Isaya 26:3 - Tshwa Bible

³ Loyi wa mbilu yi tiyileko u ta mu veka kuruleni, U ta mu nyika kurula hakuva i tsumba wena.

Isaya 26:3 Mawu Ofanana

1 Kronekele 5:20

Va lo vunetelwa kulwa navo; a vaHagrate ni vavuni vabye va lo nyikelwa mandleni yabye, hakuva a xikhati va ngalwa va wa rila ka Nungungulu, zonake yena a va ingisa, hakuva va wa tsumba ka yena.

2 Kronekele 13:18

A va ka Israeli va lo khoziswa xikhatini lexo, a va ka Juda va hlula, hakuva va wa tsumba Jehova Nungungulu wa vararu vabye.

2 Kronekele 16:8

Kasi a yimpi ya vaEtiopia ni vaLibia, ni makamaka wa tikareta ni vakhileli va mahaxi, va wa nga talangi ke? Leziya u nga wa tsumba Jehova, yena i va nyikele mandleni ya wena.

Tisimu 119:165

Va na ni kurula ka hombe lava va ranzako nayo wa wena, A xi kona xo va khunguvanyisa.

Tisimu 125:1

Lava va tsumbako Jehova Va fanana ni xitsunga xa Zioni, lexi xi nga tsekatsekiswiko, Lexi xi tiyileko kala kupinzuka.

Tisimu 9:10

A va ku tsumbe lava va tivako a vito ga wena; Hakuva wena Jehova a ku tsiki lava va ku lavako.

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 26:12

Jehova, u ta vanga kurula xikari ka hina, Hakuva a mitiro ya hina yontlhe hi wena u yi mahileko.

Isaya 27:5

Loku zi nga hi tano a va tsutsumele khokholeni ga mina, Va kombela kurula ka mina, Ina, a va kombele kurula ka mina.

Isaya 31:1

Khombo ka vona lava va relelako Gipite ku ya vuniwa, Lava va tsumbako mahaxi, Va tsumba tikareta hakuva tinyingi, Va tsumba vakhileli va mahaxi hakuva va nga ni ntamu, Kanilezi a va tsumbi Loyi a Basileko wa ka Israeli, Ge, hambu ku lava Jehova.

Isaya 32:17

A ntiro wa kululama wu tava kurula, Ni mihanzu ya kululama yi tava kuhumula ni kutsumba kala kupinzuka.

Isaya 32:18

Zonake a vanhu va mina va ta tshama tikweni ga kurula, Lomu tindlwini ti tsumbekileko, Ni matshanwini ya ku humula hi kurula.

Isaya 42:19

A xikhumu himani, loku ku nga hi nanza ga mina, Himani a mbeveve yo fana ni tsukano wa mina lowu nzi nga wu ruma? Himani xikhumu ku hunza loyi a ranzekako ka Nungungulu? Himani a nga xikhumu ku fanana ni nanza ga Jehova?

Isaya 42:6

Mina Jehova nzi ku vitanele kululama, Nzi ta ku khoma hi canja ga wena nzi ku hlayisa; Nzi ta ku yimisa a kuva xivumelwano ni tiko, Ni kuwonekela ka vamatiko;

Isaya 48:2

Hakuva va ti vitana hi vito ga muti wu basileko, Va ti seketela hi Nungungulu wa ka Israeli, Loyi a vito gakwe a nga Jehova wa tiyimpi.

Isaya 49:8

Jehova i ngalo: Nzi ku hlamule xikhatini xa tipswalo, Ni sikwini ga kuhanyiswa nzi ku vunetele. Nzi ta ku lonzowota, nzi ku tiyisa kasi wa fela kuva xivumelwano ni tiko, Ku tlhelisela a misava, ni ku avela vanhu a titshomba leti ti onhekileko, 2 Kor. 6:2

Isaya 50:1

Jehova i ngalo: Gi kwihi a papilo ga mamani wa wena ga kualana, legi nzi mu hlongoleko ha gona? Kutani nzi mu xavisile ka wihi wa vamangava va mina ke? Langutani, mu xavisilwe hi kota ya zionho za nwina, Ni mamani wa nwina i hlongolwe hi kota ya zihambunyeto za nwina. Deut. 24:1; Jer. 2:19

Isaya 50:10

Himani xikari ka nwina a chavako Jehova, A ingisa a gezu ga nanza gakwe? Loye a fambako munyameni, na a nga hi na kuwonekela, Ngha a tsumba vito ga Jehova, a khegela ka Nungungulu wakwe.

Isaya 66:12

Hakuva Jehova i ngalo: Nzi ta mu nehela, kurula ko khwatsi i congo, Ni wukosi ga matiko ko fanana ni congo wu hlatako; Zonake mu ta anwa, mu tlakuliwa, mu wukarelwa.

Jeremia 39:18

Futsi nzi ta ku hlanguta, u nga ta dawa hi supado; kanilezi a wutomi ga wena u ta gi wutla kukotisa muphango, hakuva u nzi tsumbile, ku wula Jehova.

Danieli 3:17

Loku zi koteka a kuva a Nungungulu wa hina loyi hi mu khozelako a hi ponisa nzhimbyeni wa pingo ga nzilo, i ta hi tlhatlhisa canjeni ga wena hosi.

Danieli 3:28

Nebukadnezzare i lo wulawula, aku: A khesiwe a Nungungulu wa Xadrake na Mexake na Abed-nego, loyi a rumeleko a ngelosi yakwe a ku ta tlhatlhisa malanza yakwe lawa ma mu tsumbako, lawa ma nga tsanzisa a mhaka ya hosi, va ti nyikela mimiri yabye lezaku va nga ta tirela ni ku khizamela a nungungulu ahandle ka Nungungulu wabye.

Danieli 6:23

A hosi yi lo tsaka nguvu, yi rumisa lezaku va humesa Danieli nkeleni wa tinghala. Zinghaho Danieli i lo humeswa nkeleni, a ku na nga kumiwa ni sakaveti ginwe ka yena hakuva i wa tsumbile a Nungungulu wakwe.

Mika 5:5

I ta neha kurula. Laha a muAssiria a ta nga enghena tikweni ga hina, a kanziha lomu ziluvelweni za hina, hi ta mu vuxela ntlhanu wa varisi ni vambiri, ni ntlhanu ni tinharu a tihosana ta vanhu.

Johani 14:27

A kurula nza ku siya ka nwina; nza mu nyika a kurula ka mina; a nzi mu nyiki kota lezi gi nyikisako zona tiko. A timbilu ta nwina ngha ti nga karateki, hambu ni ku chava. Fil. 4:7; Kol. 3:15

Johani 16:33

Nzi mu tivisile a timhaka leti, lezaku mu fela kuva ni kurula a ka mina. Mu na ni kukarateka tikweni, kanilezi tiyani hlana, mina nzi hlulile tiko. Xip. 14:1, 27; 15:19; Rom. 5:1; 2 Tim. 3:12; 1 Joh. 4:4

Va le Roma 5:1

Hikwalaho na hi hlayelwe kululama hi kukholwa, hi na ni kurula ni Nungungulu hi Hosi ya hina Jesu Kristu; Isa. 32:17; Joh. 16:33; Efe. 2:14

Va le Filipi 4:7

Zonake a kurula ka Nungungulu, loku ku nga hiko na kupimiwa, ku ta hlayisa a timbilu ta nwina ni maalakanyo ya nwina ka Kristu Jesu. Joh. 14:27; Rom. 5:1; Kol. 3:15