Isaya 28:15 - Tshwa Bible

¹⁵ Hilezi mu nge ngalo: Hi mahile xivumelwano ni kufa, Hi zwanana ni Xeoli; Hambu loku a tsayiselelo wu kukuleta ku fanana ni ntalo, Wu nga ta hi chikelela, Hakuva a mawunwa hi ma mahile wuchavelo ga hina, Hi fihlala lahasi ka kukhohlisa.

Isaya 28:15 Mawu Ofanana

Genesisi 37:20

Ngonani hi ta mu daya hi mu hoxa rinzini, hi ta yaku: I delwe hi zivanza; hi ta wona lezaku a miloro yakwe yi ta kuyini.

Joba 5:23

Hakuva wena u ta maha wuxaka ni maribye ya khwati: Ni zivanza za khwati zi tava kuruleni zinwe na wena.

Mutshawuteli 8:8

A ku na munhu a nga ni ntamu hehla ka mheho, a ku yi khoma, Ge, hambu ku laya hi siku ga kufa, Ku hava kutlhatlheka yimpini leyo; Ni loyi wa kubiha a nga hanyiswi hi kubiha kakwe.

Isaya 28:18

A xivumelwano xa nwina ni kufa xi ta vinyetelwa, Ni kuzwanana ka nwina ni Xeoli ku nga ta yima; Loku wuta a ntalo wa tsayiselelo nwina mu ta kanzihelwa.

Isaya 28:2

Langutani, a Hosi ya ruma a nala a nga ni ntamu, ni wa ku tiya; Wata khwatsi hi bhubhutsa ga vula ya maralala, Kukotisa a ntalo wa mati ya hombe, lawa ma phandlulako kontlhe, I ta zi hoxa misaveni hi ntamu. 2 Tih. 17:3, 6; 18:10

Isaya 29:15

Khombo ka vona lavo va fihleleko Jehova a xikungo xabye, Va maha mitiro yabye munyameni; Vaku: Hi ta woniwa hi mani, himani a hi tivako?

Isaya 3:12

A vanhu va mina va tsimbeketiwa hi nwanana, va fumelwa hi vavasati. O tiko ganga, a varangeli va wena va ku hambukisa, va gohile a ndlela leyi u fambako ha yona.

Isaya 30:10

Lava va nge ngalo ka vavumbi: Mu nga vumbi; ni ka vaprofeti, vaku: Mu nga hi profeteli zinene, hi byeleni a timhaka leti ti tsakisako, profeteni zahava;

Isaya 30:12

Hikwalaho a Wa ku Basa wa ka Israeli e ngalo: Kota lezi mu kanyisako a mhaka leyi, mu tsumba kutsimbeketa ni kubiha, mu namarela ka zona,

Isaya 30:28

Ni kuhefemula kakwe ku khwatsi i congo wu hlatako, Wu kukumuka wu chikela nhanwini ya munhu, Kasi ku hehera mifumo hi lihlelo la lobyiselelo, A milonwini ya matiko i ta veka a matomu ma hambukisako.

Isaya 30:9

Lezaku legi i tiko gi hluwukileko, a vanana va mawunwa, a vanana lava va alako ku ingisa milayo ya Jehova. 2 Tih. 17:14; Neh. 9:16

Isaya 44:20

Iga khuma, a hambukiswa hi mbilu yi khohlakeleko, lezaku a tsanzeka ku ponisa a muhefemulo wakwe; hambu ni ku wula, aku: Lezi nzi zi khomileko canjeni ga mina a hi wunwa ke?

Isaya 59:3

Hakuva a mandla ya nwina ma nyenyezisilwe hi nkhata, Ni titiho ta nwina ti nyenyezisilwe hi kugoha, A milomu ya nwina yi wulawula mawunwa, Ni tirimi ta nwina ti wulawula kubiha.

Isaya 59:4

A ku na munhu a yimelako ku lulama, A nga kona a ti hlamulelako hi zinene. Va tsumba za hava, va wulawula mawunwa; Va xura nyimba ya kukhohlisa, va pswala kubiha.

Isaya 9:15

A hloko hi masingalakati ni vadzunzekileko, Kanilezi a vaprofeti va profetako mawunwa i nkila.

Jeremia 13:25

Lexi hi xiavelo xa wena lexi u ringaniselweko hi mina, Ku wula Jehova; Hakuva u nzi rivele, u tsumba mawunwa.

