Isaya 28:2 - Tshwa Bible

² Langutani, a Hosi ya ruma a nala a nga ni ntamu, ni wa ku tiya; Wata khwatsi hi bhubhutsa ga vula ya maralala, Kukotisa a ntalo wa mati ya hombe, lawa ma phandlulako kontlhe, I ta zi hoxa misaveni hi ntamu. 2 Tih. 17:3, 6; 18:10

Isaya 28:2 Mawu Ofanana

Joba 22:16

Lava va nga susiwa hi mahlweni ka xikhati xabye; Lava a wuakelo gabye gi kukuletilweko hi ntalo wa mati;

Isaya 25:4

Hakuva wena u wuchavelo ga zisiwana, U khokhola ga lava va vumalako kuxanisekeni kabye; U wuponelo hi siku ga bhubhutsa, ni nzhuti laha munwini, Laha a moya wa laʼvo tshisa wu khwatsi xipupuri xi bhubhutselako khurisi.

Isaya 27:1

A ka siku lego Jehova i taba hi supado yakwe yo kariha ya hombe ni ya ntamu, A tsayisa Leviatani, a nyoka yi tsutsumako, Leviatani, a nyoka yi ti kokakokako, Zonake a daya drako legi gi nga lomu bimbini. Joba 26:13; Ezek. 29:3

Isaya 29:6

Jehova wa tiyimpi i ta ku tsayisa hi kudzinza Ni kutsekatseka ka misava ni guwa ga hombe, Hi xipupuri ni bhubhutsa, ni langavi ga nzilo wu hisako.

Isaya 30:28

Ni kuhefemula kakwe ku khwatsi i congo wu hlatako, Wu kukumuka wu chikela nhanwini ya munhu, Kasi ku hehera mifumo hi lihlelo la lobyiselelo, A milonwini ya matiko i ta veka a matomu ma hambukisako.

Isaya 30:30

Zonake Jehova i ta zwakalisa a gezu gakwe ga wudumo, A kombisa lezaku gi bisa kuyini a woko gakwe zangeni yakwe, Hi nzilo wu lovisako, ni bhubhutsa, ni xipupuri ni vula ya maralala. Ekso. 9:23; Jox. 10:11

Isaya 32:19

Kanilezi a khwati gi tawa loku kuna maralala, Ni muti wu ta tsongahatiwa.

Isaya 40:10

Langutani, Hosi Jehova i tata khwatsi i nhenha, A ku ta fuma hi canja gakwe. Langutani, wata ni nchachazelo wakwe, Ni muphango wakwe wa mu rangela.

Isaya 8:6

Kota lezi a vanhu lava va alileko a mati ya le Xiloa, lawa ma khulungako khwatsi, va tsakela Rezini ni nʼwana Remalia;

Ezekieli 13:11

hikwalaho u ta byela lava va gi tshulako hi mhemba lezaku gi tawa. Ku tana a vula ya hombe, na nwina maralala ya hombe mu tawa; ni xingulu xi ta gi khungumula.

Ezekieli 38:9

U ta kanziha, u tata kukotisa a bhubhutsa, u fanana ni refu gi fenengetako misava, wena ni mitlawa ya wena yontlhe ni matiko yo tala ma nga zinwe na wena.

Danieli 9:26

Anzhako ka 62 wa maviki, loyi a totilweko i ta dawa, na a nga hi na muvaleti. A vanhu va hosi leyi yi ta ngata va ta hahlula a muti, ni wutshamu ga kubasa. A kugumelwa ka yona ku tava ku khwatsi yi dawa hi ntalo; ku tava ni yimpi kala kugumeseni, ku layilwe lezaku kuva ni kuhahlulwa.

Nahume 1:8

Kanilezi i ta lovisa a muti wa kona hi congo wu hlatako, a valala vakwe i ta va; hlongola vaya munyameni,

Joxua 10:11

Ku te na va ha chava va ka Israeli, na va relela le Bete-Horoni, Jehova i lo nisa maribye ya hombe hehla kabye mata hi le tilweni, kala le Azeka, vona va lo dawa, lava va nga dawa hi vula ya maribyana va wa tele nguvu ku hunza lava va nga dawa hi va ka Israeli hi matlhari. Ekso. 9:17

Kuvululelwa 18:8

Hikwalaho a zixaniso zakwe zi tata hi siku ginwe, a kufa, ni hlomulo, ni ndlala; yena i ta hiswa hi nzilo hakuva i na ni ntamu Hosi Nungungulu loyi a mu-lamulako. Isa. 47:9; Jer. 50:34

Kuvululelwa 8:7

Leʼyo ranga yi loba a mpunzu wa yona, zonake kuna vula ya maralala ni nzilo, na zi patsilwe ni nkhata, zi hoxwa misaveni. Ku lo hiswa a xipanze xa wunharu xa misava, ku hiswa ni xipanze xa wunharu xa tisinya, ku hiswa ni byanyi gontlhe go nyuka. Isa. 2:13; Ezek. 38:22; Xip. 16:2