleteleko; va lo hlasela a yimpi ya vaFilistia kusukela Gibeoni kala Gezera, va yi hlula.

Tisimu 94:16

Himani a to nzi lwela ka vobiha, Ni ku nzi vuna mahlweni ka vagohi ke?

Isaya 10:12

Kanilezi loku a Hosi yi mahile wontihe ntiro wa yona hehla ka xitsunga xa Zioni ni le Jerusalema, nzi ta tsayisa a hosi ya le Assiria hi kota ya kutikulisa ka mbilu ya yona, ni matshanza ya mahlo ya yona, 2 Tih. 19:35

Isaya 28:19

Zikhati zontlhe loku a ntalo wu hunza wu ta mu khoma, Hakuva mixo ni mixo wu ta hunza, hlikanhi ni wusiku; Mu ta gonza hi ku dzukiswa ntsena.

Isaya 29:14

Hikwalaho nza ha ta maha mahanjalati ka vanhu lava, A mitiro yi riwukisako, leʼyi hlamalisako; A wutlhari ga titlhari tabye gi ta fuva, Ni kupima ka vanhu vabye va tlharihileko ku ta gumelwa.

Isaya 29:23

Hakuva laha vana vakwe va ta nga wona mitiro ya mina xikari kabye, Va ta chava vito ga mina, va dumisa Loyi a Basileko wa ka Jakobe, Va ta chava Nungungulu wa ka Israeli.

Isaya 64:2

A kukotisa a nzilo wu dzivelako tihunyi ti womileko, A nzilo wu vilisa mati; Lezaku a valala va wena va fela ku tiva a vito ga wena, Ni matiko ma rurumela mahlweni ka wena.

Isaya 65:7

A zigoho zabye, ku wula Jehova, Zinwe ni zigoho za vadadani vabye, Lava va hisileko tibani hehla ka zitsunga, Va nzi rukatela hehla ka miganga. Hikwalaho nzi ta va pimela a hakhelo ya mitiro yabye ya kale. Ekso. 20:5; Hos. 4:13

Jeremia 30:14

A varanziwa va wena vontlhe va ku rivele, A va ku khataleli. Hakuva nzi ku porongetile kota nala, Hi tsayiso wu hlokisako; Hi kota ya wukulu ga kubiha ka wena, Ni wunyingi ga zionho za wena.

Mikosi 2:15

A vahunzi vontlhe va ku bela mandla yabye, Vaba miloti na va ninginizela tihloko tabye a nhanyana wa Jerusalema, vaku: Hi wona a muti wu nga vitanwa ku i mbhuri wu mbheleleko, a kutsaka ka misava yontlhe ke? Joba 27:23; Tis. 48:2; 50:2

Mikosi 3:33

Hakuva a hi kuranza ka mbilu yakwe lezaku a hlokisa Ni ku zwisa kubayisa a vanana va vanhu.

Ezekieli 33:21

Hi lembe ga wukhume ni mambiri ga wukhumbi ga hina, hi hweti ya wukhume, hi siku ga 5 ga hweti, a munwe loyi a nga ponile le Jerusalema i lota ka mina, a taku: A muti wu hlulilwe!

Habakuka 1:5

Cuwukani xikari ka matiko, mu hlamala muku kaye! hakuva masikwini ya nwina ku tiriwa a ntiro, lowu mu to kala mu nga wu kholwi hambu loku mu byeliwa. Miti. 13:41

Joxua 10:10

Nungungulu i lo va vilinganyisa mahlweni ka Israeli; zonake Israeli i lolwa navo, a va hlula nguvu kusuhani ni le Gibeoni, va panzanyeka; zonake Israeli i lo va hlongolisa hi ndlela leyi kanzihako kuya le Bete-Horoni, a va hlasela kala le Azeka ni le Makeda. Ekso. 14:24; 23:27

Joxua 10:11

Ku te na va ha chava va ka Israeli, na va relela le Bete-Horoni, Jehova i lo nisa maribye ya hombe hehla kabye mata hi le tilweni, kala le Azeka, vona va lo dawa, lava va nga dawa hi vula ya maribyana va wa tele nguvu ku hunza lava va nga dawa hi va ka Israeli hi matlhari. Ekso. 9:17

Joxua 10:12

Zonake Joxua i lo wulawula ka Jehova ka lego siku Jehova a nga nyikela vaAmori ka vanana va ka Israeli, aku; Gambo, yima hehla ka Gibeoni; Na wena hweti, le minzhelelweni ya Ajaloni.