Isaya 26:4 - Tshwa Bible

⁴ Tsumbani Jehova kala ku pinzuka, Hakuva Jehova Jehova i ribye ga pinzukelwa. Deut. 32:4; Tis. 18:2

Isaya 26:4 Mawu Ofanana

2 Kronekele 20:20

Hi siku gi gamelako va lo suka ni mixo va loya tlhelo ga xiwula xa le Tekoa; va te na va ha suka, Jehoxafate i lo yima, aku: Hi nga zwani nwina vaJuda na nwina vaaki va Jerusalema! Tsumbani Jehova Nungungulu wa nwina, mu ta tiyiswa; tsumbani vaprofeti vakwe, mu ta humelela!

2 Kronekele 32:8

Yena i na ni woko ga nyama, kanilezi hina hi na na Jehova Nungungulu wa hina, a hi vunetela ni ku hi lwela tiyimpi ta hina. A vanhu va lo tiyiswa hi magezu ya Hezekia hosi ya ka Juda.

Joba 9:19

Hi ku kumbuka ntamu, languta, hi yena Nyamintamu; Loku ku hi nongameto, i ngalo: Himani a to nzi ranisa?

Tisimu 125:1

Lava va tsumbako Jehova Va fanana ni xitsunga xa Zioni, lexi xi nga tsekatsekiswiko, Lexi xi tiyileko kala kupinzuka.

Tisimu 18:2

Jehova hi ribye ga mina, ni khokhola ga mina, ni mutlhatlhisi wa mina; Nungungulu wa mina, ribye ga mina legi nzi chavelako ka gona; Xitlhangu xa mina, ni limhonzo la kuhanyiswa ka mina, ni khokhola ga mina. Lu. 1:69; Maheb. 2:13

Tisimu 46:1

Nungungulu wuchavelo ga hina ni ntamu, Kuvunetela ku nga kona kusuhani xikhatini xa zikarato.

Tisimu 55:22

Rula a nzhwalo wa wena ka Jehova, i ta ku seketela, Cima a nga ta vumela loyi a lulamileko a ku tsekatsekiswa. Mat. 6:25; Lu. 12:22; 1 Ped. 5:7

Tisimu 62:11

Nungungulu i wulile kanwe. Nzi zi zwile kumbiri lezaku A ntamu ngwa Nungungulu.

Tisimu 62:8

Nwina vanhu, tsumbani yena masiku wontihe; Chululani timbilu ta nwina mahlweni kakwe: Nungungulu hi wuchavelo ga hina. (Sela.)

Tisimu 62:9

Kunene, a vanhu va wulahasi a va nyawuli, Ni vanhu va hombe mbunwa ntsena; Loku va vekiwa xikalwini va hehuka ku hunza kuhefemula. Isa. 40:15, 17; Dan. 5:27

Tisimu 66:7

I fumela hi ntamu wakwe kala kupinzuka; A mahlo yakwe ma languta vamatiko. Lava va hluwukileko ngha va nga ti kulisi. (Sela.) 2 Kro. 16:9

Tisimu 93:1

Jehova wa fuma, i ambele wukulu; Jehova i ti ambexile ntamu, a wu boha, Hikwalaho a misava yi tiyisilwe, a yi tsekatseka

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 17:10

Hakuva u tsikile Nungungulu wa kuhanyiswa ka wena, A ku alakanyangi a ribye ga khokhola ga wena, Hikwalaho u ta rima a masimu ya zibyalo zo saseka, U sima kona a zibyalo za le matikweni.

Isaya 30:29

Nwina mu ta yimbelela lisimu lo fanana ni leli li yimbelelwako ni wusiku mubuzweni wa kubasa; A timbilu ta nwina ti ta tsaka khwatsi hi ta lava va bako maxava loku vaya xitsungeni xa Jehova, A Ribyeni ga Israeli.

Isaya 32:2

Munwe ni munwani i ta kotisa wuchavelo loku moya wu bhubhutsa, A kotisa wuponelo ka xingulo; Kukotisa a congo wa mati wutshanwini gi womileko; Ni nzhuti wa ribye ga hombe tikweni gi nga ni tora.

Isaya 44:8

Mu nga chavi, ge hambu ku rurumela! A nzi ku byelangi kale, nzi zi tlhatlhambutela ke? Nwina mu vakustumunyu va mina. I kona munwani Nungungulu a handle ka mina ke? Ge, a gi kona ginwani ribye, a nzi gi tivi. Deut. 4:35; 1 Sam. 2:2; 1 Kor. 8:4

Isaya 45:17

Kanilezi Israeli i hanyisilwe hi Jehova hi kuhanyisa ka pinzukelwa; Mu nga tava ni tingana ni ku kanganyiseka kala kupinzuka.

Isaya 45:24

Ku wulilwe ku ngalo: A kululama ni ntamu zi le ka Jehova yece. Va tata kakwe na va kanganyiseka Vontlhe lava va mu zangareleko.

Isaya 50:10

Himani xikari ka nwina a chavako Jehova, A ingisa a gezu ga nanza gakwe? Loye a fambako munyameni, na a nga hi na kuwonekela, Ngha a tsumba vito ga Jehova, a khegela ka Nungungulu wakwe.

Isaya 51:5

A kululama ka mina ku laha kusuhani, ni kuhanyisa ka mina ka hata; Zonake a mawoko ya mina ma ta lamula matiko; A matiko ya lomu bimbini ma nzi langutela, Ma tsumba woko ga mina.

Isaya 63:1

Himani loyi a tako hi le Edome, Na huma hi le Bozra, a ambeleko tinguwo to pswhuka to khazamula, A fambako hi wukulu ga ntamu wakwe? Hi mina loyi nzi wulawulako hi kululama, nzi nga ni ntamu wa ku hanyisa.

Danieli 3:17

Loku zi koteka a kuva a Nungungulu wa hina loyi hi mu khozelako a hi ponisa nzhimbyeni wa pingo ga nzilo, i ta hi tlhatlhisa canjeni ga wena hosi.

Danieli 3:28

Nebukadnezzare i lo wulawula, aku: A khesiwe a Nungungulu wa Xadrake na Mexake na Abed-nego, loyi a rumeleko a ngelosi yakwe a ku ta tlhatlhisa malanza yakwe lawa ma mu tsumbako, lawa ma nga tsanzisa a mhaka ya hosi, va ti nyikela mimiri yabye lezaku va nga ta tirela ni ku khizamela a nungungulu ahandle ka Nungungulu wabye.

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Mateu 6:13

U nga hi yisi minzhingweni, kanilezi hi tlhatlhise ka loyi wa kubiha. Lu. 22:40, 48; Joh. 17:15; Kuv. 3:10

Deuteronome 32:15

Jexuruni a su kulukelana, a radlavanya. A kuluka, a zimuka, a tala hi mafura. Kanilezi a tsika Nungungulu loyi a mu wumbileko, A nyenya a ribye ga kuhanyiswa kakwe.

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Deuteronome 33:27

Nungungulu wa pinzukelwa mbuchavelo ga wena, Ni laha hasi ku fumela a mawoko yakwe ya pinzukelwa. I hlongolile a valala mahlweni ka wena, A ku ngalo: Lovisa!

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

1 Samueli 2:2

Ku hava a basileko khwatsi hi Jehova; Hakuva a nga kona munwani ahandle ka wena; Ge hambu kuva kona ginwani ribye go fana ni Nungungulu wa hina.