Jeremia 14:13

Zonake nzi te ngalo: Ha, Hosi Jehova, a vaprofeti va wula kabye, vaku: Mu nga ta wona supado, hambu kuva ni ndlala; kanilezi nzi ta mu nyika a kurula ku tiyileko a wutshanwini legi.

Jeremia 16:19

O Jehova, ntamu wa mina ni khokhola ga mina, Ni wuponelo ga mina sikwini ga kuxaniseka, A matiko ma tata ka wena hi le magunweni ya misava, maku: A vadadani va gile tshomba ya mawunwa ntsena, A zifananiso za hava, zi nga vuniko nchumu. Isa. 2:2; Zak. 8:20

Jeremia 44:17

Kanilezi hi ta maha zontlhe lezi hi zi wulileko hi milomu ya hina, hi ta hisela a muzinza wa tilo a libani, ni ku mu mahela miphahlo ya kunwa khwatsi hilezi hi mahileko hina ni vadadani va hina, ni tihosi ni tihosana ta hina lomu mitini ya ka Juda ni lomu maruweni ya Jerusalema. Hakuva xikhatini lexo hi wa hi ni kuga ku eneleko, hi wa humelela, hi nga woni kubiha.

Jeremia 5:12

Va kanetile Jehova, vaku: A hi yena. Cima ku nga tawa khombo hehla ka hina; hambu supado ni ndlala hi nga ta zi wona. Deut. 29:19; Isa. 28:15

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Ezekieli 13:16

va nga vona vaprofeti va ka Israeli, lava va profetako hi Jerusalema, va wona miwoniso ya kurula, kasi lezo a ku na kurula, ku wula Hosi Jehova.

Ezekieli 13:22

Kota lezi mu xanisileko a mbilu ya loyi wo lulama hi mawunwa ya nwina, loyi mina nzi nga mu xanisangiko, na mu tiyisa a mandla ya loyi wo biha, kasi a nga hunzuluki ndleleni yakwe ya kubiha, a hanyiswa,

Ezekieli 22:28

A vaprofeti va kona va ti tota hi mhemba, va wona miwoniso ya hava, va ti vumbela mawunwa, vaku: Ku wula Hosi Jehova, kasi lezo Jehova a nga wulangi nchumu.

Ezekieli 8:12

Zonake aku ka mina:. Nʼwana wa munhu, wa zi wona lezi a masingalakati ya yindlu ya ka Israeli ma zi mahako lomu munyameni, munwe ni munwani lomu ndlwini yakwe ya zifananiso ke? Hakuva ve ngalo: Jehova a nga hi woni; Jehova i tsikile a tiko.

Danieli 11:22

A tiyimpi leʼtinyingi ti ta kukuletwa mahlweni kakwe, ti hangalaswa, zinwe ni hosana ya xivumelwano.

Danieli 9:27

Yi ta maha xivumelwano xi tiyileko ni vanyingi ka viki ginwe. Hi khihlanya ga viki yi ta maha a miphahlelo ni minyikelo ya tinzhoho yi yima. A muhahluli i tata hehla ka tipapa ta manyalataniso ya mbalakasa, kala a tsayiselelo lowu wu yimisilweko wu chululiwa hehla ka muhahluli. Isa. 28:22; Mat. 24:15; Mar. 13:14

Hosea 2:18

Hi siku lego nzi ta va mahela a xivumelwano ni zihari za khwati, ni tinyanyani ta tilo, ni zikokakoka za misava. Nzi ta tshova a mawura ni tisupado, nzi fuvisa yimpi laha tikweni, nzi va maha va tshama hi kurula.

Amosi 2:4

Jehova i ngalo: Hi kota ya zionho zinharu za Juda, kutani mune wa zona, nzi nga ta susa a xitsayiso, hakuva va alile a nayo wa Jehova, a va hlayisangi a zilayelo zakwe; a vanungungulu vabye va mawunwa va va hambukisile, lava a vararu vabye va nga va lanzela. Vala. 2:11

Amosi 6:13

Nwina lava mu tsakelako za hava, muku: A hi ntamu wa hina wutsumbu lowu hi nga hlula ha wona ke? 1 Tih. 22:11; Mik. 4:13

Jona 2:8

Lava va khatalelako zahava, Va tsika Nungungulu wabye wa tipswalo.

Zefania 1:12

Xikhatini lexo nzi ta lavisisa lomu Jerusalema hi tikandiya; nzi ta tsayisa a vavanuna lava va te ku njha hehla ka zisese zabye, lava va nge ngalo timbilwini tabye: Jehova a nga mahi xinene ge hambu zahava!